Prema Entha Madhuram October 18th: ఆర్య కోసం ప్రాణత్యాగం చేసిన సూర్య.. పిల్లలు ఇచ్చిన గిఫ్ట్స్ కి ఆనందంతో అను!

ఆర్య కోసం సూర్య ప్రాణత్యాగం చేయడంతో సీరియల్ ఇంట్రెస్టింగ్ గా మారింది.ఈరోజు ఎపిసోడ్ లో ఏం జరిగిందో తెలుసుకుందాం.

Image Credit: zee5

Prema entha madhuram October 18th: ఈరోజు ఎపిసోడ్ లో అక్కడ ఉన్న ఎంప్లాయిస్ అందరూ బస్సు ఎక్కి వెళ్ళిపోతారు. కానీ సూర్య అప్పుడే ఆఫీసులో నుంచి పరుగెత్తుకుంటూ బయటికి వస్తాడు. ఇంతలో బస్సు అక్కడి నుంచి వెళ్ళిపోతుంది.

ఆర్య: సూర్య, నువ్వు ఇంకా బయలుదేరలేదా?

సూర్య: లేదు సార్ భోజనం అయిన తర్వాత మీ ఆఫీస్ చూస్తూ ఉండిపోయాను.. తిరిగి వచ్చేసరికి బస్సు వెళ్ళిపోయింది అని అంటాడు.

మరోవైపు షూటర్ సూర్య ని అయిమ్ చేస్తూ ఉంటాడు. ఇంతలో మాన్సి అతనికి ఫోన్ చేస్తుంది.

మాన్సి: పని ఎంతవరకు వచ్చింది?

షూటర్: సూర్య మీద అయిమ్ చేశాను మేడం. టూ మినిట్స్ లో పని అయిపోతుంది.

మాన్సి: సూర్య ని చంపితే నీకు ఎంత ఇస్తానన్నారు?

షూటర్: 50 లక్షలు.

మాన్సి: ప్లాన్ మార్చు. సూర్యని వదిలి ఆర్యని చంపితే కోటి రూపాయలు ఇస్తాను. కానీ ఈ డీల్ మనిద్దరి మధ్య ఉండాలి అని అనగా షూటర్ సరే అని చెప్పి ఫోన్ పెట్టేస్తాడు.

మరోవైపు ఆర్య తన కారులో సూర్యని దింపుతాను అని చెప్తాడు.

సూర్య: పర్వాలేదు సార్ నేను ఆటో లోనో, బస్సులోనో వెళ్ళిపోతాను.

జెండే: చాలా సంవత్సరాల తర్వాత ఇంటికి వచ్చావు నీకు ఇవేవీ తెలీవు కానీ మా కంపెనీ కార్ లో మా డ్రైవర్ డ్రాప్ చేస్తాడులే అని చెప్పగా సూర్య ఆ కార్ ఎక్కుతాడు.

కార ఎక్కిన తర్వాత ఆ షూటర్ ఆర్య వైపు అయిమ్ చేయడం చూసిన సూర్య వెంటనే కార్ దిగి ఆర్య ని తోసి తను ఆ స్థానంలో నిల్చుంటాడు. ఆ షూటర్ సూర్యని షూట్ చేస్తాడు. మూడు బుల్లెట్లు తగిలిన సూర్య వెంటనే రక్తంతో ఆర్య ఒడిలో పడిపోతాడు. జెండే వెంటనే వెళ్లి ఆ షూటర్ ని వెంబడించడానికి పరిగెడతాడు.

ఆర్య: సూర్యా! నీకేం కాదు సూర్య!!

సూర్య: లేదు సార్ పర్వాలేదు నా చావు నాకు తెలుస్తుంది. నాదేముంది సార్ కేవలం సూర్య గాడినే కానీ మీరు ఆర్యవర్ధన్. మీరు ఎన్నో మంది జీవితాలకి ఆధారం. మీరు లేకపోతే చాలామంది నష్టపోతారు. కానీ నాకు ఒక్క మాట ఇవ్వండి సార్.

ఆర్య: చెప్పు సూర్య నీకోసం ఏదైనా చేస్తాను అని ఏడుస్తూ అంటాడు.

