Lavanya Tripathi: మెగా హీరోతో పెళ్లి పుకార్లకు పరోక్షంగా... తెలివిగా సమాధానం ఇచ్చిన లావణ్యా త్రిపాఠీ!?

లావణ్యా త్రిపాఠీ పెళ్లి అంటూ ఓ పుకారు షికారు చేస్తోంది. దానికి ఆమె పరోక్షంగా... తెలివిగా సమాధానం చెప్పారా? ఆమె ఇన్‌స్టాగ్రామ్ స్టోరీస్‌కు అర్థం ఏమిటి?

లావణ్యా త్రిపాఠీ (Image courtesy - @ Lavanya Tripathi/Facebook)

మెగా హీరో వరుణ్ తేజ్, హీరోయిన్ లావణ్యా త్రిపాఠీ పెళ్లి చేసుకోబోతున్నారా? ఈ ఇద్దరూ ప్రేమలో ఉన్నారా? అంటే... 'అవును. పెళ్లి చేసుకోబోతున్నారు. ప్రేమలో ఉన్నారు' అనేది ఓ సెక్షన్ ఆఫ్ వెబ్ మీడియా చెప్పే మాట. ఇది ఇప్పటి నుంచి కాదు... జైపూర్‌లో నిహారికా కొణిదెల‌ పెళ్లి జరిగినప్పటి నుంచి వినిపిస్తున్నది. నిహారిక పెళ్లికి హాజరైన కొంత మంది అతిథుల జాబితాలో లావణ్యా త్రిపాఠీ కూడా ఉన్నారు. అంతకు ముందు వరుణ్ తేజ్‌కు జంట‌గా 'మిస్టర్', 'అంతరిక్షం 9000 కెఎంపిహెచ్‌' సినిమాలు చేసినప్పటికీ... వరుణ్ చెల్లెలి పెళ్లి తర్వాత వీరిద్దరూ ప్రేమలో ఉన్నారనేది ప్రముఖంగా వినిపించడం మొదలుపెట్టింది.

వరుణ్ తేజ్ పుట్టినరోజు (జనవరి 19న) సందర్భంగా మరోసారి లావణ్యా త్రిపాఠీతో ఆయన ప్రేమలో ఉన్నారనే మాట మరోసారి తెరపైకి వచ్చింది. ఈసారి ఓ అడుగు ముందుకు వేసి... గాసిప్ అంటూనే లావణ్యా త్రిపాఠీకి వరుణ్ తేజ్ ప్రపోజ్ చేయబోతున్నారని, అందుకోసం బెంగళూరు వెళ్లారనేది తాజా పుకారు. దీనికి లావణ్యా త్రిపాఠీ పరోక్షంగా, తెలివిగా సమాధానం ఇచ్చారని అనుకోవాలా? తాను బెంగళూరులో లేనని, డెహ్రాడూన్‌లో ఉన్నాన‌ని చెప్పాలని అనుకున్నారా? ఆమె ఇన్‌స్టాగ్రామ్ స్టోరీస్‌కు అర్థం ఏమిటి?


వ‌రుణ్ తేజ్‌కు సోషల్ మీడియా వేదికగా చాలా మంది పుట్టినరోజు శుభాకాంక్షలు చెప్పారు. వారిలో నిహారిక పెళ్లికి లావణ్యా త్రిపాఠీతో పాటు వెళ్లిన రీతూ వర్మ కూడా ఉన్నారు. అయితే... లావణ్యా త్రిపాఠీ బుధవారం సాయంత్రం వరకూ మాత్రం చెప్పలేదు. బుధవారం పెట్ డాగ్ వీడియో, తన ఫొటో ఇన్‌స్టాగ్రామ్ స్టోరీస్‌లో పోస్ట్ చేశారు. అందులో డెహ్రాడూన్‌ లొకేషన్ ట్యాగ్ చేశారు. డెహ్రాడూన్‌లో ఓ రోడ్ ఫొటో పోస్ట్ చేశారు. దీనిబట్టి ఆమె డెహ్రాడూన్‌లో ఉన్నారని అనుకోవాలా? బెంగ‌ళూరులో లేననే విషయాన్ని తెలివిగా చెప్పారా? పెళ్లి వార్త అవాస్తవం అని పరోక్షంగా సమాధానం ఇచ్చారా? ఒక్కటి మాత్రం నిజం... పెళ్లి పుకారు వార్త ఇద్దరినీ ఇబ్బంది పెట్టిందనేది!

Also Read: 'సుడిగాలి' సుధీర్ vs 'హైపర్' ఆది... సేమ్ క్యారెక్టర్ చేశారుగా!
Also Read: ఆన్‌లైన్ టిక్కెట్ల జీవోపై హైకోర్టుకు మల్టీప్లెక్స్ యాజమాన్యాలు.. ఏపీ ప్రభుత్వానికి నోటీసులు జారీ !
Also Read: జాన్వి కపూర్ వేసుకున్న ఈ స్విమ్ సూట్ ధరెంతో తెలుసా? షాకవ్వడం ఖాయం
Also Read: ఇన్‌స్టాలో తన పేరు చివర భర్త పేరు తొలగించిన చిరంజీవి చిన్న కుమార్తె!
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి