Thanuja Puttaswamy : తెలుగు బుల్లితెర అందాల రాక్షసి.. బిగ్ బాస్ ఎంట్రీతో పెరిగిన క్రేజ్.. తనూజ పుట్టస్వామి రియల్ లైఫ్ విషయాలు

Thanuja Puttaswamy : అందాల రాక్షసి, ముద్ద మందారం సీరియల్స్‌తో తెలుగు ప్రేక్షకులకు దగ్గరైంది తనూజ పుట్టస్వామి. బిగ్ బాస్ ఎంట్రీతో తనూజ మరింత క్రేజ్ సంపాదించుకుంది.

తెలుగు బుల్లితెర అందాల రాక్షసి.. బిగ్ బాస్ ఎంట్రీతో పెరిగిన క్రేజ్.. తనూజ పుట్టస్వామి రియల్ లైఫ్ విషయాలు

Source : instagram

Show Quick Read

Key points generated by AI, verified by newsroom

• తనూజ పుట్టస్వామి బెంగళూరులో పెరిగి, కన్నడ సినిమాలతో నటన ప్రారంభించింది.
• ముద్ద మందారం సీరియల్‌తో పేరు తెచ్చుకొని, బిగ్‌బాస్ రన్నరప్‌గా నిలిచింది.
• బిగ్‌బాస్ ద్వారా అత్యధిక పారితోషికం పొంది, వంటల పోటీలోనూ గెలిచింది.

Thanuja Puttaswamy : తెలుగు టెలివిజన్‌లో తనకంటూ ఒక ప్రత్యేకతను సంపాదించుకున్న హీరోయిన్ తనూజ పుట్టస్వామి (తనూజ గౌడ). ఆమె రియల్ లైఫ్, విద్యాభ్యాసం, సినీ, సీరియల్ కెరీర్ రెమ్యూనరేషన్‌ గురించి ఆసక్తికర విషయాలు తెలుసుకుందాం.  

రియల్ లైఫ్  

తనూజ కర్ణాటకలోని బెంగళూరులో జన్మించి, అక్కడే పెరిగింది. పాఠశాల విద్య పూర్తి చేసిన తర్వాత బెంగళూరు యూనివర్సిటీ నుంచి గ్రాడ్యుయేషన్ పూర్తి చేసింది. ఈమె పర్సనల్ లైఫ్‌ను చాలా ప్రైవేట్‌గా ఉంచుతుంది. ఎమోషనల్, ముక్కుసూటి మనస్తత్వం గల అమ్మాయిగా బిగ్ బాస్ షో ద్వారా రియల్ లైఫ్ వ్యక్తిత్వాన్ని బయటపెట్టింది.

సీరియల్ కేరీర్  

తనూజ మొదట కన్నడ హర్రర్ సినిమా 6-5=2, దండే బాయ్స్ చిత్రాల ద్వారా నటిగా కెరీర్ ప్రారంభించింది. తెలుగులో మొదట 'అందాల రాక్షసి' అనే సీరియల్ ద్వారా అడుగుపెట్టింది. జీ తెలుగులో ప్రసారమైన సూపర్ హిట్ సీరియల్ "ముద్ద మందారం" లో 'పార్వతి' పాత్ర ఈమె కెరీర్‌ను మలుపు తిప్పింది. ఈ సీరియల్‌తో తెలుగు రాష్ట్రాల్లోని ప్రతి ఇంట్లో ఒక ఆడపిల్లలా కలిసిపోయింది. తమిళంలో "శివ మనసుల శక్తి", తెలుగులో "అగ్నిపరీక్ష" వంటి సీరియల్స్ లో నటించింది. అలాగే రీసెంట్‌గా "బిగ్ బాస్ తెలుగు సీజన్ 9" లో కంటెస్టెంట్‌గా పాల్గొని రన్నరప్‌గా నిలిచింది. 

రెమ్యూనరేషన్  

తెలుగు బుల్లితెరపై టాప్ హీరోయిన్లలో ఒకరిగా ఉన్న తనూజ, సీరియల్స్‌లో రోజువారీ కాల్ షీట్ల ప్రకారం భారీగానే పారితోషికం అందుకునేది. బిగ్ బాస్ 9 లో రన్నరప్‌గా నిలిచిన తనూజ, విన్నర్ ప్రైజ్ మనీ కంటే ఎక్కువ సంపాదించి వార్తల్లో నిలిచింది. హౌస్‌లో ఉన్నందుకు ఆమెకు వారానికి సుమారు రూ.2.50 లక్షల నుండి రూ.2.80 లక్షల వరకు రెమ్యూనరేషన్ అందినట్లు సమాచారం. ఈ లెక్కన 15 వారాలకు గానూ దాదాపు రూ.37 లక్షల నుండి రూ.42 లక్షల వరకు పారితోషికం వెనకేసుకుంది. 

సోషల్ మీడియా  

తనూజకు సోషల్ మీడియాలో భారీ ఫాలోయింగ్ ఉంది. ఇన్‌స్టాగ్రామ్‌లో (thanuja_puttaswamy_) 8 లక్షల మంది ఫాలోవర్స్ ఉన్నారు. ఆమె తన షూటింగ్స్, ట్రిప్స్, బ్యూటిఫుల్ ఫొటోషూట్స్ షేర్ చేస్తూ అభిమానులతో ఎప్పుడూ టచ్‌లో ఉంటుంది. బిగ్ బాస్ తర్వాత ఆమె సోషల్ మీడియా క్రేజ్ మరింత పెరిగింది.

ఆసక్తికర విషయాలు  

యాక్టింగే కాకుండా వంటల్లో కూడా తనూజ ప్రావీణ్యం సంపాదించింది. ఆమె ఈటీవీలో వచ్చిన "కూకు విత్ జాతరత్నాలు" వంటల కామెడీ షోలో రన్నరప్‌గా నిలిచింది. తనూజకు పక్షులు, జంతువులు అంటే చాలా ఇష్టం. ఖాళీ సమయాల్లో ప్రకృతి ఒడిలో గడపడానికి ఇష్టపడుతుంది.

బిగ్ బాస్ సీజన్ 9 లో మొదట్లో ఎమోషనల్ అవుతూ, ఏడుస్తూ, గొడవలు పడుతూ కనిపించినా.. క్రమంగా గేమ్ అర్థం చేసుకుని, ఎలాంటి మాస్క్ లేకుండా రియల్‌గా ఆడి టాప్-2 స్థానానికి చేరుకుంది.

మరిన్ని చదవండి

తెలుగు బుల్లితెరపై విలన్, ఇంటింటి రామాయణం ప్రణతి.. ప్రియా ప్రసాద్ రియల్ లైఫ్ ఇంట్రెస్టింగ్ విషయాలు