Superfoods for kidney health: కిడ్నీలు చెడిపోకుండా ఉండాలంటే.. ఈ ఫుడ్ తినండి
Superfoods for kidney health: మనం ఆరోగ్యంగా ఉండాలంటే మన శరీరంలోని అవయవాలన్నీ ఆరోగ్యంగా ఉండాలి. కిడ్నీలు పనిచేయకపోతే ప్రాణానికి ముప్పు తప్పదు. కిడ్నీలను ఆరోగ్యంగా ఉంచే సూపర్ ఫుడ్స్ ఏవో తెలుసుకుందాం.
Superfoods for kidney health: మన శరీరంలో కిడ్నీలు చాలా ముఖ్యమైనవి. కిడ్నీలు రక్తాన్ని ఫిల్టర్ చేసి.. అందులోని టాక్సిన్స్ ను బయటకు పంపిస్తాయి. అలా వాటి పనిని సక్రమంగా చేస్తేనే మనం ఆరోగ్యంగా ఉంటాం. లేదంటే మన శరీరం డస్ట్ బిన్ కంటే దారణంగా మారుతుంది. కిడ్నీలు సరిగ్గా పనిచేస్తేనే.. ఇతర ఆర్గాన్స్ కూడా సరిగ్గా పనిచేస్తాయి. లేదంటే అవి కూడా పని చేయడం మానేస్తే ప్రాణాలకు ముప్పు తప్పదు. అయితే కిడ్నీ సమస్యలను ముందుగానే గుర్తించడం చాలా కష్టం. చాలా సందర్భాల్లో సమస్య తీవ్రంగా మారే వరకు ఎలాంటి లక్షణాలూ కనిపించవు.
కిడ్నీ సమస్యల కారణంగా బరువు తగ్గడం, ఆకలి లేకపోవడం, చీలమండలం వాపు, పాదాలు ఉబ్బడం, చేతుల వాపు, అలసట, మూత్రంలో రక్తం, మూత్రవిసర్జనలో ఇబ్బందులు, కండరాలు తిమ్మిరి, చర్మంపై దురద ఇబ్బంది పెడుతుంటాయి. సరైన ఆహారం, జీవనశైలి, అంతర్లీన ఆరోగ్య పరిస్థితులు వంటి వివిధ అంశాలు మూత్రపిండాల పనితీరును ప్రభావితం చేస్తాయి. అంతేకాదు కొన్ని ఫుడ్స్ ను ఆహారంలో చేర్చుకుంటే కిడ్నీలు ఆరోగ్యంగా ఉంటాయి.
మూత్రపిండాల ఆరోగ్యాన్ని ప్రభావితం చేసే అంశాలు:
పెయిన్కిల్లర్స్ అధికంగా ఉపయోగించడం, అధిక ఉప్పు వినియోగం, డీహైడ్రేషన్,నిద్రలేమి, ఆల్కహాల్, ధూమపానం, నిశ్చల జీవనశైలి, అనారోగ్యకరమైన ఆహారపు అలవాట్లు వంటి అనేక కారణాలు మూత్రపిండాల పనితీరును ప్రతికూలంగా ప్రభావితం చేస్తాయి. వీటిలో మూత్రపిండాల ఆరోగ్యం, వ్యాధి నివారణపై మనం తీసుకునే ఆహారం తీవ్ర ప్రభావం చూపుతుంది.
సూపర్ ఫుడ్స్ పాత్ర:
సూపర్ఫుడ్స్ లో ఉండే పోషకాహార ప్రొఫైల్లు, రిచ్ యాంటీ ఆక్సిడెంట్ కంటెంట్తో విభిన్నమైన ఆరోగ్య ప్రయోజనాలను అందిస్తాయి. ఈ యాంటీఆక్సిడెంట్లు ఆక్సీకరణ ఒత్తిడి, వాపుతో పోరాడుతాయి. తద్వారా మూత్రపిండాల ఆరోగ్యానికి కాపాడుతుంది. దీర్ఘకాలిక వ్యాధుల ప్రమాదాన్ని తగ్గిస్తుంది.
