Hormone Replacement Therapy : ఈ సర్జరీతో మగవారు ఆడవారిగా, ఆడవారు మగవారిగా మారొచ్చట.. లింగమార్పిడితో జరిగే మార్పులు, సైడ్ ఎఫెక్ట్​లు ఇవే

Gender Reassignment Surgery : ఈ మధ్యకాలంలో లింగమార్పిడి అనేది చాలా కామన్ అయిపోయింది. అయితే ఈ లింగమార్పిడి ప్రాసెస్ ఏంటి? చికిత్స విధానం, సైడ్ ఎఫెక్ట్స్ ఏంటో ఇప్పుడు చూసేద్దాం.

లింగమార్పిడి సర్జరీ (Image Source : Envato)

Source : envato

HRT (Hormone Replacement Therapy) Surgery : మగవారు ఆడవారుగా మారడాన్ని.. ఆడవారు మగవారిగా మారడాన్ని లింగమార్పిడి విధానం అంటారు. హార్మోన్ రిప్లేస్​మెంట్ థెరపీ సర్జరీ ద్వారా ఈ లింగమార్పిడి అనేది జరుగుతుంది. దీనినే జెండర్ కన్ఫర్మేషన్ సర్జరీ (Gender Confirmation Surgery) అని కూడా అంటారు. దీని ద్వారా ఓ జెండర్ నుంచి మరో జెండర్​కి మారిపోతుంటారు. అసలు ఈ సర్జరీ ప్రాసెస్ ఏంటి? ఫిజికల్​గా జరిగే మార్పులేంటి? సైడ్ ఎఫెక్ట్​లు ఉంటాయా? వంటి విషయాలు ఇప్పుడు తెలుసుకుందాం. 

వివిధ కారణాల వల్ల కొందరు తమ జెండర్​ని మార్చుకోవాలనుకుంటారు. తమ శరీరంలో జరిగే మార్పులను గుర్తించి.. మగవారు ఆడవారిగా.. ఆడవారు మగవారిగా మారుతూ ఉంటారు. అయితే ఈ సమయంలో హార్మోన్ రిప్లేస్​మెంట్ థెరపీ చేయించుకుని.. లింగమార్పిడి చేసుకుంటారు. అయితే ఈ సర్జరీ అనుకున్నంత సులభమేమి కాదట. దానిని చేయించుకునే ముందు.. చేయించుకున్న తర్వాత కూడా కొన్ని ఫాలో అవ్వాలి అంటున్నారు. అలాగే దాని వల్ల కొన్ని ప్రాణాంతకమైన సైడ్​ ఎఫెక్ట్స్ కూడా ఉంటాయట. ఇంతకీ ఈ సర్జరీ ప్రాసెస్ ఏంటి?

హార్మోన్ రిప్లేస్​మెంట్ థెరపీ.. 

ముఖ్యంగా శరీరంలో విడుదలయ్యే కొన్ని హార్మోన్లలో మార్పులు చేస్తారు. మగవారు ఆడవారిగా మారాలనుకుని చేయించుకునే సర్జరీలో ఈస్ట్రోజన్​ని రిప్లేస్​మెంట్ చేస్తారు. టెస్టోస్టిరాన్ విడుదల కాకుండా బ్లాక్ చేస్తారు. ఫీమేల్ నుంచి మేల్​గా మారేవారిలో టెస్టోస్టిరాన్​ను రిప్లేస్ చేస్తారు. యాంటీ ఈస్ట్రోజెన్స్ ఇస్తారు. దీనివల్ల ఈస్ట్రోజన్ విడుదల కాకుండా ఉంటుంది. 

సర్జరీల్లో రకాలు ఇవే

హార్మోన్ రిప్లేస్​మెంట్ థెరపీ సర్జరీలో ప్రధానంగా రెండు రకాలు ఉంటాయి. వాటిలో ఒకటి మేల్​ టూ ఫీమేల్ (Male-to-Female) ఉంటుంది. దీనిలో భాగంగా.. కృతిమ యోనిని క్రియేట్ చేస్తారు. బ్రెస్ట్​ ఆగ్యూమెన్టేషన్ చేస్తారు. ముఖంలో ఆడవారి కళ ఉట్టిపడేలా సర్జరీ చేస్తారు. హెయిర్ ట్రాన్స్​ప్లేంటేషన్ కూడా జరుగుతుంది. ఈ సర్జరీ వల్ల మగవారు పూర్తిగా అమ్మాయిగా మారుతారు. 

రెండో రకం ఫీమేల్ టూ మేల్ (Female-to-Male) ఆడవారు మగవారిగా మారాలనుకుంటే కూడా ఈ సర్జరీ చేయించుకోవచ్చు. ఫాల్లోప్లాస్టీ ద్వారా కృత్రిమ అంగాన్ని క్రియేట్ చేస్తారు. మెటోడిప్లాస్టీ కూడా దీనిలో భాగమే. చెస్ట్ రీ కన్​స్ట్రక్షన్ చేస్తారు. యూట్రస్​ని తీసేస్తారు. ఈ సర్జరీ తర్వాత ఆడవారు పూర్తిగా మగవారిగా కనిపిస్తారు. 

ఇవి పాస్​ అయితే సర్జరీనే.. 

మానసికంగా దృఢంగా ఉన్నారో లేదో చెక్ చేస్తారు. హార్మోన్ థెరపీ ఇస్తారు. దాదాపు సంవత్సరం పాటు ఈ థెరపీ ఉంటుంది. కావాలనుకుంటున్న జెండర్​ లైఫ్​ని లీడ్ చేయాల్సి ఉంటుంది. మెడికల్ క్లియరెన్స్ కూడా ఉండాలి. 

సర్జరీ తర్వాత తీసుకోవాల్సిన జాగ్రత్తలు

సర్జరీ తర్వాత హాస్పటల్​లో ఉండేందుకు ప్రిపేర్ అవ్వాలి. నొప్పిని భరించగలిగాలి. గాయాలు మానేందుకు కేర్ తీసుకోవాలి. ఫిజికల్ థెరపీ కచ్చితంగా తీసుకోవాలి. 

సైడ్ ఎఫెక్ట్స్ ఇవే

ఈ సర్జరీ చేయించుకుంటే కొన్ని రిస్క్​లు, కాంప్లికేషన్స్ ఉంటాయి. బ్లీడింగ్ ఉంటుంది. ఇన్​ఫెక్షన్లు వచ్చే అవకాశం ఎక్కువ. నరాల సమస్యలు. హార్మోనల్ మార్పులు. ఇలా కొన్ని సమస్యలు ఇబ్బంది పెడతాయి. అయితే ఇవి అందరిలోనూ ఉండకపోవచ్చు. సర్జరీ తర్వాత రికవరీ అయ్యేందుకు పూర్తి సమయం తీసుకోవాలి.