Nindu Manasulu Serial Today may 7th: నిండు మనసులు: ప్రేరణ, సిద్ధూల ఫస్ట్‌నైట్‌కి ముహూర్తం ఫిక్స్! అసలు మంచం ఎందుకు విరిగింది?

Nindu Manasulu Serial Today may 7th సిద్ధూ ప్రేరణల తొలిరేయి కోసం తన ఇంటికి పంపమని ఇందిర మంజుతో చెప్పడంతో ఇవాళ్టి ఎపిసోడ్ ఆసక్తికరంగా మారింది.

నిండు మనసులు సీరియల్ టుడే ఎపిసోడ్

Source : https://www.hotstar.com/

Nindu Manasulu Serial Today Episode ప్రేరణ మల్లెపూలు పెట్టుకొని పడుకొని ఉంటే.. సిద్ధూ సోఫా మీద పడుకుంటాడు. ఇంతలో సిద్ధూ అంతరాత్మ వచ్చి ప్రేరణ పక్కన కూర్చొంటుంది. అంతరాత్మ సిద్ధూతో తనని ప్రేమించావ్.. అనుకోకుండా పెళ్లి చేసుకున్నావ్.. తన తల్లిని ఎవరైనా ఏమైనా అంటే ఎవరైనా ఊరుకుంటారా.. తన స్థానంలో నువ్వు ఉండి ఆలోచించరా.. నీకే అర్థం అవుతుందని అంటాడు. తను చేసిన పని వల్ల మా అమ్మ నన్ను అసహ్యించుకుంది.. నాతో మాట్లాడటం లేదు అని సిద్ధూఅంటాడు. అయితే మీ అమ్మని మార్చారా అంతే కానీ ఆ అమ్మాయి మనసు ఎందుకు బాధ పడతావ్ అని అంతరాత్మ అడుగుతుంది. అయినా నీ విషయంలో తను తప్పు చేసింది అంటున్నావ్.,. మరి తన పర్మిషన్ లేకుండా నువ్వు తాళి కట్టేశావ్.. నీ కోసం తన వాళ్లని వదిలేసి వచ్చేసింది.. నీ భార్యగా తను నీకు దగ్గరవుతుంటే నువ్వు తనని పరాయిమనిషిలా చూస్తున్నావ్.. నువ్వు తనని ప్రేమించుంటే మర్చిపోయే వాడివి.. ప్రేరణ నీకు గ్రీన్ సిగ్నల్ ఇచ్చింది.. నీ కోసం అంత అందంగా రెడీ అయింది అని అంటాడు.

సిద్ధూ ఆత్మతో అయితే ఏం చేయాలి,, అని అడుగుతాడు. ఏం చేయకురా కాసేసు తనని అలా చూస్తూ ఉండు అని చెప్తాడు. సర్లే నీ వల్ల కాదు అని అంతరాత్మ ప్రేరణ పక్కనే పడుకొని పూల వాసన చూస్తూ ప్రేరణని ముట్టుకోవాలని చూస్తే సిద్ధూ వద్దని బెడ్ మీద గెంతుతాడు. మంచం విరిగిన సౌండ్ విజయానంద్‌కి వినపడి ఏంట్రా మంచం విరిగిపోయింది అంటే సిద్ధూ బాబు గదిలో నుంచే సార్ అని విశ్వాసం అంటాడు. మంచం విరిగిపోవడం ఏంట్రా అని విజయానంద్ నోరెళ్ల పెడతాడు. ఉదయం సిద్ధూ డల్‌గా నీరసంగా వచ్చి హాల్‌లో అందరి దగ్గర కూర్చొంటాడు. తర్వాత ప్రేరణ కూడా వస్తుంది. ప్రేరణ మేడ మీద నుంచి మంచం తీసుకురమ్మని కూలీలకు చెప్తుంది. ఏమైంది మేడం అని విశ్వాసం అడిగితే రాత్రి మంచం విరిగిపోయింది అని అంటుంది. 

