APPSC: తిరుమల తిరుపతి దేవస్థానం కళాశాలల్లో డీఎల్, జేఎల్ పోస్టుల దరఖాస్తు ప్రారంభం - చివరితేది ఎప్పుడంటే?
తిరుపతిలోని తిరుమల తిరుపతి దేవస్థానం ఆధ్వర్యంలోని డిగ్రీ, జూనియర్ కళాశాలల్లో లెక్చరర్ పోస్టుల భర్తీకి సంబంధించిన ఆన్‌లైన్ దరఖాస్తు ప్రక్రియ మార్చి 7న ప్రారంభమైంది.మార్చి 27 వరకు దరఖాస్తు చేసుకోవచ్చు.
TTD Colleges Faculty Posts: తిరుపతిలోని తిరుమల తిరుపతి దేవస్థానాలు శాశ్వత ప్రాతిపదికన తితిదే డిగ్రీ కళాశాలలు/ ఓరియంటల్ కళాశాలల్లో డిగ్రీ లెక్చరర్లు (Degree Lecturer), తితిదే జూనియర్ కళాశాలల్లో జూనియర్ లెక్చరర్ (Junior Lecturer) ఉద్యోగాల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 78 పోస్టులను భర్తీ చేయనున్నారు. ఆంధ్రప్రదేశ్ రాష్ట్రం, హిందూ మతానికి చెందిన అభ్యర్థులు మాత్రమే ఈ పోస్టులకి దరఖాస్తు చేసుకోవాలి. కనీసం 55% మార్కులతో సంబంధిత సబ్జెక్టులో మాస్టర్స్ డిగ్రీ ఉత్తీర్ణత, నెట్‌/ స్లెట్‌ అర్హత సాధించిన వారు దరఖాస్తు చేసుకోవడానికి అర్హులు. సరైన అర్హతలు గల అభ్యర్థులు మార్చి 7 నుంచి 27 వరకు దరఖాస్తులు సమర్పించవచ్చు. రాత పరీక్ష(కంప్యూటర్ ఆధారిత పరీక్ష), సర్టిఫికేట్ వెరిఫికేషన్ తదితరాల ఆధారంగా ఎంపిక ఉంటుంది.
వివరాలు..
➤ డిగ్రీ/ జూనియర్ లెక్చరర్ పోస్టులు
మొత్తం ఖాళీల సంఖ్య: 78
➥ డిగ్రీ లెక్చరర్: 49 పోస్టులు
➥ జూనియర్ లెక్చరర్: 29 పోస్టులు
డిగ్రీ లెక్చరర్ పోస్టుల వివరాలు..
సబ్జెక్టుల వారీ ఖాళీలు..
➥ బోటనీ: 03 పోస్టులు
➥ కెమిస్ట్రీ: 02 పోస్టులు
➥ కామర్స్: 09 పోస్టులు
➥ డెయిరీ సైన్స్: 01 పోస్టు
➥ ఎలక్ట్రానిక్స్: 01 పోస్టు
➥ ఇంగ్లిష్: 08 పోస్టులు
➥ హిందీ: 02 పోస్టులు
➥ హిస్టరీ: 01 పోస్టు
➥ హోమ్ సైన్స్: 04 పోస్టులు
➥ ఫిజికల్ ఎడ్యుకేషన్: 02 పోస్టులు
➥ ఫిజిక్స్: 02 పోస్టులు
➥ పాపులేషన్ స్టడీస్: 01 పోస్టు
➥ సంస్కృతం: 01 పోస్టు
➥ సంస్కృత వ్యాకరణం: 01 పోస్టు
➥ స్టాటిస్టిక్స్: 04 పోస్టులు
➥ తెలుగు: 03 పోస్టులు
➥ జువాలజీ: 04 పోస్టులు
అర్హత: కనీసం 55% మార్కులతో సంబంధిత సబ్జెక్టులో మాస్టర్స్ డిగ్రీ ఉత్తీర్ణత, నెట్‌/ స్లెట్‌ అర్హత సాధించి ఉండాలి.
