Split Ends : ఈ సమస్యను కంట్రోల్ చేస్తే జుట్టు చాలా హెల్తీగా ఉంటుందట.. మీరు ఫాలో అయిపోండి

Split Ends Prevention : జుట్టు రాలిపోవడానికి, అందవిహీనంగా మారడానికి ఉండే ప్రధాన కారణాల్లో స్పిల్ట్​ ఎండ్స్ ఒకటి. ఇది రాకుండా జాగ్రత్త పడితే ఆరోగ్యకరమైన జుట్టు మీ సొంతమవుతుంది. 

స్పిల్ట్ ఎండ్స్​ను ఇలా కంట్రోల్ చేయండి (Images Source : Unsplash)

Split Ends in Hair : మానసిక, శారీరక సమస్యలు జుట్టుపై ప్రభావం చూపిస్తాయి. అందుకే జుట్టు రాలిపోవడానికి చాలా రీజన్స్ ఉంటాయి. అంతేకాకుండా కాలుష్య ప్రభావం, సూర్యరశ్మి, ఎక్కువ కాంతి కలిగిన లైట్స్ కూడా జుట్టుపై ప్రత్యేక్షంగా, పరోక్షంగా ప్రభావం చూపిస్తాయి. దీనివల్ల జుట్టు ఎక్కువగా రాలిపోతుంది. అయితే జుట్టు రాలిపోవడంలో స్పిల్ట్ ఎండ్స్ కూడా ప్రధాన కారణమే. అంటే జుట్టు చివర్ల చిట్లిపోవడం వల్ల కూడా జుట్టు రాలిపోతుంది అంటున్నారు నిపుణులు. 

జుట్టు చివర్ల చిట్లిపోవడం వల్ల హెయిర్ వాల్యూమ్ తగ్గిపోతుంది. జుట్టుకున్న సహజమైన మెరుపు కోల్పోతుంది. మీ జుట్టు ఎంత హెల్తీగా ఉన్నా.. జుట్టు చివర్ల చిట్లిపోతే.. హెయిర్ ఫాల్ ఎక్కువైపోతుంది. కాబట్టి ఈ సమస్యను వీలైనంత తొందరగా కంట్రోల్ చేయాలి అంటున్నారు నిపుణులు. చాలాకాలంగా జుట్టు కత్తిరించుకోకపోవడం వల్ల.. హీట్ ప్రొడెక్ట్స్ ఎక్కువగా ఉపయోగించడం వల్ల, పొల్యూషన్ వంటి కారణాల వల్ల స్పిల్ట్​ ఎండ్ వస్తాయి. అయితే ఈ సమస్యను కొన్ని టిప్స్​తో కంట్రోల్ చేయవచ్చు. అవేంటంటే..

స్పిల్ట్స్ కంట్రోల్ టిప్స్

మీరు జుట్టును కనీసం 3 నుంచి 6 నెలలకు ఓసారి కత్తిరించుకోవాలి. మీకు హెయిర్ కట్ చేయించుకోవడం ఇష్టం లేదు అనుకుంటే రెగ్యూలర్​ ట్రిమ్స్ చేయవచ్చు. అంటే క్రమం తప్పకుండా జుట్టు చివర్లను.. స్పిల్ట్స్​ ఉన్నా లేకున్నా ట్రిమ్ చేయాలి. ఇలా చేయడం వల్ల స్పిల్ట్ ఎండ్స్ తగ్గుతాయి. అంతేకాకుండా హెయిర్ గ్రోత్ కూడా మంచిగా ఉంటుంది. రెగ్యూలర్​ ట్రిమ్స్ అంటే.. జుట్టును పెరగనిస్తూ.. చివర్లు మాత్రమే ట్రిమ్ చేయాలి. ఇలా చేయడం వల్ల జుట్టును స్ట్రాంగ్​గా మారుతుంది. స్పిల్ట్​ ఎండ్స్ రావు.

జుట్టును వీలైనంత లూజ్​గా ఉండేలా చూసుకోండి. గట్టిగా కొప్పు వేయడం, పోనిటైల్ లేదా జడను గట్టిగా వేసుకోవడం వల్ల జుట్టు దెబ్బతింటుంది. కాబట్టి వీలైనంత వరకు జుట్టును వదులుగా ఉంచండి. ఇలా చేయడం వల్ల జుట్టు పొడిబారడం కూడా తగ్గుతుంది. జుట్టుకు ఉపయోగించే ప్రొడెక్ట్స్​ చివర్లు చిట్లిపోవడంపై ప్రభావం చూపిస్తాయి. కాబట్టి మంచి హెయిర్ ప్రొడెక్ట్స్ ఎంచుకోండి. అంతేకాకుండా డీహైడ్రేషన్​ వల్ల జుట్టు పొడిబారుతుంది. పొడిబారడం వల్ల కూడా జుట్టు చివర్ల చిట్లిపోతుంది.

జుట్టును స్టైల్ చేసేందుకు చాలామంది హీట్ ప్రొడెక్ట్స్ ఉపయోగిస్తారు. ఇలా చేయడం వల్లు స్పిల్ట్ ఎండ్స్ ఎక్కువయ్యే ప్రమాదముంది. అంతేకాకుండా హెల్తీ ఫుడ్ తీసుకోవడం వల్ల కూడా ఈ సమస్య తగ్గుతుంది. అంతేకాకుండా జుట్టు వాల్యూమ్ కూడా పెరుగుతుంది. ఈ రెగ్యూలర్ టిప్స్ ఫాలో అయితే జుట్టు చివర్ల చిట్లిపోవడం పూర్తిగా కంట్రోల్ అవుతుంది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.