Nindu Noorella Saavasam December 27 Episode: 'నిండు నూరేళ్లు సావాసం' సీరియల్: ఒక ఒప్పందానికి వచ్చిన ఘోర, మనోహరి - నీల ప్రవర్తన చూసి షాకైన అరుంధతి!

Nindu Noorella Saavasam Today Episode: అరుంధతి ఆత్మని బంధించే విషయంలో ఘోర, మనోహరి ఒక ఒప్పందానికి రావడంతో కథలో కీలక మలుపులు చోటు చేసుకుంటాయి.

Image Credit: zee5

Nindu Noorella Saavasam Today Episode: హంతకుడిని పట్టుకోవడానికి పరిగెడతారు అమర్, రాథోడ్. అయితే హంతకుడు చిక్కినట్టే చిక్కి అమర్ కళ్ళల్లో ఇసుక కొట్టి పారిపోతాడు.

మరోవైపు మనోహరి హంతకుడు అమర్ కి దొరికిపోయాడేమో అని కంగారుపడుతూ ఉంటుంది. అదే సమయంలో ఘోర అరుంధతి ఇంటికి వస్తాడు. ఈ ఇంట్లో నాకు ఎవరో సాయం చేస్తారు అని దొర చెప్పాడు ఎవరై ఉంటారా అని బయటే నించుని చూస్తూ ఉంటాడు. అనుకోకుండా మనోహరి వాడిని చూస్తుంది.

మనోహరి: అతనితో మాట్లాడటానికి బయటికి వచ్చి నువ్వే కదా మొన్న మా ఇంటికి వచ్చింది అంటుంది.

ఘోర: నేను కాదు నాకు ఏమీ తెలియదు అంటూ అక్కడ నుంచి పరిగెడతాడు.

మనోహరీ పరిగెట్టటం చూసిన చిత్రగుప్తుడు ఆమెని వెంబడిస్తాడు.

మనోహరి : నీతో మాట్లాడాలి ఆగు అని ఘోర ని ఆపుతుంది. అయినా ఆగకుండా వెళ్ళిపోతున్న ఘోరతో నీకు కావాల్సింది పొందటానికి నేను సాయం చేస్తాను అంటుంది.

ఘోర : ఒకసారిగా ఆగి వెనక్కి తిరిగి మనోహరి దగ్గరికి వచ్చి నిజంగా సాయం చేస్తావా అని అడుగుతాడు.

మనోహరి : నిజంగానే సాయం చేస్తాను కానీ ఆ ఇంట్లో నిజంగానే ఆత్మ ఉందా, పదిరోజుల తర్వాత  ఆత్మ వెళ్ళిపోతుంది అంటారు కదా అని అనుమానం గా అడుగుతుంది.

ఘోర : మామూలుగా అయితే వెళ్ళిపోవాలి కానీ ఈ ఆత్మ ఎందుకో ఇక్కడే ఉంది. నాకు కారణం తెలియదు కానీ పిల్లలు చుట్టూ తిరుగుతుంది.

మనోహరి : అది అరుంధతి ఆత్మే అని గ్రహించి ఆత్మని బంధించి తీసుకొని వెళ్ళిపో అంటుంది.

ఘోర : ఎలా.. ఆ ఆత్మ ఆ ఇంట్లో ఉన్నంతకాలం నేను బంధించలేను.

మనోహరి : ఆత్మ ని బయటకు వచ్చేలాగా నేను చేస్తాను బంధించే ఏర్పాట్లు నువ్వు చేసుకో అని చెప్పి అక్కడి నుంచి వెళ్ళిపోతుంది.

ఇదంతా చూస్తున్న చిత్రగుప్తుడు కూటములన్నీ ఒకటవుతున్నాయి ఈ ప్రమాదం నుంచి బాలిక ఎలా బయటపడుతుందో అనుకుంటాడు.

మరోవైపు గార్డెన్లో కూర్చుని మాట్లాడుకుంటూ ఉంటారు మనోహరి, మిస్సమ్మ. మిస్సమ్మ కుటుంబ బాధ్యతలు గురించి మాట్లాడుతూ ఉంటే అరుంధతి ఎమోషనల్ అవుతూ ఉంటుంది.

మిస్సమ్మ : సరదాగా మాట్లాడదామని వస్తే మిమ్మల్ని ఏడిపిస్తున్నాను అంటుంది. అంతలో నీల రావటం చూసి మొన్న పక్కింటి ఆవిడని పరిచయం చేయలేదు అన్నారు. ఇప్పుడు పరిచయం చేస్తాను అనుకొని నీలని పిలిచి అరుంధతిని పరిచయం చేస్తుంది.

అరుంధతి: నిజం తెలిసిపోతుందేమో అనుకొని కంగారు పడుతుంది.

నిజానికి అక్కడ నీలకి ఎవరూ కనిపించరు కానీ ఉన్నట్లుగానే పలకరించి అక్కడ నుంచి వెళ్ళిపోతుంది.

అరుంధతి: నేను నీలకి కనిపించను కదా ఆ విషయం మిస్సమ్మ కి ఎందుకు చెప్పలేదు ఇక్కడ ఏదో జరుగుతుంది అనుకుంటుంది.

మరోవైపు ఎలక్షన్స్ లో ఎందుకు పోటీ చేశారు, క్లాసులో ఎవరికి ఇంకా మీకు తెలియనే తెలీదు ఏ కాన్ఫిడెన్స్ తో పోటీకి పేరిచ్చారు, ఏదో లక్కు వల్ల ఎంట్రెన్స్ ఎగ్జామ్ పాస్ అయ్యావు, దానికి అంత ఓవర్ కాన్ఫిడెన్సా అంటూ  అంజు ని మందలిస్తుంది ప్రిన్సిపల్.

అంజు: నేను లక్కు వల్ల పాస్ అయ్యానా అంటూ  కోపంతో ఊగిపోతుంది. ఆపోజిట్ గా పోటీ చేసే అబ్బాయి మీ ఫ్రెండ్ కొడుకు అంట కదా, మీ సపోర్ట్ కూడా ఆ అబ్బాయికే అంట కదా  బయట మాట్లాడుకుంటున్నారు అంటుంది.

ప్రిన్సిపల్: అంటే అన్నీ తెలుసుకొనే పేరిచ్చారన్న మాట అని కోపంగా అంటుంది. ఇంతటితో ఈరోజు ఎపిసోడ్ పూర్తవుతుంది.