విశ్వాసం, విజయానంద్ నోరెళ్లబెడతారు. ప్రేరణ సాహితితో రాత్రి అంతా నిద్ర లేదు కాఫీ ఇస్తావా అని అడుగుతుంది. విజయానంద్ మంజుతో చూశావా ఏదో కోటకి రాణి అయినట్లు ఎలా చేస్తుందో అంటాడు. సాహితి సిద్దూ కోసం కాఫీ తెస్తే ప్రేరణ తీసుకొని రాత్రంతా నాకు నిద్ర లేదు..నాకు ఇవ్వు అని అంటుంది. ఏమైంది అని సాహితి అడిగితే మీ అన్నయ్య నిద్ర పోనివ్వలేదు.. అదంతా నీకు అర్థం కాదు వెళ్లి ఇంకో కాఫీ తీసుకురా అని అంటుంది. ప్రేరణ అందరి ముందు రాత్రి ఇద్దరి మధ్య ఏదో జరిగినట్లు ప్రవర్తిస్తుంది. సిద్ధూ ఇబ్బందిగా ఫీలవుతాడు. విజయానంద్ మాత్రం షాకింగ్‌గా  చూస్తాడు. మంజు తల పట్టుకుంటుంది. కొత్త జంట కొత్త మంచి స్ట్రాంగ్‌గా ఉండేది తెప్పించండి సార్ అని పని వాళ్లు చెప్తారు. ఆ మాటలకు మంజు ఇబ్బందిగా ఫీలై గదిలోకి వెళ్లిపోతుంది. విశ్వాసం ఆ  మంచం కొంచెం త్వరగా వచ్చేలా చూడు లేకపోతే నాకు నిద్ర పట్టదు అని ప్రేరణ అంటుంది. ఆవిడ ఇన్‌డైరెక్ట్‌గా మీకే చెప్పింది సార్ అని విశ్వాసం అంటాడు. 

ప్రేరణ భోజనానికి అన్నీ ఏర్పాట్లు చేస్తుంటుంది. ఇంతలో సాహితి వచ్చి ఏం సాయం చేయాలి అంటే అన్నీ అయిపోయావి.. అందర్నీ పిలిచేయ్ అంటుంది. సాహితి అమ్మానాన్నలను పిలుస్తుంది. ప్రేరణ సిద్ధూని చూసి తినడానికి పిలుస్తుంది. ఈ రోజు మీ అందరికీ ఇష్టమైన వంటలు చేశాను అని అంటుంది. ఇంతలో ఇందిర, ఐశ్వర్య వస్తారు. ఇందిర విష్ చేసినా మంజు ఏం అనదు.. మీరు కరెక్ట్‌గా భోజనం టైంకి వచ్చారు.. ఎంత మంది వచ్చినా మేం పెట్టగలం అని విజయానంద్ అంటాడు. ఆంటీ మీకు భోజనానికి వచ్చాను అని చెప్పారా.. భోజనానికి తప్ప నీ నోరు ఎందుకు తెరవొద్దు అని అంటాడు సిద్ధూ. ఇక ఇందిర నేను తినేసి వచ్చా.. ప్రేరణ సిద్ధూలకు పెళ్లి అయితే అయింది కానీ దాని తర్వాత కార్యాలు జరగలేదు.. పెళ్లి తర్వాత శోభనం జరిపించాలి.. కార్యం జరిపించకుండా ఎక్కువ రోజులు ఉంచకూడదు..మీరు ఒప్పుకుంటే అల్లుడు, కూతుర్ని మా ఇంటికి తీసుకెళ్తా అని అంటుంది. విజయానంద్ మనసులో ఇది కానీ జరిగితే నా పని ఇంకేమైనా ఉందా.. అనుకొని ఇప్పుడు దానికి అంత అర్జెంట్ ఏం ఉంది లెండీ.. అసలు వాళ్ల మధ్య సఖ్యతే లేదు., ఇలాంటి టైంలో ఈ కార్యం అవి ఎందుకు లెండీ అని విజయానంద్ అంటాడు. 

