అన్వేషించండి

Upcoming Telugu Movies: ‘డెవిల్‌’ To ‘బబుల్‌గమ్‌’, 2023లో అలరించే చివరి చిత్రాలు ఇవే!

Upcoming Telugu Movies: మరికొద్ది రోజుల్లో 2023కు ఎండ్ కార్డు పడబోతోంది. ఈ ఏడాది చివరిగా ప్రేక్షకుల ముందుకు వచ్చేందుకు కొన్ని సినిమాలు రెడీ అవుతున్నాయి. ఇంతకీ అవేంటో ఇప్పుడు తెలుసుకుందాం..

By : ABP Desam | Updated at : 25 Dec 2023 09:16 PM (IST)

upcoming telugu theatrical and ott movies in december last week Upcoming Telugu Movies: ‘డెవిల్‌’ To ‘బబుల్‌గమ్‌’, 2023లో అలరించే చివరి చిత్రాలు ఇవే!

ఈ వారం థియేటర్‌/ఓటీటీలో అలరించే చిత్రాలు(Photos Credit: Social Media)

Upcoming Telugu Theatrical And OTT Movies: రీసెంట్ గా విడుదలైన ‘సలార్’, ‘డుంకీ’ చిత్రాలు బాక్సాఫీస్ దగ్గర సందడి చేస్తున్నాయి. భారీ అంచనాల నడుమ ఈ రెండు సినిమాలు విడుదలైనా, ‘సలార్’ ధాటికి ‘డుంకీ’ తట్టుకోలేకపోయింది. ప్రపంచ వ్యాప్తంగా ప్రభాస్ మూవీ సత్తా చాటుతోంది. ప్రేక్షకులు ఈ సినిమా చూసేందుకు ఎగబడుతున్నారు. ఇక ఈ ఏడాది చివరగా మరికొన్ని సినిమాలు సందడి చేయబోతున్నారు. థియేటర్లతో పాటు ఓటీటీలోనూ అలరించబోతున్నాయి.

థియేటర్లలో సందడి చేసే సినిమాలు ఇవే!

1.‘డెవిల్‌’- డిసెంబరు 29న విడుదల

నందమూరి కల్యాణ్‌ రామ్‌ హీరోగా తెరకెక్కుతున్న తాజా చిత్రం ‘డెవిల్’. అభిషేక్‌ పిక్చర్స్‌ బ్యానర్ లో తెరకెక్కుతున్న ఈ సినిమా ఈ నెల 29న ప్రేక్షకుల ముందుకు రాబోతోంది. అభిషేక్‌ నామా దర్శకత్వంలో తెరకెక్కుతున్న ఈ సినిమాలో కల్యాణ్‌ రామ్‌ సరసన సంయుక్త మీనన్‌, మాళవిక నాయర్‌ హీరోయిన్లుగా నటిస్తున్నారు. ఇందులో కల్యాణ్ రామ్ బ్రిటిష్‌ సీక్రెట్ ఏజెంట్ గా కనిపించబోతున్నారు. ఆయన ఈ మూవీలో చేసే స్టైలిష్‌ యాక్షన్ సన్నివేశాలు ఆడియెన్స్ ను అలరించబోతున్నట్లు తెలుస్తోంది. ఈ సినిమా విజువల్ వండర్ గా రూపొందినట్లు సమాచారం.

View this post on Instagram

A post shared by Icon Music South (@iconmusicsouth)

2.‘బబుల్‌గమ్‌’- డిసెంబరు 29న విడుదల

రాజీవ్‌ కనకాల, సుమ దంపతుల కొడుకు రోషన్‌ కనకాల ‘బబుల్‌గమ్‌’ మూవీతో తెలుగు సినిమా పరిశ్రమకు హీరోగా పరిచయం అవుతున్నారు. రవికాంత్‌ పేరెపు దర్శకత్వంలో రూపొందుతున్న ఈ సినిమాను మహేశ్వరి మూవీస్‌, పీపుల్‌ మీడియా ఫ్యాక్టరీ సంస్థలు సంయుక్తంగా నిర్మిస్తున్నాయి. మానస చౌదరి హీరోయిన్ గా నటిస్తోంది. ఈ సినిమా డిసెంబరు 29 ప్రేక్షకుల ముందుకు రానుంది.