Upasana: ఉపాసన చెల్లెలి పెళ్లిలో రామ్ చరణ్ సందడి..

ఉపాసన తన చెల్లెలి పెళ్లి ఫొటోలను ఇన్స్టాగ్రామ్ లో షేర్ చేస్తూ.. ఎమోషనల్ గా రాసుకొచ్చింది.

Written By : ABP Desam | Updated at : 08 Dec 2021 07:19 PM (IST)

ఉపాసన చెల్లెలి పెళ్లిలో రామ్ చరణ్ సందడి..

మెగాస్టార్ కోడలు, రామ్ చరణ్ భార్య ఉపాసన కామినేని చెల్లెలు అనుష్ప పెళ్లి సందడి జరుగుతున్న సంగతి తెలిసిందే. ఈ వేడుకల్లో కామినేని ఫ్యామిలీతో పాటు మెగాఫ్యామిలీ కూడా సందడి చేస్తోంది. చాలా కాలంగా అర్మాన్ ఇబ్రహీంను ప్రేమిస్తున్న అనుష్ప పెద్దలను ఒప్పించి వివాహం చేసుకుంది. ఈ పెళ్లి వేడుకలు మొదలైన రోజు నుంచి ప్రతి అప్డేట్ ను, ఫొటోలను ఉపాసన తన ఇన్స్టాగ్రామ్ లో షేర్ చేస్తూనే ఉంది.

దోమకొండ కోటలో జరిగిన పోచమ్మ పండుగ నుంచి సంగీత్ వేడుకల వరకు ఇలా ప్రతి సందర్భంలో తీసుకున్న ఫొటోలను ఉపాసన అభిమానులతో పంచుకుంది. ఈ పెళ్లి వేడుకల్లో మెగాఫ్యామిలీతో పాటు రామ్ చరణ్ కూడా సందడి చేశారు. ఈ వేడుకకు ఇండస్ట్రీ నుంచి పలువురు సెలబ్రిటీలు హాజరయ్యారు. వారిలో రానా దంపతులు కూడా ఉన్నారు. దోమకొండ గడికోటలో అనుష్పా పెళ్లి వేడుకలను నిర్వహించారు.

ఈ పెళ్లి ఫొటోలను తన ఇన్స్టాగ్రామ్ లో షేర్ చేసిన ఉపాసన.. ఎమోషనల్ గా రాసుకొచ్చింది. తన లైఫ్ లో ఇదొక స్పెషల్ డే అని.. తన చెల్లెల్ని బ్లెస్ చేసిన ప్రతీ ఒక్కరికీ ధన్యవాదాలు చెప్పింది. ఇక ఈ ఫొటోల్లో రామ్ చరణ్ తన లుక్ తో ఆకట్టుకున్నాడు. ట్రెడిషనల్ ఎటైర్ లో స్టైలిష్ గా కనిపించాడు.