IBPS SO Result: ఐబీపీఎస్ స్పెషలిస్ట్ ఆఫీసర్స్ మెయిన్స్ ఫలితాలు విడుదల, డైరెక్ట్ లింక్ ఇదే
ప్రభుత్వరంగ బ్యాంకుల్లో స్పెషలిస్ట్ ఆఫీసర్స్ ఉద్యోగాల భర్తీకి నిర్వహించిన ఐబీపీఎస్ మెయిన్స్ పరీక్ష ఫలితాలను ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్) ఫిబ్రవరి 13న విడుదల చేసింది.
IBPS SO Mains Result: ప్రభుత్వరంగ బ్యాంకుల్లో స్పెషలిస్ట్ ఆఫీసర్స్ (సీఆర్పీ ఎస్పీఎల్-XIII) ఉద్యోగాల భర్తీకి నిర్వహించిన ఐబీపీఎస్ మెయిన్స్ పరీక్ష ఫలితాలను ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్) ఫిబ్రవరి 13న విడుదల చేసింది. అధికారిక వెబ్సైట్లో ఫలితాలను అందుబాటులో ఉంచింది. మెయిన్స్ పరీక్షకు హాజరైన అభ్యర్థులు తమ రిజిస్ట్రేషన్ నంబర్/రూల్ నెంబర్, పుట్టినతేదీ/పాస్వర్డ్ వివరాలు నమోదుచేసి ఫలితాలు చూసుకోవచ్చు. ఫిబ్రవరి 22 వరకు ఫలితాలు అందుబాటులో ఉండనున్నాయి. దేశవ్యాప్తంగా జనవరి 28న ఐబీపీఎస్ మెయిన్స్ పరీక్ష నిర్వహించిన సంగతి తెలిసిందే. మెయిన్స్ పరీక్షలో అర్హత సాధించిన అభ్యర్థులకు తర్వాతి దశలో ఇంటర్వ్యూ, ధ్రువపత్రాల పరిశీలన, మెడికల్ ఎగ్జామ్ నిర్వహించి తుది ఎంపిక చేస్తారు.
ఐబీపీఎస్ స్పెషలిస్ట్ ఆఫీసర్స్ మెయిన్స్ ఫలితాల కోసం క్లిక్ చేయండి..
దేశంలోని వివిధ ప్రభుత్వరంగ బ్యాంకుల్లో స్పెషలిస్ట్ ఆఫీసర్స్ (సీఆర్పీ ఎస్పీఎల్-XIII) పోస్టుల భర్తీకి ఇన్స్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్) గతేడాది ఆగస్టులో నోటిఫికేషన్ వెల్లడించిన సంగతి తెలిసిందే. డిగ్రీ, పీజీ అర్హత, తగు అనుభవం ఉన్నవారి నుంచి అభ్యర్థులు ఆగస్టు 1 నుంచి 21 వరకు దరఖాస్తులు స్వీకరించారు. అభ్యర్థులకు డిసెంబరు 31న ప్రిలిమ్స్ పరీక్ష నిర్వహించారు. ప్రిలిమ్స్ పరీక్ష ఫలితాలను ఇన్స్టిట్యూట్ ఆఫ్ పర్సనల్ సెలక్షన్ జనవరి 24న విడుదల చేసింది. ప్రిలిమ్స్ పరీక్షలో అర్హత సాధించిన అభ్యర్థులకు తర్వాతి దశలో జనవరి 28న మెయిన్స్ పరీక్ష నిర్వహించింది. తాజాగా ఈ పరీక్ష ఫలితాలను ఐబీపీఎస్ విడుదల చేసింది.
పోస్టుల వివరాలు..
మొత్తం ఖాళీలు: 1402
1) అగ్రికల్చరల్ ఫీల్డ్ ఆఫీసర్ (స్కేల్-1): 500
బ్యాంకులవారీగా ఖాళీలు: సెంట్రల్ బ్యాంక్ ఆఫ్ ఇండియా-400, పంజాబ్ నేషనల్ బ్యాంక్-100.