జూనియర్ లెక్చరర్ పోస్టుల వివరాలు..
సబ్జెక్టుల వారీ ఖాళీలు..
➥ బోటనీ: 04 పోస్టులు
➥ కెమిస్ట్రీ: 04 పోస్టులు
➥ సివిక్స్‌: 04 పోస్టులు
➥ కామర్స్: 02 పోస్టులు
➥ ఇంగ్లిష్: 01 పోస్టు
➥ హిందీ: 01 పోస్టు
➥ హిస్టరీ: 04 పోస్టులు
➥ మ్యాథమెటిక్స్‌: 02 పోస్టులు
➥ ఫిజిక్స్: 02 పోస్టులు
➥ తెలుగు: 03 పోస్టులు
➥ జువాలజీ: 02 పోస్టులు
అర్హత: కనీసం 55 శాతం మార్కులతో మాస్టర్స్ డిగ్రీ ఉత్తీర్ణులై ఉండాలి.
వయోపరిమితి: 1.07.2023 నాటికి 18 నుంచి 42 సంవత్సరాల మధ్య ఉండాలి. ఎస్సీ, ఎస్టీ, బీసీ, ఈడబ్ల్యూఎస్‌ అభ్యర్థులకు 5 సంవత్సరాలు; దివ్యాంగులకు 10 సంవత్సరాలు వయో సడలింపు వర్తిస్తుంది. ఎక్స్-సర్వీస్‌మెన్, ఎన్‌సీసీ, తాత్కాలిక ఉద్యోగులకు 3 సంవత్సరాలు, రాష్ట్రప్రభుత్వ/తి.తి.దే. ఉద్యోగులకు నిబంధనల మేరకు 5 సంవత్సరాల వరకు వయోసడలింపు వర్తిస్తుంది.
దరఖాస్తు ఫీజు: రూ.370. ఎస్సీ, ఎస్టీ, బీసీ, దివ్యాంగులు, ఎక్స్-సర్వీస్ మెన్ అభ్యర్థులకు రూ.250 చెల్లిస్తే సరిపోతుంది.
దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.
ఎంపిక విధానం: రాత పరీక్ష(కంప్యూటర్ ఆధారిత పరీక్ష), సర్టిఫికేట్ వెరిఫికేషన్ తదితరాల ఆధారంగా ఎంపిక ఉంటుంది.
పరీక్ష విధానం: మొత్తం 150 మార్కులకు రాతపరీక్ష నిర్వహిస్తారు. పరీక్షలో మొత్తం రెండు పేపర్లు ఉంటాయి. ఇందులో పేపర్-1: జనరల్ స్టడీస్ & మెంటల్ ఎబిలిటీ-150 ప్రశ్నలు-150 మార్కులు-150 నిమిషాలు, పేపర్-2: అభ్యర్థికి సంబంధించిన సబ్జెక్టు -150 ప్రశ్నలు-300 మార్కులు-150 నిమిషాలు ఉంటాయి. పేపర్-1లో ఒక్కో ప్రశ్నకు ఒకమార్కు, పేపర్-2లో ఒక్కో ప్రశ్నకు 2 మార్కులు కేటాయించారు. ప్రతి తప్పు సమాధానానికి 1/3 వంత మార్కులు కోత విధిస్తారు.
జీత భత్యాలు: నెలకు డిగ్రీ లెక్చరర్‌కు రూ.61,960- రూ.1,51,370. జూనియర్ లెక్చరర్‌కు రూ.57,100- రూ.1,47,760.
ముఖ్యమైన తేదీలు..
🔰 ఆన్‌లైన్ దరఖాస్తు ప్రక్రియ ప్రారంభం: 07.03.2024
🔰 ఆన్‌లైన్ దరఖాస్తుకు చివరితేదీ:27.03.2024
టాప్ హెడ్ లైన్స్
ట్రెండింగ్ వార్తలు
