(Source: ECI/ABP News)
GPT 5: ఓపెన్ ఏఐ మరో సంచలనం GPT 5 - మైక్రోసాఫ్ట్ పనైపోయిందన్న మస్క్ - ఇదేంటో తెలుసా ?
Open AI: జీపీటీ 5 ఇప్పుడు ఏఐ రంగంలో సంచలనం సృష్టిస్తోంది. ఇది ఎన్ని అద్భుతాలు చేస్తుందో తెలుసా ?
What is new in GPT 5: ఆర్టిఫిషియల్ ఇంటలిజెన్స్ రంగంలో OpenAI సంచలనాలు సృష్టిస్తూనే ఉంది. తాజాగా GPT-5ని విడుదల చేసింది, ఇది GPT O-సిరీస్ మోడళ్లను ఒకే అడాప్టివ్ ఆర్కిటెక్చర్గా ఏకీకృతం చేసిన సరికొత్త లాంగ్వేజ్ మోడల్. ఈ మోడల్ కోడింగ్, గణితం, రాయడం, ఆరోగ్యం, విజువల్ టాస్క్లతో పాటు ఏజెంట్ లాంటి వాటి వాటిలో అప్ డేట్స్ ను తీసుకు వచ్చింది. *
GPT-5 రెండు వేర్వేరు మోడళ్లతో అందుబాటులోకి వచ్చింది. మొదటిది gpt-5-main సాధారణ ప్రశ్నలు , రొటీన్ టాస్క్ల కోసం వేగవంతమైన, సమర్థవంతమైన మోడల్. రెండోది gpt-5-thinking. సంక్లిష్టమైన ప్రశ్నలు , లోతైన ఆలోచన అవసరమైన టాస్క్ల కోసం రూపొందించిన డీప్ రీజనింగ్ మోడల్. ఒక రియల్-టైమ్ రౌటర్ ప్రశ్న సంక్లిష్టతను బట్టి ఈ రెండు మోడళ్లలో సరైనదాన్ని ఎంచుకుంటుంది, దీనివల్ల సమాధానాలు , ఖచ్చితంగా , విశ్వసనీయంగా ఉంటాయి. GPT-5 Pro ప్రీమియం వెర్షన్. ఇది కష్టమైన టాస్క్లలో 67.8 శాతం సందర్భాల్లో మెరుగైన పనితీరును చూపిస్తుంది.
GPT-5 కోడింగ్ రంగంలో గొప్ప పురోగతిని సాధించింది. ఇది ప్రొఫెషనల్-గ్రేడ్ కోడ్ రాయడం, పెద్ద కోడ్బేస్లను డీబగ్ చేయడం , సంక్లిష్టమైన ఫ్రంట్-ఎండ్ యాప్లను సృష్టించడంలో రాణిస్తుంది. వైబ్ కోడిం అనే కొత్త ఫీచర్తో, కనీస ప్రాంప్ట్లతో యాప్లను రూపొందించగలదు. ఇది డెవలపర్లకు సమయాన్ని ఆదా చేస్తుంది . కోడ్ ఖచ్చితత్వాన్ని పెంచుతుంది.
GPT-5 గణిత సమస్యలను పరిష్కరించడంలో, లాజికల్ రీజనింగ్లో గణనీయమైన మెరుగుదలలను చూపిస్తుంది. సంక్లిష్టమైన గణనలు, డేటా విశ్లేషణ, అల్గారిథమ్-ఆధారిత ప్రశ్నలకు మరింత ఖచ్చితమైన సమాధానాలను అందిస్తుంది. ఇది గణిత సమస్యలను దశలవారీగా వివరించగలదు, ఇది విద్యార్థులకు , పరిశోధకులకు ఉపయోగకరంగా ఉంటుంది.
GPT-5 రాయడంలో మరింత సహజమైన, సందర్భానుగుణమైన సమాధానాలను అందిస్తుంది. ఆరోగ్య రంగంలో, GPT-5 వైద్య సమాచారాన్ని విశ్లేషించడం, పరిశోధనా పత్రాలను సైతం విశ్లేషించడం, సాధారణ వైద్య సలహాలను అందించడంలో మెరుగైన సామర్థ్యాన్ని చూపిస్తుంది. విజువల్ టాస్క్లలో ఇది ఇమేజ్ డిస్క్రిప్షన్, డేటా విజువలైజేషన్ , గ్రాఫిక్ డిజైన్ సంబంధిత ప్రాంప్ట్లను బాగా నిర్వహిస్తుంది. GPT-5 స్వతంత్రంగా టాస్క్లను నిర్వహించగల సామర్థ్యాన్ని కలిగి ఉంది. మల్టీ-స్టెప్ టాస్క్లు స్వయంగా పూర్తి చేయగలదు. డేటాను సేకరించడం, విశ్లేషించడం, నిర్ణయాలు తీసుకోవడం వంటివి చేస్తుంది.
GPT-5 OpenAI అధికారిక ప్లాట్ఫామ్ల ద్వారా అందుబాటులో ఉంది, ఇందులో ChatGPT వెబ్సైట్ , API సేవలు ఉన్నాయి. API ద్వారా డెవలపర్లు GPT-5ని తమ అప్లికేషన్లలో ఇంటిగ్రేట్ చేయవచ్చు.
అందుకే ఇక మైక్రోసాఫ్ట్ పని అయిపోయిందని మస్క్ ట్వీట్ చేశారు. కానీ దానికి సత్య నాదెళ్ల స్ట్రాంగ్ కౌంటర్ ఇచ్చారు.
Nothing to see here. Just Satya Nadella respectfully & factually eating Elon Musk alive. pic.twitter.com/FDObWFfUeu
— Shiv Aroor (@ShivAroor) August 8, 2025
టాప్ హెడ్ లైన్స్
ట్రెండింగ్ వార్తలు
