Saamanyudu: విశాల్ కొత్త సినిమా రిలీజ్.. ఎప్పుడంటే..?
విశాల్ నటించిన 'సామాన్యుడు' సినిమాను రిపబ్లిక్ డే కానుకగా విడుదల చేయాలనుకున్నారు. కానీ వాయిదా పడింది.
విశాల్ హీరోగా నటిస్తూ.. నిర్మిస్తోన్న చిత్రం 'సామాన్యుడు'. తు.ప.శరవణన్‌ దర్శకత్వంలో వహిస్తోన్న ఈ సినిమాలో డింపుల్‌ హయాతి హీరోయిన్ గా నటిస్తోంది. ఈ సినిమాను కోలీవుడ్ తో పాటు తెలుగులో కూడా విడుదల చేయనున్నారు. ఇటీవల విడుదలైన ఈ సినిమా ట్రైలర్ కి ప్రేక్షకుల నుంచి మంచి రెస్పాన్స్ వచ్చింది. అవుట్ అండ్ అవుట్ యాక్షన్ ఎంటర్టైనర్ గా దీన్ని తెరకెక్కిస్తున్నారు.
ముందుగా ఈ సినిమాను రిపబ్లిక్ డే కానుకగా విడుదల చేయాలనుకున్నారు. కానీ తమిళనాడులో ఆదివారం నాడు ఉన్న లాక్ డౌన్ అలానే ఇతర కారణాల వలన ఈ సినిమాను వాయిదా వేశారు. తాజాగా ఈ సినిమా కొత్త రిలీజ్ డేట్ ను అనౌన్స్ చేశారు. ఫిబ్రవరి 4న తెలుగు, తమిళ భాషల్లో సినిమాను విడుదల చేస్తున్నట్లు ప్రకటించారు. మాలిక్ స్టీమ్స్ కోపరేషన్ సంస్థ ఈ సినిమాను ప్రపంచవ్యాప్తంగా విడుదల చేస్తోంది. ఈ సినిమాలో విశాల్ పోలీస్ ఆఫీసర్ పాత్రలో కనిపించనున్నారు.
యోగి బాబు, బాబురాజ్‌ జాకబ్‌, పీఏ తులసి, రవీనా రవి తదితరులు ఈ సినిమాలో కీలకపాత్రల్లో నటించారు. విశాల్ నటిస్తున్న 31వ సినిమా ఇది. యాక్షన్ డ్రామా నేపథ్యంలో తెరకెక్కుతోన్న ఈ సినిమాకి యువన్‌ శంకర్‌ రాజా మ్యూజిక్ అందిస్తున్నారు. ఈ సినిమాపై ప్రేక్షకుల్లో మంచి అంచనాలు నెలకొన్నాయి. ఈ సినిమాలో కొంత భాగం షూటింగ్ హైదరాబాద్ లోనే నిర్వహించారు.
View this post on Instagram
Here’s the fierce and rageful trailer @VishalKOfficial’s #VeeramaeVaagaiSoodum & #Saamanyudu 🔥
— Vishal Film Factory (@VffVishal) January 19, 2022
🔗Tamil: https://t.co/jnUy8aXglc
🔗 Telugu: https://t.co/IwJiWc5gk1#VeeramaeVaagaiSoodumTrailer #SaamanyuduTrailer #VVSTrailer#Vishal @Thupasaravanan1 @thisisysr @DimpleHayathi pic.twitter.com/z6qgfrxVmL
టాప్ హెడ్ లైన్స్
ట్రెండింగ్ వార్తలు
