Vijay Devarakonda: రచ్చ రచ్చ చేసిన అభిమానులు - మాల్ నుంచి నిమిషాల్లోనే వెళ్ళిపోయిన విజయ్ దేవరకొండ

రౌడీ బాయ్ విజయ్ దేవరకొండ క్రేజ్ మామూలుగా లేదు. లైగర్ ప్రమోషన్స్ కోసం ఎక్కడికి వెళ్ళినా అభిమానులు పిచ్చ పిచ్చగా వచ్చేస్తూ రచ్చ రచ్చ చేస్తున్నారు. విజయ్, అనన్య జంటగా తెరకెక్కిన సినిమా లైగర్.

Image Credit: Dharma Movies/Instagram

రౌడీ బాయ్ విజయ్ దేవరకొండ క్రేజ్ మామూలుగా లేదు. లైగర్ ప్రమోషన్స్ కోసం ఎక్కడికి వెళ్ళినా అభిమానులు పిచ్చ పిచ్చగా వచ్చేస్తూ రచ్చ రచ్చ చేస్తున్నారు. విజయ్, అనన్య జంటగా తెరకెక్కిన సినిమా 'లైగర్'. ఈ జంట లైగర్ ప్రమోషన్స్ లో పాల్గొంటూ బిజీబిజీగా గడిపేస్తున్నారు. ఇటీవల ముంబయిలోని ఓ మాల్ కి వెళ్తే అక్కడ ఇసుక వేసినా రాలనంత మంది అభిమానులు వచ్చి విజయ్ మీద తమకున్న అభిమానాన్ని చాటుకున్నారు.

దేశవ్యాప్తంగా ఉన్న పలు రాష్ట్రాల్లో ఈ సినిమా ప్రమోషన్స్ ను ప్లాన్ చేశారు. ఇప్పటికే గుజరాత్, ఛండీఘడ్, ముంబయి, అహ్మదాబాద్, పాట్నాతో పాటు పలు నగరాల్లో నిర్వహించిన ప్రమోషన్స్ లో లైగర్ జంట పాల్గొంది. తాజాగా పూణేలో ఓ మాల్ లో లైగర్ ప్రమోషన్స్ ఈవెంట్ ఏర్పాటు చేశారు. అక్కడికి కూడా భారీ సంఖ్యలో అభిమానులు వచ్చారు. తమ అభిమాన నటుడిని దగ్గర నుంచి చూసేందుకు ఎగబడ్డారు.

స్టేజ్ మీదకి విజయ్, అనన్య రాగానే అభిమానులు ముందుకు వచ్చేందుకు ప్రయత్నించారు. స్టేజ్‌కు అడ్డుగా పెట్టిన బారికేడ్లను తోసేశారు. వాళ్ళని కంట్రోల్ చేయడం సెక్యూరిటీ సిబ్బందికి కష్టమైంది. దీంతో విజయ్, అనన్య కొన్ని నిమిషాల వ్యవధిలోనే అక్కడ నుంచి వెళ్లిపోవల్సి వచ్చింది. దీనికి సంబంధించిన వీడియో ప్రస్తుతం సామాజిక మధ్యమాల్లో వైరల్‌గా చక్కర్లు కొడుతోంది.

లైగర్ సినిమా ప్రమోషన్స్ ని వినూత్నంగా ప్లాన్ చేశారు. గతంలో ముంబయి లోని లోకల్ ట్రైన్ లో ప్రమోషన్స్ చేసి అందర్నీ సర్ ప్రైజ్ చేశారు. ముంబయిలోని ఫేమస్ రోడ్ల మీద తిరుగుతూ అభిమనులతో మాట్లాడాడు విజయ్. అదే విధంగా చండీగడ్‌లో ఓ ఛాయ్ బండి దగ్గర అభిమానులతో కలిసి టీ తాగుతూ వారితో ముచ్చటించారు విజయ్, అనన్యలు. ప్రమోషన్స్ లో ఎక్కడ చూసినా విజయ్ చెప్పులు ధరించే కనిపించి అందరినీ ఆశ్చర్యపరిచాడు. ఈవెంట్స్ కోసం త్వరగా రెడీ అయ్యేందుకే ఇలా చెప్పులు ధరించి వస్తున్నట్టు విజయ్ ఇటీవల ఓ ఇంటర్వ్యూలో తెలిపాడు.

మాస్ డైరెక్టర్ పూరీ జగన్నాథ్ తెరకెక్కించిన ఈ పాన్ ఇండియా సినిమా ఆగస్టు 25 న ప్రేక్షకుల ముందుకు రానుంది. ఇస్మార్ట్ శంకర్ సక్సెస్ తర్వాత పూరి జగన్నాథ్, యూత్‌లో మంచి ఫాలోయింగ్ ఉన్న విజయ్ దేవరకొండ కాంబినేషన్‌లో వస్తున్నా పాన్ ఇండియా సినిమా కావడంతో ఈ సినిమాపై భారీ అంచనాలు నెలకొన్నాయి. సరిగ్గా ఐదు సంవత్సరాల క్రితం విజయ్ దేవరకొండకు స్టార్‌డం తీసుకొచ్చిన ‘అర్జున్ రెడ్డి’ విడుదలైన రోజే ‘లైగర్’ కూడా రిలీజ్ కానుండటంతో ఇది కచ్చితంగా సక్సెస్ అవుతుందని అభిమానులు ఆశిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Puri Connects (@puriconnects)