అన్వేషించండి

Vishnu Manchu: విష్ణు మంచు పాన్ ఇండియా ప్లాన్స్... అయితే?

హీరో, 'మా' అధ్యక్షుడు విష్ణు మంచుకు పాన్ ఇండియా సినిమా చేయాలనే ప్లాన్స్ ఉన్నాయి. అయితే... ఆ తర్వాత ఆయన ఓ మాట చెప్పారు. అదేంటంటే...

By : ABP Desam | Updated at : 20 Jan 2022 05:14 PM (IST)

vishnu

తెలుగు హీరోల్లో మెజారిటీ యంగ్‌స్టార్ ఇప్పుడు పాన్ ఇండియా సినిమాలు చేయడానికి మొగ్గు చూపిస్తున్నారు. 'బాహుబలి' తర్వాత ప్రభాస్ పాన్ ఇండియా స్టార్ అయ్యారు. ఆల్ ఓవర్ ఇండియా ఆడియ‌న్స్‌ను మైండ్‌లో పెట్ట‌కుని ఇప్పుడు ఆయన సినిమాలు చేస్తున్నారు. 'ఆర్ఆర్ఆర్' తర్వాత ఎన్టీఆర్, రామ్ చరణ్ చేసే సినిమాలు కూడా పాన్ ఇండియా సినిమాలే. 'పుష్ప'తో బన్నీ కూడా బాలీవుడ్, ఒన్ ఇండియా బాట పట్టారు. హీరో, మూవీ ఆర్టిస్ట్ అసోసియేషన్ (మా) అధ్యక్షుడు మంచు విష్ణు కూడా తనకు పాన్ ఇండియా సినిమాలు చేయాలని ఉందని ఓ ఆంగ్ల పత్రికతో చెప్పారు.

'పాన్ ఇండియా సినిమా చేసే ప్లాన్స్ ఉన్నాయా?' అని విష్ణు మంచును అడిగితే... "అవును. హిందీ సినిమాలు చేయడం నాకు ఇష్టమే. భగవంతుడికి ఆ ఆశ చేరుతుందని ఆశిస్తున్నాను" అని చెప్పారు. ప్రస్తుతం ఆయన శ్రీను వైట్ల దర్శకత్వంలో 'డీ అండ్ డీ' (డబుల్ డోస్) సినిమా, నూతన దర్శకుడితో మరో కామెడీ థ్రిల్లర్ చేయడానికి అంగీకరించారు. ఆ రెండిటిలో ఏదో ఒక సినిమా రెగ్యులర్ షూటింగ్ ఫిబ్రవరి 11న స్టార్ట్ చేస్తానని చెప్పారు.

బాలీవుడ్‌కు ఉన్నంత రీచ్ టాలీవుడ్ సినిమాల‌కు ఉంటే... బాక్సాఫీస్‌ను షేక్ చేయించేవ‌ని విష్ణు మంచు అభిప్రాయపడ్డారు. తెలుగు సినిమాలు హిందీలో బాగా ఆడుతున్న విషయాన్ని ఆయన గుర్తు చేశారు. త్వరలో బాలీవుడ్ బ్యాక్ సీట్ తీసుకుంటుందని, తెలుగు - తమిళ సినిమాలు ముందువరుసలో ఉంటాయని ఆయన చెప్పారు.