High Cholesterol : సైలెంట్‌గా పెరుగుతున్న కొలెస్ట్రాల్.. ఈ లక్షణాలు పెరుగుతోన్న కొవ్వుకు సంకేతం, నెగ్లెక్ట్ చేయకండి
High Cholesterol Warning Signs : హై కొలెస్ట్రాల్ గుండె జబ్బులకు ప్రధాన కారణం కావచ్చు. కాబట్టి ముందుగానే సంకేతాలను గుర్తించి.. జీవనశైలిని మార్చుకుంటే దీన్ని సులభంగా నియంత్రించవచ్చు.
- శరీరంలో కొలెస్ట్రాల్ పెరగడం వల్ల చేతులు, కాళ్లపై గడ్డలు.
- కళ్ల చుట్టూ పసుపు మచ్చలు, గ్రే రింగ్ రావచ్చు.
- అలసట, శ్వాస తీసుకోవడంలో ఇబ్బంది, ఛాతి నొప్పి కలగవచ్చు.
- ఆహారం, వ్యాయామం, జన్యువులు కొలెస్ట్రాల్‌ను ప్రభావితం చేస్తాయి.
Early Signs of High Cholesterol : శరీరంలో కొలెస్ట్రాల్ స్థాయులు పెరగడం అనేది చాలా సైలెంట్‌గా జరుగుతుంది. అందుకే దీనిని సైలెంట్ కిల్లర్ అని అంటారు. ఎందుకంటే మొదట్లో కొవ్వుకు సంబంధించిన స్పష్టమైన లక్షణాలు కనిపించకపోవు. దీని వల్ల చాలా మంది ఈ సమస్యను పట్టించుకోరు. అయితే కొన్ని చిన్న సంకేతాలను శరీరం ముందుగానే ఇస్తుందట. వాటిని గుర్తించి.. లైట్ తీసుకోకుండా జాగ్రత్తలు తీసుకుంటే పెద్ద సమస్యలను నివారించవచ్చని చెప్తున్నారు.
హై కొలెస్ట్రాల్
కొలెస్ట్రాల్ అనేది శరీరానికి అవసరమైన కొవ్వు పదార్థం. కానీ శరీరంలో చెడు కొలెస్ట్రాల్ ఎక్కువైతే రక్తనాళాల్లో పేరుకుపోయి గుండె జబ్బులకు దారితీస్తుంది. అలాగే శరీరంలో ఇతర అవయవాలకు కూడా దీనివల్ల డ్యామేజ్ కలుగుతుంది. అందుకే దీనిని విస్మరించకూడదని.. చెప్తున్నారు నిపుణులు.
అయితే నిపుణుల ప్రకారం హై కొలెస్ట్రాల్ ఉన్నవారిలో కొన్ని లక్షణాలు కనిపిస్తాయి. వాటిలో టెండన్ జాంథోమా అనేది ఒక ముఖ్యమైన లక్షణం. అంటే చేతుల మోచేతులు, మోకాళ్లు, కాలి మడమల దగ్గర చిన్న గడ్డలు కనిపిస్తాయి. పసుపు రంగులో ఉండే కొవ్వు పేరుకుపోయి కనిపిస్తుంది. ఇవి గట్టిగా, నొప్పిగా అనిపించవచ్చు. అలాగే కాలి వెనుక భాగం దగ్గర ఇలాంటివి ఎక్కువగా కనిపిస్తాయి. ఇవి శరీరంలో లిపిడ్ పేరుకుపోవడం వల్ల వస్తాయి.
కొవ్వు ఉంటే కనిపించే ఇతర లక్షణాలు
శరీరంలో కొవ్వు ఎక్కువగా ఉంటే.. అలసట, బలహీనత ఎక్కువగా ఉంటుంది. వాంతులు వచ్చినట్లు అనిపిస్తుంది. అలాగే కళ్ల చుట్టూ గ్రే కలర్ రింగ్ వస్తుంది. కంటి పలకల దగ్గర పసుపు మచ్చలు వస్తాయి. పురుషుల్లో అంగస్తంభన సమస్యలు వస్తాయి. శ్వాస తీసుకోవడంలో ఇబ్బంది, ఛాతి నొప్పి వంటివి జరుగుతాయి. అయితే చాలా మందిలో ఈ లక్షణాలు కనిపించకపోవచ్చు.
కొలెస్ట్రాల్ ఎందుకు వస్తుంది?
శరీరంలో కొలెస్ట్రాల్ పెరగాడనికి అనేక కారణాలు ఉన్నాయి. అధికంగా కొవ్వు ఉన్న ఆహారం తీసుకోవడం, వ్యాయామం చేయకపోవడంతో పాటు జన్యుపరమైన లోపాలు దీనికి కారణాలు అవుతాయి. ఒబెసిటీ, డయాబెటిస్ వల్ల కూడా కొవ్వు పెరుగుతుంది.
ఎప్పుడు జాగ్రత్త తీసుకోవాలి..
శరీరంపై గడ్డలు కనిపించినా.. కళ్ల చుట్టూ మార్పులు ఉన్నా.. తరచూ అలసటగా అనిపిస్తే వెంటనే బ్లడ్ టెస్ట్ చేయించుకోవడం మంచిది. వైద్యుల సూచనలు ఫాలో అవ్వడంతో పాటు.. ఫ్యాట్స్ తగ్గించాలి. ఫైబర్ ఎక్కువగా ఉండే ఆహారం, ఫ్రూట్స్, వెజిటబుల్స్ ఎక్కువగా తినాలి. రెగ్యులర్గా వ్యాయామం చేస్తే మంచిది. స్మోకింగ్, ఆల్కహాల్ మానేస్తే మంచిది.
హై కొలెస్ట్రాల్ చాలా కాలంపాటు లక్షణాలు చూపించకపోవచ్చు. కాబట్టి రెగ్యులర్ చెకప్ చేయించుకోవడం చాలా ముఖ్యం. ఫ్యామిలీలో ఎవరికైనా ఈ సమస్య ఉంటే మరింత జాగ్రత్తగా ఉండాలి. లైఫ్స్టైల్ మార్పులతో పాటు ఫుడ్ ఛేంజ్ చేస్తే.. కొలెస్ట్రాల్ కంట్రోల్ అవుతుంది.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
