Debjani Modak: బెంగాలీ భామ, తెలుగు బుల్లితెర 'వేద'.. దేబ్జానీ మోదక్ రియల్ లైఫ్ విశేషాలు

Debjani Modak: ఎన్నెన్నో జన్మల బంధం సీరియల్‌లో వేదగా అలరించిన నటి దేబ్జానీ మోదక్. ఆమె రియల్ లైఫ్ గురించి ఆసక్తికర విషయాలు తెలుసుకుందాం.

బెంగాలీ భామ, తెలుగు బుల్లితెర 'వేద'.. దేబ్జానీ మోదక్ రియల్ లైఫ్ విశేషాలు

Source : instagram

Show Quick Read

Key points generated by AI, verified by newsroom

• తాజాగా వ్యాపారం ప్రారంభించి, నటనకు పలు అవార్డులు పొందింది.

Debjani Modak: తెలుగు బుల్లితెర ప్రేక్షకులకు దేబ్జానీ మోదక్  'వేద', 'సత్య' క్యారెక్టర్లతో బాగా ఫేమస్. అచ్చతెలుగమ్మాయిలా కనిపించే ఈమె నిజానికి బెంగాలీ భామ. అందం, అభినయంతో ఆకట్టుకుంటూ బుల్లితెరపై తనకంటూ ప్రత్యేక స్థానాన్ని ఏర్పరచుకుంది. దేబ్జానీకి వ్యక్తిగత జీవితం, సీరియల్ కెరీర్, రెమ్యూనరేషన్ , ఇతర ఆసక్తికర విషయాలు తెలుసుకుందాం. 

రియల్ లైఫ్  

దేబ్జానీ మోదక్ 1996 మార్చి 20న పశ్చిమ బెంగాల్‌ కోల్‌కతాలో జన్మించింది. ఇంట్లో ఆమెను ప్రేమగా "కిన్ని" అని పిలుస్తారు. ప్లస్ 2 చదువుతున్న సమయంలోనే మోడలింగ్, యాక్టింగ్ ఆఫర్లు వచ్చాయి. ఆ తర్వాత కరస్పాండెన్స్ ద్వారా చదువును పూర్తి చేసింది.  ఇటీవల సోషల్ మీడియా ద్వారా తన లవ్ లైఫ్‌కు సంబంధించిన అప్‌డేట్స్‌ను పంచుకుంటూ అభిమానులతో ఎప్పటికప్పుడు టచ్‌లో ఉంటుంది.   

సీరియల్ కెరీర్ 

దేబ్జానీ తన యాక్టింగ్ కెరీర్‌ను 2013లో 'నాకౌట్' అనే బెంగాలీ సినిమాతో, ఆ తర్వాత 2015లో 'అపోంజోన్' అనే బెంగాలీ సీరియల్‌తో ప్రారంభించింది. తమిళంలో సన్ టీవీలో వచ్చిన 'రసతి', 'వనత్తై పోలా' సీరియల్స్‌తో దక్షిణాది బుల్లితెరకు పరిచయమైంది. స్టార్ మా లో ప్రసారమైన 'ఎన్నెన్నో జన్మల బంధం' సీరియల్‌లో వేద పాత్రతో తెలుగు ప్రేక్షకులకు బాగా దగ్గరైంది. ఆ తర్వాత జెమిని టీవీలో వచ్చిన 'సత్యభామ' సీరియల్‌లో లీడ్ రోల్ చేసింది.  

సోషల్ మీడియా  

ఇన్‌స్టాగ్రామ్‌లో దేబ్జానీ చాలా యాక్టివ్‌గా ఉంటుంది. సీరియల్స్‌లో ట్రెడిషనల్ చీరకట్టులో కనిపించినప్పటికీ, సోషల్ మీడియాలో మాత్రం మోడరన్ పిక్స్, రీల్స్‌తో అలరిస్తుంటుంది. నటనతో పాటు ఇటీవల సొంతంగా ఒక బిజినెస్ వెంచర్‌ను కూడా ప్రారంభించి, వ్యాపారవేత్తగా కొత్త ప్రయాణాన్ని మొదలుపెట్టింది. 

రెమ్యూనరేషన్ 

సౌత్ ఇండియన్ బుల్లితెరపై క్రేజ్ ఉన్న హీరోయిన్లలో దేబ్జానీ ఒకరు. తెలుగు సీరియల్స్‌లో లీడ్ రోల్స్ చేస్తుండటంతో, ఆమె కాల్‌షీట్ల ఆధారంగా రోజుకు సుమారు రూ.15,000 నుండి రూ.25,000 వరకు పారితోషికం తీసుకుంటారని టాక్. 

ఆసక్తికర విషయాలు 

'ఎన్నెన్నో జన్మల బంధం', 'సత్యభామ' రెండు సీరియల్స్‌లోనూ నటుడు నిరంజన్ బి.ఎస్‌తో కలిసి నటించింది మోదక్. వీరిద్దరి కెమిస్ట్రీకి బుల్లితెరపై ప్రత్యేకమైన ఫ్యాన్ బేస్ ఉంది.  కెరీర్ ప్రారంభంలో బెంగాలీ టీవీ ప్రాజెక్టులలో సరస్వతీ దేవి, సతీదేవి, ద్రౌపది వంటి దేవతల పాత్రల్లో నటించి మెప్పించింది. 'ఎన్నెన్నో జన్మల బంధం' సీరియల్‌లోని నటనకు గానూ ఉత్తమ నటి, ఉత్తమ భార్య కేటగిరీలలో ప్రాంతీయ టీవీ అవార్డులను అందుకుంది. 

మరిన్ని చదవండి

ఇల్లు ఇల్లాలు పిల్లలు సీరియల్ భద్రావతి.. దుర్గాదేవి గురించి ఆసక్తికర విషయాలు