ఒక సాధారణ ఆరోగ్యవంతుడైన వ్యక్తి రోజుకు తాను తీసుకునే మొత్తం కేలరీలలో చక్కెర 5% నుండి 10% కంటే మించకూడదు.

పురుషులు రోజుకు గరిష్టంగా 9 టీస్పూన్ల (సుమారు 36 గ్రాములు) కంటే ఎక్కువ చక్కెర తీసుకోకూడదు.

మహిళలు రోజుకు 6 టీస్పూన్లు అంటే (సుమారు 25 గ్రాములు మించి చక్కెర తీసుకోకూడదు.

2 నుండి 18 ఏళ్ల లోపు పిల్లలు రోజుకు 6 టీస్పూన్ల కంటే తక్కువ చక్కెర తీసుకోవాలి.

రెండేళ్ల లోపు పిల్లలకు అస్సలు చక్కెర ఇవ్వకపోవడమే మంచిది.

మనం కాఫీ, టీలలో వేసుకునే చక్కెరతో పాటు బిస్కెట్లు, శీతల పానీయాలు, చాక్లెట్లలో ఉండే 'యాడెడ్ షుగర్స్' గురించి పక్కాగా లెక్క ఉండాలి.

చక్కెర ఎక్కువగా తీసుకోవడం వల్ల శరీరంలో ఇన్సులిన్ స్థాయిలు పెరిగి, అది కొవ్వుగా మారుతుంది.

చక్కెర అతిగా వాడితే రక్తపోటు పెరిగి గుండె జబ్బులు వచ్చే ప్రమాదం ఉంది.

నిరంతరం చక్కెర ఎక్కువగా తీసుకోవడం వల్ల ప్యాంక్రియాస్‌పై ఒత్తిడి పడి, టైప్-2 మధుమేహం వచ్చే అవకాశం ఉంది.

పంచదారకు బదులుగా బెల్లం, తేనె లేదా ఖర్జూరం వంటి సహజ తీపి పదార్థాలను మితంగా వాడటం ఆరోగ్యానికి మేలు చేస్తుంది.