Rice Cooking Tips : అన్నం మాడిపోకుండా, అతుక్కోకుండా వండాలంటే ఈ టిప్స్ ఫాలో అవ్వండి.. పొడిపొడిగా వస్తుంది
Tips to Cooking Perfect Rice : కొందరికి అన్నం వండడం కూడా రాదు. దీనివల్ల తప్పక వండుకున్నప్పుడు అన్నం చిమిడిపోవడం, అతుక్కుపోవడం జరుగుతుంది. అలా కాకుండా అన్నం బాగా రావాలంటే ఈ టిప్స్ ఫాలో అవ్వండి.
- బియ్యాన్ని కడిగి, 15-20 నిమిషాలు నానబెట్టడం ముఖ్యం.
- బియ్యానికి సరైన మోతాదులో నీరు, స్టవ్ మంట నియంత్రించాలి.
- అన్నం అతుక్కోకుండా నూనె, నెయ్యి వాడటం మంచిది.
- ఉడికిన తర్వాత 5 నిమిషాలు మూత తీయకుండా ఉంచాలి.
Cooking Perfect Rice Without a Cooker : అన్నం వండటం సింపుల్ అనిపించినా.. కొందరికి మాత్రం అస్సలు రాదు. కొందరు రైస్ కుక్కర్ లేనిదే అన్నం చేయలేరు. కొత్తగా పెళ్లి అయిన వారి నుంచి.. బ్యాచిలర్స్ వరకు ఈ ఇబ్బంది ఎదుర్కొంటారు. దానివల్ల రైస్ కుక్ చేస్తే అది అతుక్కుపోయి స్టిక్కీగా మారడం, మాడిపోవడం జరుగుతుంది. కానీ చిన్న చిన్న టిప్స్ ఫాలో అయితే పొడిపొడిలాడే.. ఫ్లఫీగా ఉండే అన్నం చేసుకోవచ్చు.
అన్నం మాడిపోకుండా.. అతుక్కుపోకుండా రావాలంటే కొన్ని ఈజీ టిప్స్ ఫాలో అవ్వాలి. అలాగే పిల్లలకి వంట నేర్పించాలి అనుకున్నప్పుడు వారికి అన్నం వండేప్పుడు ఈ టిప్స్ ఫాలో అవుతూ వండమని చెప్తే బాగా గుర్తు ఉంటుంది. ఇంతకీ ఆ చిట్కాలు ఏంటో.. అన్నం మంచిగా ఉడికేందుకు అవి ఎలా హెల్ప్ అవుతాయో చూసేద్దాం.
బియ్యం బాగా కడగాలి
అన్నం వండే ముందు బియ్యం బాగా కడగాలి. దీనివల్ల దానిలో ఉన్న అదనపు స్టార్చ్ పోతుంది. కాబట్టి 2 లేదా 3 సార్లు నీటితో కడిగితే స్టిక్కీనెస్ తగ్గుతుంది.
నానబెట్టండి
చాలామంది చేసే తప్పు ఏంటంటే.. బియ్యం కడిగిన వెంటనే ఉడికించేస్తారు. అలా కాకుండా 15 నుంచి 20 నిమిషాలు నానబెడితే రైస్ సమంగా ఉడుకుతుంది. ఫ్లఫీ టెక్స్చర్ వస్తుంది.
నీటి మోతాదు
సాధారణంగా 1 కప్పు బియ్యానికి 2 కప్పుల నీరు వేస్తే సరిపోతుంది. ఎక్కువ నీరు వేస్తే అన్నం అతుక్కుంటుంది. గంజి వార్చకపోతే ఈ పద్ధతి ఫాలో అవ్వాలి. మీకు రైస్ ఉడికింది అని తెలిశాక వార్చేస్తామనుకుంటే కొన్ని ఎక్కువ నీళ్లు వేసుకోవచ్చు. అలాగే బాస్మతి రైస్ అయితే 1 గ్లాస్ రైస్క్కి ఒకటిన్నర గ్లాసుల నీరు సరిపోతుంది
క్వాలిటీ రైస్
కొత్త బియ్యం కొన్నిసార్లు అతుక్కుపోతుంది. కానీ పాత బియ్యం వాడితే అన్నం పొడిపొడిలాడుతుంది.
స్టవ్ ఫ్లేమ్ కంట్రోల్
రైస్ వండేప్పుడు ముందుగా హై ఫ్లేమ్లో పెట్టి.. పొంగు వచ్చిన తర్వాత లో ఫ్లేమ్లో ఉడికించాలి. అలా చేస్తే అన్నం సమంగా కుక్ అవుతుంది. అలాగే అన్నం ఉడికేప్పుడు ఓ రెండుసార్లు కలపండి. ఎక్కువసార్లు కలిపితే.. గింజలు బ్రేక్ అయి అన్నం అతుక్కుంటుంది.
నూనె లేదా నెయ్యి
మీకు అన్నం అతుక్కోకుండా రావాలంటే ఒక టీస్పూన్ కొబ్బరి నూనె లేదా నెయ్యి వేసుకోవచ్చు. బియ్యం కడిగేప్పుడు లేదా పొంగు వచ్చాక వేసుకోవచ్చాక వేసుకోవచ్చు.
ఉడికిన తర్వాత..
అన్నం ఉడికిన వెంటనే ఓపెన్ చేయకండి. 5 నిమిషాలు మూత పెట్టి ఉంచితే ఆవిరి వల్ల అన్నం ఫ్లఫీగా అవుతుంది. ఎక్కువ నీరు గంజి వార్చితే దానిని ఓ నిమిషం చిన్న మంట మీద ఉంచి స్టౌవ్ ఆపి.. మూత వేసి ఉంచాలి. రైస్ కుక్కర్ వాడితే మీ రైస్ బట్టి 1 లేదా రెండు విజిల్స్ వేస్తే చాలు. ఎక్కువ వేస్తే అన్నం అతుక్కుంటుంది. పైగా కుక్కర్ మూత వెంటనే తీయం కాబట్టి ఎక్కువగా ఉడుకుతుంది. కుకింగ్ టైమ్ ఓవర్ అయితే అన్నం పాడవుతుంది. బియ్యం కడగడం నుంచి నీటి మోతాదు, ఫ్లేమ్ కంట్రోల్ చేయడం వస్తే చాలు పర్ఫెక్ట్ ఫ్లఫీ రైస్ వండేయవచ్చు.
టాప్ హెడ్ లైన్స్
ట్రెండింగ్ వార్తలు
