Nindu Noorella Saavasam Serial Today November 18th: ‘నిండు నూరేళ్ల సావాసం’ సీరియల్‌: యముడిని ఇరకాటంలో పెట్టిన ఆరు – అయోమయంలో నారదుడు

Nindu Noorella Saavasam serial Today Episode November 18th:  నారదుడికి ఆరు నిజం చెప్పడంతో యముడు అయోమయంలో పడిపోతాడు. దీంతో ఇవాళ్టీ ఏపిసోడ్‌ చాలా ఆసక్తిగా జరిగింది.

నిండు నూరేళ్ల సావాసం సీరియల్ టుడే ఎపిసోడ్

Source : Image Credit: ZEE5.com

Nindu Noorella Saavasam Serial Today Episode:  నారదుడికి ఆరు నిజం చెప్పడంతో కోపంగా యముడి దగ్గరకు వెళ్తాడు నారదుడు.. కోపంగా తన వైపే వస్తున్న నారదుడిని చూసి అనుమానిస్తాడు యముడు.

నారదుడు: సమవర్తి…

యముడు:  నారదుల వారికి నమస్కారం.. ఏమిటీ  మీ దృష్టి మరల మా వైపు మరలినది

నారదుడు: ఎంత వంచన చేసితివి సమవర్థి నాకే అసత్యం చెప్పితివా..?

యముడు: ఏమిటీ మేము మిమ్ములను వంచించితిమా..? మీతో అసత్యం ఆడితిమా..? ఏమిటి మహర్షి మాతోనే పరిహాసమా..?

నారదుడు: పరిహాసం ఆడునది తమరా..? మేమా..? న్యాయ, అన్యాయ విచారణ అధికారివి మీరు ఇటుల చేయుట అసలు తగదు.. ఒక మానవ కాంత దేవకన్య అని ఇంద్ర కన్య ఇంద్రజ అని చెప్పితివి..

యముడు షాక్

యముడు: అటువంటిది ఏమియూ లేదు మహర్షి మీతో ఎవరు చెప్పిరి

నారదుడు: ఇంకెవరో చెబితే మేము ఎందులకు అడిగెదము..? ఆ బాలికే స్వయంగా చెప్పినది.. నీ బండారం బయట పడినది యమధర్మరాజా..? ఇప్పుడే మీ గురించి ముల్లోకములలో చాటింపు వేయించేదను.. మహేంద్రుడి సభలో పంచాయతీ పెట్టి మిమ్మల్ని విచారణకు అక్కడికి పిలిపించి మిగతా దిగ్పాలకుల ముందు మీ పరువు, పదవి తీయించెదను

యముడు: ( మనసులో)  బాలిక మాకు ఎంతటి సంకటము తెచ్చితివి..మా కిరీటము మా ఆసనమునకే ఎసరు తెచ్చితివా..? ఇప్పుడు ఏమి చేయవలె..

నారదుడు: యమధర్మరాజా..? మీరు చేసిన ఈ తప్పిదమునకు తగిన మూల్యము చెల్లించుటకు సిద్దముగా ఉండుము.. ఇక ఈ రౌరమునకు మీరు ఎంత మాత్రము ప్రభువగా కొనసాగలేరు..

యముడు భయపడుతుంటాడు. చాటు నుంచి వింటున్న ఆరు యముడికి హెల్ప్‌ చేయాలనుకుంటుంది. నవ్వుతూ వాళ్ల దగ్గరకు వెళ్తుంది.

ఆరు: యమధర్మరాజుల వారు మీరు ఓడితిరి నేను గెలిచితిని..

అని చెప్పగానే యముడు అర్థం కాక అటూ ఇటూ చూస్తుంటాడు. ఆరు సైగ చేస్తుంది.

యముడు: అవును తల్లి మీరే గెలిచితిరి మేము ఓడితిమి..

నారదుడు: యమధర్మరాజా ఈ గెలుపు ఓటములు ఏమి..?

ఆరు: ఏమీ లేదు నారదుల వారు మేము దేవకన్య కాదు మానవ కాంత అని మీతో అసత్యం ఆడినచో మీరు నమ్మరు అని యమధర్మరాజుల వారు అన్నారు.. నమ్మిస్తాను అని నేను పందెం కాసితిని మీరు నమ్మేసిరి నేను గెలిచినట్టే కదా..?

యముడు: బలే దానికి బాలిక నారదుల వారు త్రిలోక సంచారి . నువ్వు దేవకన్యవు అని ఇంద్రుడి కుమార్తె ఇంద్రజవు అని వారికి తెలియదా ఏమి. ఏదో నీ సంతోషం కోసం  కాస్త నమ్మినట్టు నటించారు అంతే.. అంతే కదా మహర్షి

నారదుడు: అవును…మీరు చెప్పినది నేను నమ్మలేదు ఇంద్రజ. నీ దగ్గర నేను నమ్మినట్టు నటించితిని.. ఈ యమధర్మరాజును కాసేపు ఆట పట్టించుచుంటిని..

యముడు: మహర్షి రాను రాను ఇంద్రజ అల్లరి పిల్ల అవుతుంది

అవును అవును ఇక నాకు మీ లోకమునకు సెలవు అంటూ నారదుడు వెళ్లిపోతాడు. యముడు.. ఆరును బతికించితివి బాలిక అంటూ అక్కడి నుంచి వెళ్లిపోతాడు. ఇంతలో ఇవాళ్టీ ఏపిసోడ్‌ అయిపోతుంది.