Sweetener Side Effects : కేకులు, కూల్ డ్రింక్స్, గమ్​లతో జాగ్రత్త.. వాటిలోని స్వీటెనర్ ప్రాణాలకే ప్రమాదమంటున్న కొత్త అధ్యయనం

Neotame Sweetener Effects on Gut : చాలామంది కేకులు, స్వీట్ డ్రింక్ ఎక్కువగా తీసుకుంటారు. మీరు కూడా అలానే తింటారా? అయితే జాగ్రత్త.. ఇవి మీ ఆరోగ్యంపై తీవ్ర ప్రభావాన్ని చూపిస్తాయట. 

స్వీటెనర్ సైడ్ ఎఫెక్ట్స్(Image Source : Envato)

Neotame Sweetener Side Effects : చక్కెరకు ఆరోగ్యకరమైన ప్రత్యామ్నాయంగా స్వీటెనర్లు గురించి చెప్తారు. మధుమేహులు, డైట్​ని స్ట్రిక్ట్​గా ఫాలో అయ్యేవారు కేకులు, డ్రింక్స్, గమ్స్​లలో చక్కెరకు బదులుగా స్వీటెనర్స్ ఉన్నవి ఉపయోగిస్తారు. అయితే ఇవి గట్ ఆరోగ్యాన్ని తీవ్రంగా దెబ్బతీస్తాయని తెలిపింది తాజా అధ్యయనం. స్వీటెనర్​లో ఉండే నియోటేమ్ జీర్ణక్రియను దెబ్బతీస్తుందని శాస్త్రవేత్తలు కనుగొన్నారు. చక్కెరకు ప్రత్యామ్నాయంగా ఉపయోగించే ఈ స్వీటెనర్​ ఆరోగ్యంపై విషప్రభావాన్ని చూపిస్తుందని.. పేగు బ్యాక్టీరియాను దెబ్బతీసి.. వాటిని బలహీనపరుస్తుందని తెలిపింది. ఇది ప్రజల ఆరోగ్యంపై తీవ్రమైన ప్రభావాలు చూపిస్తుందని వెల్లడించింది. 

చక్కెర కన్నా డేంజర్​ అవ్వొచ్చు..

అధిక బరువు, స్థూలకాయాన్ని నివారిస్తుందంటూ.. స్వీటెనర్​గా నియోటేమ్ వంటి వాటిని తీసుకుంటారు. ఇప్పుడు చక్కెరే కాదు.. ఈ తరహా స్వీటెనర్​ల​ను కూడా తక్కువ మోతాదులో తీసుకోవడం వల్ల ఇరిటబుల్ బవెల్ సిండ్రోమ్, ఇన్సులిన్ రెసిస్టెన్స్, సెప్సిస్ వంటి ఇబ్బందికర లక్షణాలు కలగవచ్చని చెప్తున్నారు. ఈ ఎఫెక్ట్​తో బ్రిటన్​లో ఏడాదితి నలభై వేల మంది చనిపోతున్నారని తేలింది. ఆహారం రుచిగా ఉండాలని, స్వీట్​గా ఉండాలని రకరకాల స్వీటెనర్​లను ఉపయోగిస్తున్నారని.. అవి ఆరోగ్యంపై విషపూరిత ప్రభావం చూపిస్తాయని పరిశోధకులు చెప్తున్నారు. 

శరీరంపై విషప్రభావం..

స్వీటెనర్​లోని నియోటామ్​ను షుగర్​కి ప్రత్యామ్నాయంగా 2002లో అభివృద్ధి చేశారు. యూకేలలో విక్రయించే పానీయాలు, ఆహార పదార్థాలలో దీనిని విరివిగా ఉపయోగించారు. ఉత్పత్తుల లేబుల్స్​పై కనిపించే పదార్థాల జాబితాలో ఈ స్వీటెనర్​ను E961గా సూచిస్తున్నారు. ఇది శరీరంపై విషప్రభావాలు చూపిస్తుందని గుర్తించారు. ఈ నేపథ్యంలోనే ఆంగ్లియా రస్కిన్ యూనివర్శిటీలో అసోసియేట్ ప్రొఫెసర్లు, బంగ్లాదేశ్​లోని జహంగీర్​నగర్​ విశ్వవిద్యాలయానికి చెందిన డాక్టర్లు ఈ స్వీటెనర్​పై అధ్యయనం చేశారు. దీనిలో భాగంగానే నియోటేమ్.. గట్​లోని మంచి బ్యాక్టీరియాపై ప్రతికూల ప్రభావాలు చూపిస్తుందని గుర్తించారు. ఇది పూర్తిగా గట్ ఆరోగ్యాన్ని దెబ్బతీస్తుందని తెలిపారు. 

గట్​ మీదనే కాదు.. గుండెపై కూడా..

ఈ అధ్యయనంకి సంబంధించిన పరిశోధనలను ఫ్రాంటియర్స్ ఇన్ న్యూట్రిషన్ అనే మెడికల్ జర్నల్​లో ప్రచురించారు. గతంలోని పరిశోధనల్లో స్వీటెనర్లు సాచరిన్, సుక్రలోజ్ వంటి వాటిపై హానికరమైన ప్రభావాన్ని కలిగి ఉంటాయని తెలిపారు. నియోటేమ్ ప్రభావం కేవలం గట్​ మీదనే ఉంటుందనుకుంటే పొరపాటే. అది గుండెపై కూడా ప్రభావం చూపిస్తుందంటూ షాకింగ్ విషయం తెలిపారు. కొన్నిసార్లు అతిసారం, పేగులలో మంట, సెప్టిసిమియా వంటి ఇన్​ఫెక్షన్లతో సహా అనేక రకాల ఆరోగ్యసమస్యలకు దారి తీస్తుంది. 

ప్రాణాంతకమవుతుంది..

వాడుకలో ఉన్న కొన్ని సరికొత్త స్వీటెనర్లు చక్కెర కంటే వెయ్యి రెట్లు తియ్యగా ఉండే తీపి రుచిని ఉత్పత్తి చేస్తున్నాయి. ఇది షుగర్​ కంటే దారుణంగా మారిపోవచ్చు అంటున్నారు. ఈ స్వీటెనర్స్​ని తక్కువగా తీసుకున్నా అది హెల్త్​పై నెగిటివ్ ప్రభావం చూపిస్తాయని హెచ్చరిస్తున్నారు. ఇది ఎంత దారుణంగా ఉంటుందంటే.. తక్కువ మోతాదులో తీసుకున్నా.. అది గట్​ ఆరోగ్యాన్ని చెడుగా ప్రభావం చేస్తుంది. అంతేకాకుండా మంచి బ్యాక్టీరియా మరణానికి దారితీస్తుంది. ఇది పరిస్థితిని దారుణం చేస్తుందని చెప్తున్నారు. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.