(Source: ECI/ABP News/ABP Majha)
Nindu Noorella Saavasam Serial Today September 25th: ‘నిండు నూరేళ్ల సావాసం’ సీరియల్: అమర్ తో వెళ్లిపోయిన భాగీ – నిజం తెలుసుకున్న నిర్మల, శివరాం
Nindu Noorella Saavasam Today Episode: భాగీని అమర్ రిసార్ట్ కు తీసుకెళ్తున్నాడని బాబ్జీ చెప్పడంతో మనోహరి బాధపడుతుంది. దీంతో ఇవాళ్టీ ఎపిసోడ్‌ చాలా ఆసక్తిగా జరిగింది.
Nindu Noorella Saavasam Serial Today Episode: రెడీ అయి కిందకు వచ్చిన భాగీని చూసిన అమర్ షాకింగ్‌ గా లేచి అచ్చం మీ అక్కలాగే ఉన్నావు మిస్సమ్మ అంటాడు. దీంతో అందరూ షాక్‌ అవుతారు. మా అక్కలాగా ఉన్నానా..? అంటూ భాగీ అడగ్గానే అదే ఆరును అక్కా అంటావు కదా? అందుకే అలా అన్నాను అంటాడు అమర్. ఇంతలో నీకు కంఫర్ట్‌ గానే ఉందిగా పరిగెత్తడానికి అని అమర్ అడగగానే భాగీ షాకింగ్‌ చూస్తుంది. నిజం చెప్పండి నన్ను బయటకు అని చెప్పి ఏ మిలటరీ కాంపుకో తీసుకెళ్లడం లేదుగా అంటూ అనుమానంగా అడుగుతుంది. ఏం లేదని అమర్ బయటకు వెళ్లిపోతాడు. భాగీ కూడా బయటకు వెళ్తుంది. ఆరు వస్తుంది.
ఆరు: మిస్సమ్మ.. ఆగు..
భాగీ: అక్కా నేను మా ఆయన బయటకు వెళ్తున్నాం. ఈవెనింగ్‌ వచ్చాక కలుస్తాను. బై.. ఆ ఈవెనింగ్‌ కాదు కానీ నైట్‌ వచ్చాకా కలుస్తాను. … ఆ నైట్‌ కూడా కాదు కానీ పొద్దున్నే కలుస్తాను
ఆరు: అంటే రేపు పొద్దునే వరకు రారా? నువ్వెందుకు ఇంతలా సిగ్గుపడుతున్నావు.
భాగీ: అంటే ఆయన ఏం ప్లాన్‌ చేశారో తెలియదు కదా? రాత్రే రావొచ్చు. లేదా? రాత్రంతా కలిసి ఉండి పొద్దునే రావొచ్చు. నాకు మాత్రం ఏం తెలుస్తుంది చెప్పు.
ఆరు: నో నేను ఒప్పుకోను..
భాగీ: నేను మా ఆయనతో కలిసి ఉంటానంటే మీరెందుకు ఒప్పుకోరు అక్కా..?
ఆరు: ఒప్పుకోను అంటే అది నువ్వు లేకుంటే ఇల్లు బోసి పోతుంది కదా? బాగోదు కదా? అంటున్నాను.
భాగీ: నాకు మాత్రం ఆయనతో వెళ్తుంటే అది తెలియకుండా వెళ్తుంటే చాలా బాగుంది.
అంటూ మెలికలు తిరుగుతుంది భాగీ. ఇంతలో ఆరు తల బాదుకుంటుంది. భాగీ బై చెప్పి వెళ్తుంది. కారు దగ్గరకు వెళ్లగానే రాథోడ్ గన్‌ తీసి అమర్ కు ఇస్తుంటాడు. అది చూసి భాగీ బయపడుతుంది. రాథోడ్ ను అడిగితే సేఫ్ సైడ్‌ కు అని చెప్తాడు. అమర్, భాగీ వెళ్లిపోతారు. రాథోడ్ టెన్షన్‌ తో అటూ ఇటూ తిరుగుతుంటాడ. నిర్మల, శివరాం వస్తారు.
శివరాం: రాథోడ్ రైతు బజారుకు వెళ్లాలి కారు తీయ్‌… రాథోడ్ ఉండవయ్యా రైతు బజారుకు వెళ్లాలి కారు తీయ్‌ అంటే తియ్యవేంటి?
రాథోడ్: అది అది నేను చెప్పలేను సార్‌.
నిర్మల: ఎందుకు చెప్పలేవు..
రాథోడ్: మా సార్‌ చెప్పారు కాబట్టి.. డ్యూటీకి అన్యాయం చేయలేను కాబట్టి.
శివరాం: కోడల్ని బయటకు తీసుకుపోవడానికి డ్యూటీకి ఎంటయ్యా సంబంధం.
నిర్మల: నిజం చెప్పు రాథోడ్ అమర్, మిస్సమ్మను బయటకు ఎందుక తీసుకెళ్లాడు.
అని నిర్మల అడగ్గానే రాథోడ్ జరిగింది మొత్తం చెప్తాడు. దీంతో ఆరు బాధగా ఆయన భాగీని ఎరగా తీసుకెళితే భాగీ మాత్రం చాలా హ్యాపీగా వెళ్లిపోయిందా? అనుకుంటుంది. నిర్మల, శివరాం ఇద్దరూ కలిసి ఏదో ఒకటి చేసి విషయం మిస్సమ్మకు చెప్పండి అంటారు. అది కుదరదు అంటాడు రాథోడ్. మారు వేషంలో వెళ్లి భాగీకి నిజం చెప్పు అని శివరాం చెప్పగానే సరే అని రాథోడ్ వెళ్లిపోతాడు.
మరోవైపు భాగీ సంతోషంగా అమర్‌తో పాటు కారులో వెళ్తుంది. కారును అరవింద్‌ ఫాలో చేస్తుంటాడు. మరోవైపు మనోహరి రూంలోకి వెళ్లిన ఆరు మనోహరిని తిడుతుంది. బాబ్జీ ఇంకా ఫోన్‌ చేయలేదని ఎదురుచూస్తుంది మను. ఇంతలో బాబ్జీ ఫోన్‌ చేసి అమర్, భాగీని రిసార్ట్స్‌ కి తీసుకెళ్తున్నాడని చెప్పగానే మనోహరి ఏడుస్తుంది. లోకేషన్‌ నాకు షేర్‌ చేయి నేను అక్కడకు వస్తాను అని చెప్తుంది మనోహరి. దీంతో ఇవాళ్టీ ఎపిసోడ్‌ అయిపోతుంది.
ALSO READ: పొరపాటున కూడా ఇప్పుడు ఉప్పు, బట్టలు లాంటి వస్తువులు కొనద్దట!
టాప్ హెడ్ లైన్స్
ట్రెండింగ్ వార్తలు
