![ABP Premium](https://cdn.abplive.com/imagebank/Premium-ad-Icon.png)
DSC Book Fund: బీసీ అభ్యర్థులకు గుడ్ న్యూస్ - డీఎస్సీకి సన్నద్ధమయ్యేవారికి 'బుక్ ఫండ్' - ఎలా పొందాలంటే?
తెలంగాణలో డీఎస్సీ పరీక్షలకు సన్నద్ధమయ్యే బీసీ అభ్యర్థులకు బీసీ స్టడీ సర్కిల్ గుడ్ న్యూస్ తెలిపింది. బీసీ స్టడీ సర్కిల్ అధ్వర్యంలో బుక్ ఫండ్తోపాటు స్టడీ మెటీరియల్ ఖర్చును అందించనున్నారు.
![DSC Book Fund: బీసీ అభ్యర్థులకు గుడ్ న్యూస్ - డీఎస్సీకి సన్నద్ధమయ్యేవారికి 'బుక్ ఫండ్' - ఎలా పొందాలంటే? TS BC Study Circle DSC 2024 Book fund check details here DSC Book Fund: బీసీ అభ్యర్థులకు గుడ్ న్యూస్ - డీఎస్సీకి సన్నద్ధమయ్యేవారికి 'బుక్ ఫండ్' - ఎలా పొందాలంటే?](https://feeds.abplive.com/onecms/images/uploaded-images/2024/03/28/0d5900d2922b6e749e708374d7c79ab01711641045423522_original.jpg?impolicy=abp_cdn&imwidth=1200&height=675)
TS BC Study Corcle DSC Material: తెలంగాణలో డీఎస్సీ పరీక్షలకు సన్నద్ధమయ్యే బీసీ అభ్యర్థులకు బీసీ స్టడీ సర్కిల్ గుడ్ న్యూస్ తెలిపింది. ఉద్యోగార్థులకు బీసీ స్టడీ సర్కిల్ అధ్వర్యంలో బుక్ ఫండ్తోపాటు స్టడీ మెటీరియల్ ఖర్చును అందించనున్నట్లు ఒక ప్రకటనలో తెలిపింది. రాష్ట్రవ్యాప్తంగా మొత్తం 10 వేల మందికి ఈ సాయాన్ని అందించనున్నారు. ఇందులో 7వేల మంది ఎస్జీటీ అభ్యర్థులకు, 3 వేల మంది స్కూల్ అసిస్టెంట్ అభ్యర్థులను ఎంపిక చేయనున్నారు. ఎంపికైన అభ్యర్థులకు రూ.1500 చొప్పున బుక్ ఫండ్, స్టడీ మెటీరియల్ ఖర్చును అందిస్తారు. ఈ సాయం పొందాలనుకునేవారి.. తల్లిదండ్రుల వార్షికాదాయం రూ.5 లక్షలు మించకూడదు. అకడమిక్ మెరిట్, రిజర్వేషన్ ఆధారంగా అభ్యర్థుల ఎంపిక చేయనున్నారు. అర్హులైన అభ్యర్థులు ఏప్రిల్ 5లోగా ఆన్లైన్ ద్వారా దరఖాస్తులు సమర్పించాల్సి ఉంటుంది. అభ్యర్థులకు ఏమైనా సందేహాలుంటే 040 24071178, 27077929 నంబర్లలో సంప్రదించవచ్చు.
బుక్ ఫండ్ కోసం దరఖాస్తు చేసుకోండి..
డీఎస్సీ దరఖాస్తుకు జూన్ 20 వరకు అవకాాశం..
తెలంగాణ ప్రభుత్వం తాజాగా 11,062 ఉపాధ్యాయ పోస్టుల భర్తీకి రాష్ట్ర ప్రభుత్వం మెగా డీఎస్సీ 2024 నోటిఫికేషన్ విడుదల చేసిన విషయం తెలిసిందే. డీఎస్సీ ఆన్లైన్ దరఖాస్తు ప్రక్రియ మార్చి 4న ప్రారంభంకాగా.. ఏప్రిల్ 2 వరకు ఫీజు చెల్లింపు, ఏప్రిల్ 3తో ఆన్లైన్ దరఖాస్తు గడువు ముగియనుందని విద్యాశాఖ నోటిఫికేషన్ సమయంలో పేర్కొంది. అయితే తాజాగా టెట్ నిర్వహించనున్నట్లు ప్రభుత్వం ప్రకటించడంతో డీఎస్సీ దరఖాస్తు గడువును జూన్ 20 వరకు పొడిగించింది. మరోవైపు TS TET - 2024 నోటిఫికేషన్ను విద్యాశాఖ మార్చి 14న విడుదల చేసింది. టెట్ నిర్వహించనున్నట్లు ప్రభుత్వం ప్రకటించిన కొద్ది గంటల్లోనే టెట్ నోటిఫికేషన్ విడుదల చేయడం విశేషం. ప్రభుత్వం తీసుకున్న ఈ నిర్ణయంతో 3 లక్షల మంది అభ్యర్థులకు డీఎస్సీ రాసే అవకాశం దక్కనుంది.