అర్హత: డిగ్రీ (అగ్రికల్చర్ హార్టికల్చర్/ యానిమల్ హస్బెండరీ/ వెటర్నరీ సైన్స్/ డెయిరీ సైన్స్/ ఫిషరీ సైన్స్/ పిసికల్చర్/అగ్రి మార్కెటింగ్ & కోఆపరేషన్/ కో-ఆపరేషన్ &బ్యాంకింగ్/ ఆగ్రో-ఫారెస్ట్రీ/ ఫారెస్ట్రీ/ అగ్రికల్చరల్ బయోటెక్నాలజీ/ ఫుడ్ సైన్స్/ అగ్రికల్చర్ టెక్నాలజీ బిజినెస్ మేనేజ్మెంట్/ డెయిరీ టెక్నాలజీ/ అగ్రికల్చరల్ ఇంజినీరింగ్/ సెరికల్చర్/ఫిషరీస్ ఇంజినీరింగ్)
2) హెచ్ఆర్/పర్సనల్ ఆఫీసర్ (స్కేల్-1): 31
బ్యాంకులవారీగా ఖాళీలు: బ్యాంక్ ఆఫ్ ఇండియా-12, సెంట్రల్ బ్యాంక్ ఆఫ్ ఇండియా-15, ఇండియన్ ఓవర్సీస్ బ్యాంక్-04.
అర్హత: పీజీ డిగ్రీ/ పీజీ డిప్లొమా(పర్సనల్ మేనేజ్మెంట్/ ఇండస్ట్రియల్ రిలేషన్స్/ హెచ్ఆర్/ హెచ్ఆర్డీ/ సోషల్ వర్క్/ లేబర్ లా).
3) ఐటీ ఆఫీసర్ (స్కేల్-1): 120
బ్యాంకులవారీగా ఖాళీలు: ఇండియన్ ఓవర్సీస్ బ్యాంక్-20, పంజాబ్ నేషనల్ బ్యాంక్-100.
అర్హత: బీటెక్/ఎంటెక్ (కంప్యూటర్ సైన్స్/ కంప్యూటర్ అప్లికేషన్స్/ ఇన్ఫర్మేషన్ టెక్నాలజీ/ ఎలక్ట్రానిక్స్/ ఎలక్ట్రానిక్స్ & టెలికమ్యూనికేషన్స్/ ఎలక్ట్రానిక్స్ & కమ్యూనికేషన్/ ఎలక్ట్రానిక్స్ & ఇన్స్ట్రుమెంటేషన్/ ఐటీ).
4) లా ఆఫీసర్ (స్కేల్-1): 10
బ్యాంకులవారీగా ఖాళీలు: బ్యాంక్ ఆఫ్ ఇండియా-10.
అర్హత: లా డిగ్రీ (ఎల్ఎల్బీ) ఉండాలి. బార్ కౌన్సిల్ సభ్యత్వం ఉండాలి.
5) మార్కెటింగ్ ఆఫీసర్ (స్కేల్-1): 700
బ్యాంకులవారీగా ఖాళీలు: పంజాబ్ నేషనల్ బ్యాంక్-700.
అర్హత: డిగ్రీతోపాటు రెండేళ్ల ఎంఎంఎస్ (మార్కెటింగ్)/ ఎంబీఏ(మార్కెటింగ్)/ పీజీడీబీఏ/ పీజీడీబీఎం/ పీజీపీఎం/ పీజీడీఎం.
6) రాజ్భాషా అధికారి (స్కేల్-1): 41
బ్యాంకులవారీగా ఖాళీలు: బ్యాంక్ ఆఫ్ ఇండియా-16, సెంట్రల్ బ్యాంక్ ఆఫ్ ఇండియా-15, ఇండియన్ ఓవర్సీస్ బ్యాంక్-10.
అర్హత: పీజీ డిగ్రీ (హిందీ/ సంస్కృతం). డిగ్రీ స్థాయిలో హిందీ/ సంస్కృతం తప్పనిసరి సబ్జెక్టుగా చదివి ఉండాలి.
టాప్ హెడ్ లైన్స్
ట్రెండింగ్ వార్తలు
