Foods for Fatty Liver : కాలేయంలో కొవ్వు ఉంటే తీసుకోవాల్సిన ఫుడ్స్ ఇవే.. లివర్ హెల్త్ కోసం ఇవి తినేయండి
Reduce Fatty Liver Naturally : ఫ్యాటీ లివర్ సమస్య ఉన్నవారు తమ డైట్లో కొన్ని ఆహారాలు రెగ్యులర్గా తీసుకోవాలి అంటున్నారు నిపుణులు. అవి ఏంటి? వాటితో కలిగే లాభాలు ఏంటో చూసేద్దాం.
Fatty Liver Healthy Diet : కాలేయ సమస్యలు అంత త్వరగా బయటపడవు. కానీ బయటపడిసరికి చాలా డ్యామేజ్ జరిగిపోతుంది. పైగా లివర్కి ఏదైనా ఇబ్బంది వస్తే అది పూర్తి ఆరోగ్యాన్ని దెబ్బతీస్తుంది. కాబట్టి దానిని జాగ్రత్తగా కాపాడుకోవాలని సూచిస్తున్నారు నిపుణులు. అలాగే లివర్ ఫ్యాట్తో ఇబ్బంది పడేవారు కొన్ని ఫుడ్స్ని డైట్లో చేర్చుకోవాలంటున్నారు. ఇంతకీ ఆ ఫుడ్ ఏంటి? వాటివల్ల కలిగే ప్రయోజనాలు ఏంటో ఇప్పుడు చూసేద్దాం.
పండ్లు, కూరగాయలు
పండ్లు, కూరగాయల్లో యాంటీఆక్సిడెంట్లు, విటమిన్స్ పుష్కలంగా ఉంటాయి. ఇవి లివర్ ఇన్ఫ్లమేషన్ని దూరం చేస్తాయి. అంతేకాకుండా డీటాక్స్ చేసి ఫ్యాటీ లివర్ సమస్యని కంట్రోల్ చేస్తాయి.
తృణ ధాన్యాలు
మీ డైట్లో రైస్కి బదులు బ్రౌన్ రైస్ తీసుకుంటే మంచిది. గోధుమలతో చేసిన బ్రెడ్, క్వినోవాను డైట్లో తీసుకోవచ్చు. ఇవి బ్లడ్ షుగర్ని అదుపులో ఉంచుతాయి. అంతేకాకుండా ఫ్యాట్ పెరగకుండా హెల్ప్ చేస్తాయి. దీనివల్ల ఫ్యాటీ లివర్ సమస్య కంట్రోల్లో ఉంటుంది.
హెల్తీ ఫ్యాట్స్
శరీరానికి మంచికొవ్వులు అవసరం. కాబట్టి హెల్తీ ఫ్యాట్స్ కోసం నట్స్, సీడ్స్, ఆలివ్ ఆయిల్ వంటివి డైట్లో తీసుకోవాలి. ఇవి ఇన్ఫ్లమేషన్ని కంట్రోల్ చేస్తాయి. మెటబాలీజంను పెంచుతాయి. జీవక్రియ పెరిగితే ఫ్యాట్ బర్న్ అవుతుంది. చెడ్డు కొవ్వు ఎనర్జీగా కన్వెర్ట్ అవుతుంది. ఇది లివర్ హెల్త్కి మంచిది.
ఫైబర్ రిచ్ ఫుడ్స్
ఫైబర్ ఎక్కువగా ఉండే ఫుడ్స్ డైట్లో ఉండేలా చూసుకోవాలి. ఎందుకంటే ఇవి ఆహారాన్ని సులువుగా జీర్ణమయ్యేలా చేస్తాయి. బ్లడ్ షుగర్తో పాటు కొలెస్ట్రాల్ని కంట్రోల్ చేస్తాయి. ఈ రెండూ లివర్ హెల్త్ని మెరుగుపరుస్తాయి.
ప్రోబయోటిక్స్
ప్రోబయోటిక్స్ కూడా కాలేయ ఆరోగ్యానికి మేలు చేస్తాయి. యోగర్ట్, పులియబెట్టిన ఆహారాన్ని తీసుకుంటే లివర్ ఫ్యాట్ కంట్రోల్ అవుతుంది. ఇది లివర్ ఎంజైమ్ ఫంక్షన్ని మెరుగుపరచడంలో వండర్స్ చేస్తుంది.
ప్రోటీన్ ఫుడ్
డైట్లో చేపలు, చికెన్, బీన్స్, పప్పులు వంటివి చేర్చుకోవాలి. ఇవి ప్రోటీన్ను శరీరానికి అందిస్తాయి. అంతేకాకుండా లివర్లోని ఫ్యాట్ని కరిగించడంలో హెల్ప్ చేస్తుంది. అన్ హెల్తీ ఫుడ్ తినాలన్నా కోరికలను కంట్రోల్ చేస్తుంది.
వెల్లుల్లి
వెల్లిల్లి కూడా లివర్ హెల్త్ని మెరుగుపరుస్తుంది. ఇది బరువును, శరీరంలోని కొవ్వును తగ్గించడంలో హెల్ప్ చేస్తుంది. ఫ్యాటీలివర్ని తగ్గిస్తుంది కాబట్టి దీనిని కూడా డైట్లో చేర్చుకుంటే మంచిది.
ఇవేకాకుండా..
వీటితో పాటు ఓమెగా ఫ్యాటీ 3 ఫుడ్స్ తీసుకుంటే ఇన్ఫ్లేమషన్ తగ్గుతుంది. ఇది లివర్లోని ఫ్యాట్ని తగ్గిస్తుంది. బ్రకోలీ, క్యాబేజి వంటివి డీటాక్స్ చేయడంలో హెల్ప్ చేస్తాయి. కాలేయ కణాలను కాపాడుతాయి. వీటితో పాటు వైద్యులు ఇచ్చిన మందులు, సూచనలు ఫాలో అవ్వాలి. రెగ్యులర్గా వ్యాయామం చేస్తూ.. శరీరానికి కావాల్సిన నీటిని అందిస్తే మంచి ప్రయోజనాలు ఉంటాయి.
టాప్ హెడ్ లైన్స్
ట్రెండింగ్ వార్తలు