సూర్య: 20 ఏళ్ల తర్వాత ఇంటికి వస్తున్నాను అని ఇంట్లో మా అమ్మ, చెల్లెలు అందరూ ఎదురు చూస్తూ ఉంటారు సార్. దయచేసి వాళ్ళని మీరే వెళ్లి ఓదార్చండి. అలాగే వాళ్ళకి మీరు అండగా ఉండండి వాళ్ళకి ఏమైనా జరిగితే నేను తట్టుకోలేను. వాళ్ళు క్షేమంగా మీ చేతుల్లో ఉన్నారు అని తెలిసి చచ్చిపోతాను మాట ఇవ్వండి అని అంటాడు.

ఆర్య: నేను నీకు మాటిస్తున్నాను సూర్య. నీ కుటుంబం బాధ్యత నాది అని చెప్పిన వెంటనే సూర్య తన ప్రాణాలను వీడుస్తాడు. ఆర్య అక్కడే ఏడుస్తూ చేతకాని వాడిలా ఉండిపోతాడు.

అదే సమయంలో ఇంట్లో సుగుణ, సూర్య చిన్నప్పటి ఫోటోని చూసుకుంటూ సూర్య కోసం ఎదురు చూస్తూ ఉంటుంది.

మరోవైపు అను తన ఇంటికి వస్తుంది.

అను: నేను వచ్చేసరికి లేట్ అయింది నాకోసం ఎదురు చూస్తున్నారా పిల్లలు?

అక్కి: ఎందుకమ్మా ఇంత లేట్ అయింది?

అను: నేను గుడికి వెళ్ళినప్పుడు ఒక ఆంటీకి యాక్సిడెంట్ అయింది రా. తనని హాస్పిటల్లో చేర్చి వచ్చేసరికి లేట్ అయింది సారీ.

అభయ్: మంచి పని చేసినప్పుడు ఎప్పుడూ సారీ చెప్పకూడదమ్మ. అయినా నువ్వు మాతో పదా అని అనుని ఒక గదిలోకి తీసుకెళ్తారు పిల్లలు ఇద్దరు. అక్కడ రూమంతా డెకరేట్ చేసి హ్యాపీ బర్త్డే అని కేక్ మీద రాసి ఉంటుంది.

అక్కి: హ్యాపీ బర్త్డే, మై ఏంజెల్ మామ్. అని ఒక పెద్ద చాక్లెట్ ఇస్తుంది అను.

అభయ్: హ్యాపీ బర్త్డే అమ్మ. యు ఆర్ ద బెస్ట్ మామ్ అని చెప్పి గ్రీటింగ్ కార్డు ఇస్తాడు.

అది చూసి అను ఎమోషనల్ అవుతుంది.

అను: ఏ పుణ్యం చేసుకుంటే మీరు నాకు దొరికారు రా. నా బంగారాలు మీరు అని ఇద్దరినీ దగ్గరకు తెచ్చుకొని హద్దుకుంటుంది అను.

అక్కి: అవునమ్మా నువ్వు ఇంతకీ ఏ గుడికి వెళ్లావు?

అను: ఎందుకు అక్కి అలా అగడుగుతున్నావు? 

అక్కి: లేదమ్మా ఈరోజు మాకు స్ట్రైక్ కదా అందుకే ఇంటికి వస్తున్నప్పుడు దారిలో ఫ్రెండ్ కనిపించారు. వాళ్లతో పాటు గుడికి వెళ్ళాము అక్కడ అచ్చు నీలాంటి చెప్పులే ఉన్నాయి నువ్వు కూడా అక్కడే ఉన్నావు అనుకున్నాము. నువ్వు అక్కడ ఉన్నావా అమ్మ?

అను: లేదు అక్కి. నేను ఇంకో గుడికి వెళ్లాను.

అభయ్: చెప్పాను కదా అక్కి. అమ్మలాంటి చెప్పులే చాలామందికి ఉంటాయి అది అమ్మ కాదు అని అంటాడు అభయ్.

దాని తర్వాత అను ఆనందంగా కేక్ కట్ చేసి పిల్లలు ఇద్దరికీ తినిపిస్తుంది.

మరోవైపు సుగుణ, సూర్య ఎప్పుడు ఇంటికి తిరిగి వస్తాడా అని చెప్పి ఆశగా ఎదురు చూస్తూ ఉంటుంది. ఇంతటితో ఈరోజు ఎపిసోడ్ పూర్తవుతుంది. 

Join Us On Telegram: https://t.me/abpdesamofficial