Nuvvunte Naa Jathaga Serial Today February 20th: ‘నువ్వుంటే నా జతగా’ సీరియల్‌: దేవను పొడిచిన లక్ష్మణుడు – అయోమయంలో మిథున

Nuvvunte Naa Jathaga Serial Today February 20th: భూపతిని కాపాడబోయి దేవ ప్రాణాల మీదకు తెచ్చుకోవడంతో ఇవాల్టీ ఏపిసోడ్‌ చాలా ఆసక్తిగా జరిగింది

నువ్వుంటే నా జతగా సీరియల్ టుడే ఎపిసోడ్

Source : Image Credit BY: Jio Hotstar/ Star Maa.com

Nuvvunte Naa Jathaga Serial Today Episode: హనుమంతరావు కొడుకు లక్ష్మణుడు భూపతిని కలవడానికి వెళ్తాడు. ఇంటి గేటు ముందు ఉన్న భూపతి మనుషులు ఆపేస్తారు. ఎక్కడికి వెళ్తున్నావురా అని అడుగుతారు. దానికి లక్ష్మణుడు పెద్దయ్యను కలవడానికి వచ్చానని చెప్తాడు. పెద్దయ్యతో ఏం పనిరా అని అడగ్గానే.. ఇక్కడ ఏదైనా పని దొరుకుతుందేమో అడుగుదామని వచ్చానని చెప్తాడు లక్ష్మణుడు. దూరం నుంచి లక్ష్మణుడి చూసి కాంతం షాక్‌ అవుతుంది. వీడు హనుమంతరావు కొడుకు కదా..? అనుకుని భయపడుతుంది. ఇంతలో అక్కడికి దేవా వచ్చి చూస్తుంటాడు. కాంతం మాత్రం వీడు కచ్చితంగా హనుమంతరావు కొడుకే వీడెందుకు భూపతి ఇంట్లోంకి వెళ్తున్నాడు అని భయపడుతుంది. దేవ దగ్గరకు వెళ్లి నాన్నమ్మ ఎందుకు అంత టెన్షన్‌ పడుతున్నావు.. అని అడగ్గానే.. కాంతం ఒరేయ్‌ ఆ ఇంట్లోకి ఒక పిల్లోడు వెళ్లాడురా అని చెప్తుంది.

ఆ ఇంట్లోకి ఎవరు వెళ్తే మనకు ఎందుకు నాన్నమ్మ అంటాడు. దీంతో ఓరేయ్‌ నేను చెప్పేది పూర్తిగా వినరా.. వాడు ఎవడో కాదు హనుమంతరావు కొడుకు అని చెప్పగానే.. దేవ అర్థం కాక హనుమంతరావు ఎవరే అని అడుగుతుంది. మీ తాత గారికి నమ్మిన బంటురా హనుమంతరావు. ఆ ఇంట్లో చావుకు మీ తాతగారు ఎంత కారణమో ఆ హనుమంత రావు కూడా అంతే కారణం మీ తాత మీదకు వచ్చారని హనుమంతరావును వాళ్లు పొడిచేశారు. అలాంటి హనుమంతరావు కొడుకు ఇప్పుడెందుకు ఆ ఇంట్లోకి వెళ్తున్నాడు. వాడు హనుమంత రావు కొడుకు అని తెలిస్తే.. వాణ్ని బతకనిస్తారా.. చెప్పు అంటుంది. ఇంతలో భూపతి మనుషులను కన్వీన్స్‌ చేసి లక్ష్మణుడు లోపలికి వెళ్తాడు. దేవ కంగారుగా నాన్నమ్మ నేను ఇప్పుడే వస్తాను ఉండు అంటూ ఆ గేటు దగ్గరకు వెళ్తాడు. అక్కడికి వెళ్లగానే.. భూపతి మనుషులు దేవను గేటు దగ్గర నుంచి తోసేస్తారు. వాళ్లను తోసేసి దేవ లోపలికి వెళ్లి గేటు క్లోజ్‌ చేసి లోపలికి పరుగెడతాడు. ఇంతలో లోపలకి వెళ్లిన లక్ష్మణుడు తన బ్యాగులోంచి కత్తి తీసి భూపతిని పొడవబోతుంటే.. దేవ వెళ్లి అడుపడతాడు. కత్తి దేవా పొట్టలోకి దూసుకెళ్తుంది.

అప్పుడే అందరూ వస్తారు.. భూపతి మనుషులు వచ్చి లక్ష్మణుడిని కొట్టబోతుంటే.. దేవ పక్కకు తీసుకెళ్లి ఎందుకురా ఆ పెద్దాయనను చంపాలనుకున్నావు అని అడుగుతాడు. పెద్దాయన కాదు మా నాన్నను పొట్టన పెట్టుకున్నాడు మమ్మల్ని తండ్రి లేన వాణ్ని చేశాడు. ప్రాణభయంతో మా అమ్మ మమ్మల్ని తీసుకుని ఊరొదిలిపోయింది. వీణ్ని చంపితేనే మా నాన్న ఆత్మ శాంతించదు.. అంటూ చెప్పగానే.. దేవ వాడిని తిట్టి ఏంట్రా నువ్వు చంపేది ఒక ప్రాణం పోయడానికి తల్లి తన ప్రాణాలను కూడా లెక్కచేయదు.. అంటూ లక్ష్మణుడిని తిట్టి తల్లి గొప్పదనం గురించి చెప్తూ.. కింద పడబోతుంటే.. మిథున వచ్చి  దేవను  బయట తీసుకెళ్తుంది. వెంటనే కాంతం పరుగెత్తుకుంటూ వస్తూ ఏడుస్తుంది. ఏమైందని మిథుననను అడగ్గానే.. జరిగింది చెప్తుంది మిథున. అందరూ కలిసి దేవాను హాస్పిటల్‌కు తీసుకెళ్తారు. దేవ హాస్పిటల్‌లో ట్రీట్‌మెంట్‌ చేసిన తర్వాత  దేవ హాస్పటల్‌కు వాళ్ల నాన్న రాలేదని బాధపడుతుంటాడు. మిథున ఓదారుస్తుంది. తర్వాత మిథున కోపంగా దేవ వాళ్ల నాన్న దగ్గరకు వెళ్లి తిడుతుంది. నీ కొడుకు మీద నీకు ప్రేమ లేదా..? అంటూ నిలదీస్తుంది. ఇంతలో ఇవాల్టీ ఏపిసోడ్‌ అయిపోతుంది.