Varun Tej Birthday: 2000 వేల నోట్ల కట్టతో మెగాహీరో హడావిడి..

ఈరోజు వరుణ్ తేజ్ పుట్టినరోజు సందర్భంగా అతడి విషెస్ ను తెలుపుతూ.. 'ఎఫ్3' టీమ్ ఓ వీడియోను రిలీజ్ చేసింది.

Written By : ABP Desam | Updated at : 19 Jan 2022 07:08 PM (IST)

2000 వేల నోట్ల కట్టతో మెగాహీరో హడావిడి..

మెగాప్రిన్స్ వరుణ్ తేజ్ నటిస్తోన్న లేటెస్ట్ సినిమా 'ఎఫ్ 3'. అనిల్ రావిపూడి డైరెక్ట్ చేసిన సూపర్ హిట్ సినిమా 'ఎఫ్ 2'కి సీక్వెల్ గా దీన్ని తెరకెక్కిస్తున్నారు. 'ఎఫ్ 2' సినిమాలో కనిపించిన తారలే ఈ సినిమాలో కూడా కనిపించనున్నారు. వీరితో పాటు కొన్ని పాత్రలను యాడ్ చేస్తున్నారు. అందులో సునీల్, సోనాల్ చౌహన్ లాంటి స్టార్లు ఉన్నారు. వెంకటేష్, వరుణ్ తేజ్ ఈ సినిమాలో తోడల్లుళ్లుగా కనిపించబోతున్నారు. మిల్కీబ్యూటీ తమన్నా, మెహ్రీన్ హీరోయిన్లుగా నటిస్తున్నారు.

ఇక ఈరోజు వరుణ్ తేజ్ పుట్టినరోజు సందర్భంగా అతడి విషెస్ ను తెలుపుతూ.. 'ఎఫ్3' టీమ్ ఓ వీడియోను రిలీజ్ చేసింది. ఇందులో వరుణ్ తేజ్ సూట్ వేసుకొని స్టైలిష్ గా నడుచుకుంటూ వస్తూ.. తన చేతిలో ఉన్న సూట్ కేసుని విసిరేసి.. పాకెట్ లో నుంచి రెండు వేల రూపాయల కట్ట తీసుకొని హడావిడి చేస్తూ కనిపించారు. ఈ వీడియో పాటలో ఒక సీన్ అని తెలుస్తోంది.

ప్రస్తుతం షూటింగ్ దశలో ఉన్న ఈ సినిమాను ఏప్రిల్ 28న విడుదల చేయనున్నట్లు ప్రకటించారు. ఇదివరకు ఏప్రిల్ 29న రిలీజ్ చేస్తున్నట్లు చెప్పారు. కానీ ఇప్పుడు ఒకరోజు ముందుకు జరిగింది. దిల్ రాజు నిర్మిస్తోన్న ఈ సినిమా 'ఎఫ్2'కి మించి ఉంటుందని చెబుతున్నారు. దేవిశ్రీప్రసాద్ ఈ సినిమాకి సంగీతం అందిస్తున్నారు.

Here's a Special birthday video of
Mega Prince @IAmVarunTej from #F3Movie 🤩

▶️ https://t.co/NeFcqSXHLR #HBDVarunTej @VenkyMama @tamannaahspeaks @Mehreenpirzada @AnilRavipudi @Mee_Sunil @ThisIsDSP @SVC_official @f3_movie #F3OnApril28th pic.twitter.com/zIbBDnmVZw
— Sri Venkateswara Creations (@SVC_official) January 19, 2022