అన్వేషించండి

Kajal Aggarwal: పుట్టబోయే బిడ్డ కోసం... కాజల్ అగర్వాల్ కొత్త జర్నీ

కాజల్ అగర్వాల్ ప్రెగ్నెంట్ అనే సంగతి తెలిసిందే. పుట్టబోయే బిడ్డ కోసం ఆమె కొత్త ప్రయాణం ప్రారంభించారు.

By : ABP Desam | Updated at : 20 Jan 2022 08:23 AM (IST)

కాజల్ అగర్వాల్

స్టార్ హీరోయిన్ కాజల్ అగర్వాల్ ప్రెగ్నెంట్ అనే సంగతి తెలిసిందే. ఆ విషయాన్ని ఆమె భర్త గౌతమ్ కిచ్లూ కన్ఫర్మ్ చేశారు. ఆమె చెల్లెలు నిషా అగ‌ర్వాల్‌ను 'మీ అక్క గర్భవతి కదా' అని అడిగితే... 'అవును' అన్నట్టు ఆనందంతో ముసిముసి నవ్వులు నవ్వారు. కాజల్ అగర్వాల్ కూడా బేబీ బంప్‌తో క‌నిపించారు. ప్రెగ్నెన్సీ టెస్ట్ కిట్‌కు యాడ్ చేశారు. అయితే... ఆమె నేరుగా ఎక్కడా తాను ప్రెగ్నెంట్ అని చెప్పలేదు. ఇప్పుడు ఇలా కన్ఫర్మ్ చేశారని అనుకోవాలి.

పుట్టబోయే బిడ్డ కోసం కాజల్ అగర్వాల్ కొత్త ప్రయాణం ప్రారంభించారు. ప్రెగ్నెంట్ లేడీస్ చేసే వ్యాయామాలు చేయడం స్టార్ట్ చేశారు. "prenatal journey (గర్భం దాల్చిన సమయంలో మహిళలు తీసుకునే ఆరోగ్యపరమైన జాగ్రత్తలు) స్టార్ట్ చేయడం సంతోషంగా ఉంది" అని కాజల్ అగర్వాల్ పేర్కొన్నారు. సో... తాను ప్రెగ్నెంట్ అని ఆమె ఇలా చెప్పారని అనుకోవాలి.

ప్రెగ్నెంట్ అవ్వడానికి ముందు మెగాస్టార్ చిరంజీవి 'ఆచార్య', హిందీలో 'ఉమ' సినిమా షూటింగులు కాజల్ పూర్తి చేశారు. ప్రెగ్నెంట్ అని తెలిశాక... అప్పటికే అంగీకరించిన అక్కినేని నాగార్జున 'ద ఘోస్ట్' సినిమా నుంచి తప్పుకొన్నారు. ఈ ఏడాది ఏప్రిల్ 1న 'ఆచార్య' విడుదల కానున్న సంగతి తెలిసిందే.