Eating Healthy Day 2025 : శరీరం, మనసు ఆరోగ్యంగా ఉండాలంటే.. తినాల్సిన, తినకూడని ఫుడ్స్ ఇవే, నిపుణుల టిప్స్

Healthy Foods : ఆహారంలో భాగంగా మంచి ఫుడ్ తీసుకోవాలని సూచిస్తున్నారు నిపుణులు. లేదంటే మీ శారీరక ఆరోగ్యంతో పాటు మానసిక ఆరోగ్యం కూడా దెబ్బతీస్తుందని చెప్తున్నారు. మరి ఎలాంటి ఫుడ్ తీసుకుంటే మంచిది?

ఆరోగ్యం కోసం తినాల్సిన ఫుడ్స్ ఇవే

Source : Freepik

Healthy Diet Tips : శారీరకంగా, మానసికంగా ఎలాంటి ఇబ్బంది లేకుండా ఉండాలనుకుంటే ఫుడ్ విషయంలో కొన్ని తప్పులు చేయొద్దంటున్నారు నిపుణులు. ఎందుకంటే మంచి ఫుడ్ శరీరానికే కాదు.. మానసికంగా కూడా ఎలాంటి ఇబ్బందులు లేకుండా పాజిటివ్​గా ఉండేలా చేస్తుందని చెప్తున్నారు. ఆహారం ప్రాముఖ్యతను చెప్తూ ఎన్నో స్పెషల్ డేలు కూడా నిర్వహిస్తున్నారు. అసలు ఫుడ్ విషయంలో కామన్​గా చేసే తప్పులు ఏంటి? ఎలాంటి ఫుడ్​కి దూరంగా ఉండాలి? ఎలాంటి ఆహారం ఆరోగ్యానికి మంచిదో ఇప్పుడు చూసేద్దాం. 

అనారోగ్యానికి ప్రధానమైన కారణాల్లో ఆహారం కూడా ఒకటి. అందుకే ఆహారం విషయంలో అస్సలు రాజీపడకూడదు. కానీ తెలిసో, తెలియకో ఫుడ్ విషయంలో చేసే కొన్ని తప్పులు మాత్రం ఎక్కువ నష్టాన్ని కలిగిస్తాయి. అందుకే ఆహారపు అలవాట్లు కొన్ని మార్చుకోవాలని సూచిస్తున్నారు నిపుణులు. 

ఆ ఫుడ్​తో లాభాలు కాదు.. అన్ని నష్టాలే.. 

ఫాస్ట్ ఫుడ్, ప్యాకేజ్డ్ ఫుడ్, ప్రాసెస్ చేసిన ఫుడ్ నోటికి చాలా రుచిగా ఉంటాయి. కానీ వాటిని ఎక్కువగా తీసుకునే అలవాటు ఉంటే ఎన్నో ఆరోగ్య సమస్యల్ని కొని తెచ్చుకున్నట్లే. శరీరంలో ఇన్​ఫ్లమేషన్ పెరిగిపోయి.. బరువు పెరిగిపోతారు. మధుమేహం ఉన్నవారికి అస్సలు మంచిది కాదు. ఎందుకంటే శరీరంలో ఇన్సులిన్ రెసిస్టెన్స్ వంటి సమస్యలు వస్తాయి. కొలెస్ట్రాల్ పెరగడం, బీపీ, గుండె సమస్యలు ఇలా ఎన్నో ప్రాణాంతక సమస్యలు వస్తాయి. 

ఎలాంటి ఆహారం ఆరోగ్యానికి మంచిది?

ఆహారం విషయంలో తినకూడని ఫుడ్స్ తెలుసుకున్నాము. కానీ డైట్​లో చేర్చుకోవాల్సిన ఫుడ్స్ ఏంటి అనే ప్రశ్నకు.. నిపుణులు సలహాలు ఇచ్చారు. ఆరోగ్యంగా ఉండేందుకు హెల్తీ కార్బ్స్, ప్రోటీన్స్, హెల్తీ ఫ్యాట్స్ ఉండాలి. పోషకాహారం శరీరానికి అందిస్తే మరీ మంచిది. అయితే హెల్తీ కార్బ్స్ కోసం గోధుమ, రాగి, జొన్న, సజ్జలు, బ్రౌన్ రైస్ తీసుకోవచ్చు. ప్రోటీన్ సోర్స్​గా గుడ్లు, చేపలు, పెరుగు, పనీర్, చికెన్, పప్పులు బెస్ట్ ఆప్షన్. హెల్తీ ఫ్యాట్స్​కోసం నట్‌లు, ఆలివ్ ఆయిల్, అవకాడో, వాల్‌నట్లు, సీడ్స్ మంచిది. 

ఇవేకాకుండా ఆకుకూరలు, కూరగాయలు తీసుకుంటూ ఉండాలి. సీజనల్ ఫ్రూట్స్​ తీసుకోవాలి. వాటిని జ్యూస్​ల రూపంలో కంటే నేరుగా తీసుకుంటే మంచిది. కొబ్బరి నీళ్లు, నిమ్మరసం, గ్రీన్ టీ, నీళ్లు వంటివి హైడ్రేటెడ్​గా ఉంచుతూ ఆరోగ్యానికి మేలు చేస్తాయి. 

ప్లేట్ ఎలా ఉండాలంటే.. 

మీరు తినే ఆహారంలో అంటే ఒక ప్లేట్​లో 50 శాతం కూరగాయలు లేదా పండ్లు ఉండాలి. ఆహారంలో ప్రోటీన్ ఉండాలి. నీళ్లు ఎక్కువగా తాగాలి. నెమ్మదిగా తినాలి. డిన్నర్ త్వరగా ముగించాలి. వీటన్నింటినీ ఫాలో అయితే కడుపు నిండడంతోపాటు ఆరోగ్యానికి మేలు జరుగుతుంది. ఫుడ్ ఎప్పుడూ లిమిటెడ్​గానే తీసుకోవాలి. అప్పుడే దానిలోని పోషకాలు శరీరానికి అందుతాయని గుర్తించుకోవాలి. కాబట్టి తీసుకునే ఆహారం ఎప్పుడూ బ్యాలెన్స్​గా ఉండాలి. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.

 

మరిన్ని చదవండి

కార్తీకమాసం స్పెషల్ వెజ్ శాండ్‌విచ్ రెసిపీలు.. బ్రెడ్ లేకుండా ఇలా హెల్తీగా చేసేసుకోండి

భోజనం తర్వాత యాలకులు తింటే కలిగే అద్భుతమైన లాభాలు ఇవే.. నోటి దుర్వాసన నుంచి బరువు తగ్గే వరకు