ఇందిర వాళ్లతో మీరే చెప్పారు కదా వాళ్ల మధ్య సక్యత లేదు అని అందుకే వాళ్లని మనం కలపాలి.. ఆడపిల్ల జీవితం భార్య దగ్గరే ఆగిపోకూడదు.. తల్లి కూడా అవ్వాలి .. అదే ఓ తల్లిగా నేను కోరుకునేది అని ఇందిర అంటుంది. మంజుల ఇందిరతో చూడండి మీకు ఆ రోజే చెప్పాను.. మీ కూతురి మీద మీకు అన్ని హక్కులు ఉంటాయి. వాటిని కాదు అనడానికి మేం ఎవరు.. అలాంటప్పుడు అన్నీ దగ్గరుండి చేయడం మాకు అవసరం లేదు,.. అన్నీ మీరే చేసుకోండి.. నేను వాళ్ల విషయంలో ఎలాంటి హద్దులు పెట్టుకోవాలని అనుకోలేదు.. వాళ్లు నాకు అంత విలువ ఇచ్చుంటే చెప్పకుండా పెళ్లి చేసుకునే వాళ్లు కాదు.. పెళ్లి చేసుకున్న తర్వాత దూరం చేయాలి అన్న ఆలోచన నాకు లేదు.. వాళ్లు వస్తారు అంటే మీరు తీసుకెళ్లండి అని అంటుంది. సిద్ధూ ఇందిరతో ఆంటీ మీరు మీ కూతురిని తీసుకెళ్లండి నేను నా నిర్ణయం ఆలోచించి చెప్తా.. ఇది తొందర పడి తీసుకునే నిర్ణయం కాదు అని అంటాడు. ప్రేరణ వెళ్దామా అని ఇందిర అంటుంది. 

ప్రేరణ మంజుతో మేడం పుట్టింటి నుంచి మా అమ్మ పిలిచినా మీ పర్మిషన్ తీసుకోకుండా వెళ్లడం కోడలిగా అది కరెక్ట్ కాదేమో.. నన్ను వెళ్లమంటారా అని అడుగుతుంది. నేను ఇందాకే చెప్పా కదా మీ ఇష్టం నన్ను అడగాల్సిన పని లేదు అని మంజు వెళ్లిపోతుంది. మామయ్య గారు మీరు ఏమంటారు అని ప్రేరణ అడిగితే నేను ఏం చెప్పినా ఎవరు పట్టించుకుంటారు మీ ఇష్టం అని అంటాడు. సాహితి నేను వచ్చే వరకు మేడంని చూసుకో అని ప్రేరణ అంటుంది. ఇక తర్వాత సిద్ధూతో మీరు వస్తారని వెయిట్ చేస్తుంటా అని అంటుంది. సిద్ధూ మనసులో నిన్ను ఇలా కాదే.. మా ఇంటి దగ్గర కాబట్టి రెచ్చిపోయావ్,,. నిన్ను నీ ఇంటి దగ్గర చుక్కలు చూపిస్తా అని అనుకుంటాడు. ప్రేరణ పుట్టింటికి వెళ్లిపోతుంది. ఇందిర పూలు, పళ్లు, స్వీట్స్ అని హడావుడి చేస్తుంటుంది. అమ్మా ఎందుకు ఇంత హడావుడి చేస్తున్నావ్ అని ప్రేరణ అడిగితే ఫస్ట్‌నైట్ అంటే ఆ మాత్రం చేయాలి కదా.. పైగా అల్లుడు గారు గొప్పింటివాడు కదా అంటుంది. దానికి ప్రేరణ ఆయన అస్సలు రారు అని అంటుంది. దీంతో ఇవాళ్టి ఎపిసోడ్ పూర్తయిపోతుంది. 

మరిన్ని చదవండి

చిన్ని సీరియల్: లోహి తన చెల్లి అని చందు వరుణ్‌కి చెప్పేస్తాడా! చావు బతుకుల మధ్య ఉన్న శ్రేయ మెడలో మ్యాడీ తాళి కడతాడా!

ఇల్లు ఇల్లాలు పిల్లలు: కన్నీటి సాక్షిగా తల్లిని నిలదీసిన వల్లీ! ప్రేమ నగలు తాకట్టు గుట్టురట్టు!