కిడ్నీలను ఆరోగ్యంగా ఉంచే సూపర్ ఫుడ్స్ ఇవే:
రెడ్ బెల్ పెప్పర్స్:
వీటిలో పొటాషియం తక్కువగా.. విటమిన్లు A, C, B6 ఎక్కువగా ఉంటాయి. రెడ్ బెల్ పెప్పర్స్ లైకోపీన్తో సహా యాంటీఆక్సిడెంట్ లక్షణాలను కలిగి ఉంటాయి. ఇవి కొన్ని క్యాన్సర్ల నుంచి కాపాడుతాయి.
క్యాబేజీ:
ఫైటోకెమికల్స్లో పుష్కలంగా ఉండే క్యాబేజీ వాపును తగ్గిస్తుంది. అంతేకాదు ఇందులో ఉండే విటమిన్లు K, C వంటి ముఖ్యమైన పోషకాలను సరఫరా చేయడం ద్వారా మూత్రపిండాల ఆరోగ్యానికి సహాయపడుతుంది.
కాలీఫ్లవర్:
విటమిన్ సి, ఫైబర్ సమృద్ధిగా ఉన్న కాలీఫ్లవర్ నిర్విషీకరణకు సహాయపడుతుంది. మూత్రపిండాల ఆరోగ్యానికి కీలకమైన యాంటీ ఇన్ఫ్లమేటరీ ప్రయోజనాలను అందిస్తుంది.
వెల్లుల్లి:
యాంటీ ఇన్ఫ్లమేటరీ, కొలెస్ట్రాల్-తగ్గించే ప్రభావాలకు ప్రసిద్ధి చెందిన వెల్లుల్లి కిడ్నీ ఆరోగ్యానికి కాపాడుతుంది. యాంటీఆక్సిడెంట్ ప్రయోజనాలను అందిస్తుంది.
ఉల్లిపాయ:
క్వెర్సెటిన్ వంటి ఫ్లేవనాయిడ్స్తో నిండిన ఉల్లిపాయలు గుండె సంబంధ వ్యాధులు, వాపులను నివారించడంలో సహాయపడతాయి. తద్వారా మూత్రపిండాల ఆరోగ్యానికి మేలు చేస్తుంది.
యాపిల్స్:
పీచు, యాంటీ ఆక్సిడెంట్లు అధికంగా ఉన్న యాపిల్స్ గుండె ఆరోగ్యాన్ని ప్రోత్సహిస్తాయి. కొలెస్ట్రాల్ను తగ్గించి.. క్యాన్సర్ నుంచి రక్షణ అందిస్తాయి. మూత్రపిండాల పనితీరుకు తోడ్పడతాయి.
క్రాన్బెర్రీస్:
యాంటీ ఇన్ఫ్లమేటరీ, యూరినరీ ట్రాక్ట్ ఇన్ఫెక్షన్-నివారణ గుణాలతో నిండి ఉన్న క్రాన్బెర్రీస్ కిడ్నీ ఆరోగ్యాన్ని కాపాడుతాయి.
బ్లూబెర్రీస్:
యాంటీఆక్సిడెంట్లు, ఫైబర్ పుష్కలంగా, బ్లూబెర్రీస్ మూత్రపిండాల ఆరోగ్యాన్ని మెరుగుపరుస్తాయి. వాపును తగ్గించి.. గుండె, ఎముకల ఆరోగ్యాన్ని మెరుగుపరుస్తాయి.
రాస్ప్బెర్రీస్:
ఎల్లాజిక్ యాసిడ్, యాంటీఆక్సిడెంట్లతో నిండి ఉన్న రాస్ప్బెర్రీస్ ఫ్రీ రాడికల్స్తో పోరాడుతాయి. గుండె ఆరోగ్యానికి తోడ్పడటంతోపాటు మూత్రపిండాల పనితీరుకు మేలు చేస్తాయి.
Also Read : పీరియడ్స్ సమయంలో ప్రెగ్నెంట్ అవ్వొచ్చా? ఆ రోజుల్లో ట్రై చేస్తే గర్భం దాల్చే అవకాశాలు పెరుగుతాయా?
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