మే 20 నుంచి టెట్, జులై 17 నంచి డీఎస్సీ పరీక్షలు...
అభ్యర్థులు మార్చి 27 నుంచి ఏప్రిల్ 10 వరకు ఆన్లైన్ ద్వారా దరఖాస్తులు సమర్పించవచ్చని విద్యాశాఖ సూచించింది. మే 20 నుంచి జూన్ 3 వరకు టెట్ పరీక్షలు నిర్వహించనున్నారు. దీంతోపాటు డీఎస్సీ (TS DSC)-2024 పరీక్ష తేదీaలను కూడా విద్యాశాఖ ఖరారుచేసింది. జులై 17 నుంచి 31 వరకు పరీక్ష నిర్వహించనున్నట్లు తెలిపింది.
తెలంగాణలో 11,062 ఉపాధ్యాయ పోస్టుల భర్తీకి ఫిబ్రవరి 29న 'మెగా డీఎస్సీ-2024' నోటిఫికేషన్ వెలువడిన సంగతి తెలిసిందే. దీనికి సంబంధించిన ఆన్లైన్ దరఖాస్తు ప్రక్రియ మార్చి 4న ప్రారంభమైంది. టెట్ నోటిఫికేషన్ వెలువడటంతో దరఖాస్తు గడువును ఏప్రిల్ 2 నుంచి జూన్ 20 వరకు పొడిగించారు. దరఖాస్తు ఫీజు కింద అభ్యర్థులు రూ.1000 చెల్లించాల్సి ఉంటుంది. గత నోటిఫికేషన్లో దరఖాస్తు చేసిన వాళ్లు ఆయా పోస్టులకు మళ్లీ కొత్తగా దరఖాస్తులు సమర్పించాల్సిన అవసరం లేదు. గరిష్ఠ వయోపరిమితిని 46 సంవత్సరాలకు పెంచడం, అదనంగా పోస్టులను చేర్చడంతో దరఖాస్తుల సంఖ్య మరింత పెరుగుతుందని విద్యాశాఖ అధికారులు అంచనా వేస్తున్నారు.
మొత్తం ఉద్యోగాల్లో 2,629 స్కూల్ అసిస్టెంట్ పోస్టులు ఉండగా.. 727 లాంగ్వేజ్ పండిట్, 182 పీఈటీలు, 6,508 ఎస్జీటీలు; స్పెషల్ ఎడ్యుకేషన్కు సంబంధించి 220 స్కూల్ అసిస్టెంట్, 796 ఎస్జీటీ పోస్టులు ఉన్నాయి. రాష్ట్రంలో అత్యధిక ఖాళీలు హైదరాబాద్లో 878 ఉండగా.. ఆ తర్వాత నల్గొండ జిల్లాలో 605, నిజామాబాద్లో 601, ఖమ్మం 757, సంగారెడ్డి 551, కామారెడ్డి 506 చొప్పున ఖాళీలను భర్తీ చేయనున్నారు.
సందేహాల పరిష్కారానికి హెల్ప్డెస్క్..
డీఎస్సీకి దరఖాస్తు చేసేవారి సందేహాలు తీర్చేందుకు అధికారులు హెల్ప్డెస్క్ను ఏర్పాటుచేశారు. సాంకేతిక సహాయం కోసం విద్యార్థులు 91541 14982, 63099 98812 నంబర్లతోపాటు, helpdesk tsdsc2024@gmail.com ఈ-మెయిల్ ద్వారా సంప్రదించవచ్చు. అభ్యర్థులు దరఖాస్తు ఫీజుగా రూ.1000 చెల్లించాల్సి ఉంటుంది. ఎక్కువ ఉద్యోగాలకు దరఖాస్తు చేయాలనుకునేవారు, ప్రతి ఉద్యోగం కోసం రూ.1000 అదనంగా ఫీజు చెల్లించాల్సి ఉంటుంది.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)