Corona Cases: దేశంలో కొత్తగా 7,774 మందికి కరోనా.. 560 రోజుల కనిష్ఠానికి యాక్టివ్ కేసులు

కరోనా కారణంగా కొత్తగా 306 మంది ప్రాణాలు కోల్పోయారు. యాక్టివ్ కేసులు 560 రోజుల కనిష్ఠానికి చేరాయి.

దేశంలో కరోనా కేసుల వివరాలు

దేశంలో కొత్తగా 7,774 కరోనా కేసులు నమోదుకాగా 306 మంది మృతి చెందారు. తాజాగా 8,464 మంది కరోనా నుంచి రికవరయ్యారు. యాక్టివ్ కేసుల సంఖ్య 92,281కి చేరింది. గత 560 రోజుల్లో ఇదే అత్యల్పం. 

• మొత్తం మరణాలు: 4,75,434
• యాక్టివ్ కేసులు: 92,281
• కోలుకున్నవారు: 3,41,22,795

Koo App

#unite2fightcorona

View attached media content

- Ministry of Health & Family Welfare, Govt of India (@mohfw_india) 12 Dec 2021

మొత్తం కేసుల్లో యాక్టివ్ కేసుల శాతం 0.27గా ఉంది. 2020 మార్చి నుంచి ఇదే అత్యల్పం. ఈ మేరకు కేంద్ర ఆరోగ్య శాఖ వెల్లడించింది. 

మొత్తం రికవరీల సంఖ్య 3,41,22,795కు పెరిగింది. రికవరీ రేటు 98.36 శాతానికి చేరింది. 2020 మార్చి నుంచి ఇదే అత్యధికం. ఇప్పటివరకు 65.58 కోట్ల కరోనా పరీక్షలు నిర్వహించినట్లు కేంద్ర ఆరోగ్యశాఖ పేర్కొంది. 

#Unite2FightCorona#LargestVaccineDrive

➡️ India’s Cumulative #COVID19 Vaccination Coverage exceeds 132.93 Cr (1,32,93,84,230).

➡️ More than 89 Lakh doses administered in last 24 hours.https://t.co/GxoSUzLFt4 pic.twitter.com/8nNI05wM00

— Ministry of Health (@MoHFW_INDIA) December 12, 2021

వ్యాక్సినేషన్ కార్యక్రమంలో భాగంగా ఇప్పటివరకు 132.93 కోట్ల వ్యాక్సిన్ డోసులు పంపిణీ చేసినట్లు కేంద్ర ఆరోగ్యశాఖ పేర్కొంది.

ఒమిక్రాన్ కేసులు..

దేశంలో ఒమిక్రాన్ కేసులు పెరుగుతున్నాయి. దిల్లీలో తాజాగా 35 ఏళ్ల వ్యక్తికి ఒమిక్రాన్ సోకినట్లు తేలింది. అతను జింబాబ్వే, దక్షిణాఫ్రికా వెళ్లి వచ్చినట్లు తెలిసింది. దిల్లీలో ఇది రెండో ఒమిక్రాన్ కేసు. ప్రస్తుతం అతనికి ఎల్‌ఎన్‌జేపీ ఆసుపత్రిలో చికిత్స అందిస్తున్నారు. అతనికి పూర్తి వ్యాక్సినేషన్ అయినట్లు అధికారులు తెలిపారు.

ఇప్పటివరకు దేశంలో ఒమిక్రాన్ కేసుల సంఖ్య 33కు చేరింది. మహారాష్ట్రలో అత్యధికంగా 17 కేసులు నమోదుకాగా రాజస్థాన్‌లో 9, గుజరాత్‌లో 3, కర్ణాటకలో 2, దిల్లీలో 2 కేసులు వెలుగుచూశాయి.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి