#Venky75: అద్భుతమైన యాక్షన్ మూవీతో వస్తున్న వెంకీ - హిట్ సిరీస్ డైరెక్టర్‌తో!
ప్రముఖ హీరో వెంకటేష్ తన తర్వాతి సినిమాను అధికారికంగా ప్రకటించారు.
ఇటీవలి కాలంలో బిగ్‌స్క్రీన్, ఓటీటీ రెండిట్లోనూ సక్సెస్ కొట్టిన హీరో విక్టరీ వెంకటేష్ తన కొత్త సినిమాను అధికారికంగా ప్రకటించింది. ‘హిట్‌వర్స్’తో బ్యాక్ టు బ్యాక్ హిట్లు కొట్టిన శైలేష్ కొలనుతో వెంకీ చేతులు కలపనున్నారు. వెంకటేష్ కెరీర్‌లో ఇది 75వ సినిమా. నీహారిక ఎంటర్‌టైన్‌మెంట్ బ్యానర్‌పై వెంకట్ బోయనపల్లి ఈ సినిమాను నిర్మిస్తున్నారు.
విక్టరీ వెంకటేష్ కెరీర్‌లోనే ఇది భారీ బడ్జెట్ సినిమా కానుంది. ‘శ్యామ్ సింగ రాయ్’ తర్వాత నీహారిక ఎంటర్‌టైన్‌మెంట్ నిర్మిస్తున్న రెండో సినిమా ఇది. హిట్‌వర్స్ కాకుండా కొత్త కథతో శైలేష్ ఈ సినిమాను తెరకెక్కిస్తున్నట్లు తెలుస్తోంది. అయితే ఈ సినిమా గురించి మరిన్ని వివరాలు జనవరి 25వ తేదీన వెల్లడించనున్నారు.
ప్రస్తుతానికి దీనికి సంబంధించిన ప్రీ-లుక్ పోస్టర్‌ను విడుదల చేశారు. ఈ పోస్టర్‌లో వెంకటేష్ చేతిలో ఏదో వస్తువు ఉన్నట్లు చూపించారు. చూడటానికి గన్‌లాగా కనిపిస్తున్నప్పటికీ అది గన్ కాదు. ఆ వస్తువు ఏదో కూడా జనవరి 25వ తేదీనే వెల్లడించనున్నారు. వెంకటేష్ కెరీర్‌లోనే ఇంటెన్స్ యాక్షన్ థ్రిల్లర్‌గా ఈ సినిమా తెరకెక్కనుంది.
టెక్నికల్‌గా కూడా ఈ సినిమా బాగా వచ్చేందుకు ప్రముఖ టెక్నీషియన్లను తీసుకుంటున్నారు. ఇందులో నటించనున్న ఇతర నటీనటుల వివరాలు త్వరలో తెలుస్తాయి. ప్రస్తుతానికి హీరో వెంకటేష్ అనే విషయాన్ని మాత్రమే రివీల్ చేశారు.
సినిమాల ఎంపికలో ఆచితూచి అడుగులు వేస్తున్నారు వెంకటేష్. గతేడాది మే నెలలో ఎఫ్3 విడుదల అయ్యాక వెంకటేష్ ఒప్పుకున్న సినిమా ఇదే. అంతకుముందు కూడా రిస్క్ లేకుండా అసురన్‌ను నారప్పగా, మలయాళం దృశ్యం-2ను అదే పేరుతో రీమేక్ చేశారు.
మరోవైపు డిజిటల్ ఓటీటీ ప్లాట్‌ఫాంలో కూడా వెంకటేష్ అడుగు పెట్టారు. తెలుగు సీనియర్ హీరోల్లో వెబ్ సిరీస్ చేసిన ఏకైక హీరో వెంకటేషే. ‘రానా నాయుడు’ పేరుతో నెట్‌ఫ్లిక్స్ తెరకెక్కిస్తున్న సిరీస్‌లో వెంకటేష్‌తో పాటు రానా కూడా నటిస్తున్నారు. సూపర్ హిట్ అయిన ఇంగ్లిష్ వెబ్ సిరీస్ ‘రే డొనొవన్’కు అధికారిక రీమేక్‌గా ఈ సిరీస్ తెరకెక్కుతుంది. ఈ సిరీస్ కూడా ఈ సంవత్సరమే విడుదల అయ్యే అవకాశం ఉంది. వెంకటేష్‌కు శైలేష్‌తో చేస్తున్న సినిమానే చివరి మైల్‌స్టోన్ మూవీ అయ్యే అవకాశం ఉంది. ఎందుకంటే ప్రస్తుతం సీనియర్ హీరోలు అందరిలో మెల్లగా సినిమాలు చేస్తూ వెళ్తుంది వెంకీనే. ఈ స్పీడ్‌లో మరో 25 సినిమాలు పూర్తి చేయడం అంటే దాదాపు ఇంపాజిబుల్ అని చెప్పవచ్చు. కాబట్టి ఈ సినిమాను మెమరబుల్‌గా మార్చుకోవడానికి వెంకటేష్ చాలా కష్టపడతారు.
ఇక శైలేష్ కొలను కూడా సూపర్ ‘హిట్’లతో దూసుకుపోతున్నారు. హిట్ 1, హిట్ 2 సినిమాలు చాలా పెద్ద హిట్ అయ్యాయి. హిట్ 3లో నాని నటిస్తున్నట్లు ‘హిట్ 2’ క్లైమ్యాక్స్‌లోనే అధికారికంగా ప్రకటించారు. వెంకటేష్‌తో సినిమా పూర్తయ్యాక ‘హిట్ 3’ మీదకు శైలేష్ వెళ్లే అవకాశం ఉంది. హిట్ సిరీస్‌లో మొత్తంగా ఏడు సినిమాలు ఉంటాయని శైలేష్ గతంలోనే చాలా సార్లు తెలిపారు. ఈ స్పీడ్‌ను బట్టి చూస్తే హిట్ వర్స్ పూర్తవ్వడానికి మరో 10 సంవత్సరాలు పట్టే అవకాశం ఉంది.
View this post on Instagram
టాప్ హెడ్ లైన్స్
ట్రెండింగ్ వార్తలు
