Monsoon Vacation Spots in India : వర్షాకాలంలో ఇండియాలో టూర్​కి వెళ్లేందుకు అనువైన ప్రదేశాలు ఇవే.. ట్రిప్ ప్లాన్ చేసేసుకోండి

Rainy Season Tourist Places India : మాన్​సూన్ సీజన్​లో ట్రిప్​కి వెళ్లాలనుకుంటున్నారా? అయితే మీరు బెస్ట్ ఎక్స్​పీరియన్స్​ కోసం ఇండియాలోని ఈ ప్రదేశాలకు వెళ్లిపోవచ్చు. ఎందుకంటే.. 

వర్షాకాలంలో టూర్​కి వెళ్లాల్సిన ప్రదేశాలివే (Image Source : Unsplash)

Source : Unsplash

Scenic Places to Visit in Monsoon : వర్షాకాలం చాలా త్వరగా వచ్చేసింది. మే నుంచే వర్షాలు మొదలైపోయాయి. ఈ రొమాంటిక్ వెదర్​లో మీరు ఎక్కడికైనా ట్రిప్​కి వెళ్లాలనుకుంటున్నారా? అయితే ఇది మీకోసమే. వర్షాకాలంలో ఇండియాలో మీరు బెస్ట్ ఎక్స్​పీరియన్స్ చేయాలనుకుంటే ఏ ప్లేస్​లకు వెళ్లాలో.. అక్కడ ఏమి స్పెషల్​గా చూడొచ్చో.. మాన్​సూన్ టాప్ డెస్టినేషన్స్ ఏంటో ఇప్పుడు చూసేద్దాం. 

మున్నార్

కేరళలోని మున్నార్ వర్షాకాలంలో వెళ్తే మీకు మంచి ఎక్స్​పీరియన్స్ ఇస్తుంది. అక్కడి టీ గార్డెన్స్, చుట్టూ కొండలు.. మాన్​సూన్​లో చాలా అందంగా కనిపిస్తాయి. జలపాతాలు మీకు మంచి డ్రీమ్ ఎక్స్​పీరియన్స్ ఇస్తాయి. మీరు దగ్గర్లోని ఎర్వాకులమ్ నేషనల్ పార్క్​ని కూడా సందర్శించవచ్చు. 

కూర్గ్

కూర్గ్​ని స్కాట్​లాండ్ ఆఫ్ ఇండియా అంటారు. వర్షాకాలంలో మీరు వెళ్లేందుకు ఇది అనువైన ప్రదేశంగా చెప్పవచ్చు. ఇక్కడ హిల్​ స్టేషన్లు, కాఫీ ఎస్టేస్ట్​లు వర్షాకాలంలో మంచి ఎక్స్​పీరియన్స్ ఇస్తాయి. 

వ్యాలీ ఆఫ్ ఫ్లవర్స్ 

ఉత్తరాఖండ్​లోని వ్యాలీ ఆఫ్ ఫ్లవర్స్​కు మీరు వెళ్లొచ్చు. ఇది జూన్​ నుంచి అక్టోబర్​ వరకు మాత్రమే తెరిచి ఉంటుంది. యునెస్కో ప్రపంచ వారసత్వ ప్రదేశాల్లో ఇది ఒకటి. ఇక్కడ వ్యాలీ మాన్​సూన్​లో 500 రకాల ఆల్పైన్ పువ్వులతో వికసించి అద్భుతమైన ఎక్స్​పీరియన్స్ ఇస్తుంది. ఇక్కడ మీరు ట్రెక్కింగ్ కూడా చేయొచ్చు. 

ఉదయ్​పూర్

రాజస్థాన్​లోని ఉదయ్​పూర్​ కూడా వర్షాకాలంలో వెళ్లేందుకు అనువైన ప్రదేశంగా చెప్తారు. రొమాంటిక్ వెదర్​ని ఎంజాయ్​ చేయాలనుకునేవారు ఇక్కడి వెళ్లొచ్చు. చుట్టూ సరస్సులు, సీనరి లుక్స్ మీ మనసును కట్టిపడేస్తాయి. పిచోలా సరస్సు, బోట్ రైడ్స్ ఇక్కడ ప్రధాన ఆకర్షణగా ఉంటాయి. 

చిరపుంజి

మేఘాలయాలోని చిరపుంజి గురించి అందరూ వినే ఉంటారు. ఇక్కడ అత్యంత వర్షపాతం నమోదవుతూ ఉంటుంది. ఇక్కడ వంతెనలు, జలపాతాలు మాన్​సూన్ ఎక్స్​పీరియన్స్​ని రెట్టింపు చేస్తాయి. నోహ్కాలికై వాటర్​ ఫాల్స్, మావ్స్మై కేవ్స్, వంతెను ఆకట్టుకుంటాయి. 

గోవా 

వర్షాకాలంలో గోవా బీచ్​పార్టీలకు ఆఫ్ సీజన్ అనుకుంటారు. కానీ ప్రశాంతమైన పచ్చని వాతావరణం మీ సొంతమవుతుంది. దూద్ సాగర్ వాటర్ ఫాల్స్, పోర్చుగీస్ ఆర్కిటెక్చర్​ మిమ్మల్ని ఆకట్టుకుంటాయి. 

ఖండాల

మహారాష్ట్రలోని లోనావాల, ఖండాల కూడా వర్షాకాలంలో ట్రిప్​కి వెళ్లేందుకు అనువైన ప్రదేశం. ఈ హిల్​ స్టేషన్స్​ మీకు సీనిక్ ఎక్స్​పీరియన్స్ ఇస్తాయి. వాటర్ ఫాల్స్, హిల్స్​, టైగర్ పాయింట్, బూషి డ్యామ్, ఫోర్ట్ ట్రెక్​ ఇక్కడ బాగా ఫేమస్. 

ఇవి ఇండియాలో మాన్​సూన్​లో ట్రావెల్ చేయాలనుకునేవారికి మంచి ఎక్స్​పీరియన్స్ ఇస్తాయి. పైగా వర్షాకాలంలో టూరిస్ట్​లు తక్కువగా ఉంటారు కాబట్టి రేట్లు కూడా తక్కువగా ఉండే అవకాశాలు ఎక్కువ. ప్రకృతి అందాలను వీక్షించాలనుకునేవారి వర్షాకాలం బెస్ట్ ఆప్షన్. రొమాంటిక్, ప్రశాంతమైన వాతావరణం కోరుకునేవారు ఈ సమయంలో ట్రావెల్ చేయవచ్చు. 

మరిన్ని చదవండి

కూర్గ్ బడ్జెట్ ఫ్రెండ్లీ ట్రిప్.. తెలుగు రాష్ట్రాల నుంచి 5కెలో ఇలా వెళ్లిపోండి, ఫుల్ డిటైల్స్ ఇవే

12 జ్యోతిర్లింగాలను ఒకే ట్రిప్​లో ఎలా కవర్​ చేయొచ్చో తెలుసా? హైదరాబాద్​ నుంచి ఇలా స్టార్ట్ అయిపోండి