Lakshimi Raave Maa Intiki Serial Today March 19th:మ్యాడీ,లక్ష్మీ భార్యాభర్తలని తెలుసుకున్న త్రిష...శ్రీలక్ష్మీని వదిలించుకునేందుకు మ్యాడీ చెప్పిన అబద్ధం ఏంటి..?

Lakshimi Raave Maa Intiki Serial Today Episode March 19th: మ్యాడీ,లక్ష్మీ భార్యాభర్తలని తెలుసుకున్న త్రిష...శ్రీలక్ష్మీని వదిలించుకునేందుకు మ్యాడీ చెప్పిన అబద్ధం ఏంటి..?

లక్ష్మీ రావే మా ఇంటికి టుడే ఏపిసోడ్

Source : Jio Hotstar/ Star Maa.com

Lakshimi Raave Maa Intiki  Serial Today Episode: ఫ్రెషర్స్‌ డే ఫంక్షన్‌లో అద్భుతమైన స్వీచ్‌ ఇచ్చిన శ్రీలక్ష్మీని అధ్యాపకులతోపాటు అందరూ అభినందిస్తుంటే...తన భర్త మ్యాడీ మాత్రం విషెష్‌ చెప్పలేదని అతని వెంటపడి శ్రీలక్ష్మీ ఆటపట్టిస్తుంది. కాలేజీ మొత్తం పరిగెత్తిస్తూ ఎట్టకేలకు మొగుడితో విషెష్‌ చెప్పించుకుంటుంది. అది చూసిన త్రిష చాలు ఉడుక్కుంటుంది.ఈ ఎర్రబస్సును ఎలాగైనా మ్యాడీకి దూరం చేయాలని భావిస్తుంది. శ్రీలక్ష్మీ దగ్గర ఉన్న మ్యాడీని పక్కకు లాక్కుని వెళ్తుంది. ఏంటని మ్యాడీ త్రిషను ప్రశ్నించగా....నువ్వు అంటే నాకు చాలా ఇష్టమని చెబుతుంది.

 

అది అందరికీ తెలుసు కదా నువ్వు అంటే కూడా నాకు చాలా ఇష్టమేనని అంటాడు. ఆలా కాదాని నేను నిన్ను ప్రేమిస్తున్నానని చెప్పడంతో మ్యాడీ బిగ్గరగా నవ్వి...ఇప్పటి వరకు నేను విన్న జోక్‌లో ఇదే హైలెట్‌ అని అంటాడు. దీంతో త్రిష జోక్‌ కాదని చాలా సీరియస్‌గా చెబుతున్నానని అంటుంది. ఆ మాటలు విన్న మ్యాడీ ఇప్పుడు ఏమైందని...మనం చాలా మంచి ప్రెండ్స్‌గా ఉన్నాం కదా ఇప్పుడు ఈ లవ్‌ ఎందుకుని అంటాడు. నేను హీరో అవ్వడమే నాలక్ష్యమని...నాకు ఈ లవ్‌లాంటివి పడవని అంటాడు. నేను కూడా ఇప్పటి వరకు దీని గురించి ఆలోచించలేదని...కానీ ఆ శ్రీలక్ష్మీ నిన్ను నాకు కాకుండా ఎక్కడ ఎగరేసుకునిపోతుందోనని భయంగా ఉందని అంటుంది.

 

ఆ ఎర్రబస్సు నన్ను ఎగరేసుకునిపోవడం ఏంటని మ్యాడీ త్రిషను ప్రశ్నిస్తాడు. నేను శ్రీముఖలింగంలో చూసిన లక్ష్మీ వేరని..ఇప్పుడు చూస్తున్న లక్ష్మీ వేరని త్రిష అంటుంది.అప్పుడు నీమాటన్నా, నువ్వుఅన్నా చాలా భయం, భక్తితో ఉండేదని....కానీ ఇప్పుడు ఆ రెండూ కనిపించడం లేదని అంటుంది.పైగా సొంతమనిషిలా నిన్ను ట్రీట్‌చేస్తుందని అదే అర్థం కావడం లేదని అంటుంది. 

 

హిట్లర్‌లాంటి మీ తాతయ్యనే తన బుట్టలో వేసుకున్న శ్రీలక్ష్మీకి నిన్ను బుట్టలో వేసుకోవడం పెద్దలెక్క కాదని అంటుంది. ఆ మాటలు విన్న మ్యాడీ...నిజంగానే త్రిషకు అనుమానం వచ్చిందని అర్థమవుతుంది.అలాంటిదేమీ లేదని కొట్టిపారేసి  వెళ్లిపోతాడు.త్రిషకు వచ్చిన అనుమానం లాంటిదే కాలేజీలోఇంకా  ఎవరికైనా రాకముందే ఆ శ్రీలక్ష్మీకి గట్టి వార్నింగ్ ఇవ్వాలని అనుకుంటాడు.అప్పుడే ఆమెను విక్రమ్‌ అభినందిస్తుండగా అక్కడికి మ్యాడీ వచ్చి లక్ష్మీని పక్కకు లాక్కెళతాడు. వాడికి మన గురించి ఏం చెప్పావని అడగ్గా...నేను ఏం చెప్పలేదని శ్రీలక్ష్మీ అంటుంది. 

 

మనకు పెళ్లి అయిపోయిందని,భార్యాభర్తలమని చెప్పావా లేదా అని నిలదీస్తాడు. ఆమాటలు విన్న త్రిష షాక్‌కు గురవుతుంది. అంటే వీళ్లిద్దరికీ పెళ్లయిపోయిందన్నమా అని అనుకుంటుంది. అలా ఎందుకు అనుకుంటున్నారని శ్రీలక్ష్మీ ప్రశ్నించగా....నువ్వు చేసిన డ్యాన్స్‌లు చూసి ఆ త్రిషకు అనుమానం వచ్చిందని అంటుంది.తెలిస్తే తెలవనివ్వండి అందులో తప్పేముందని శ్రీలక్ష్మీ అంటుంది. ఏదో ఓరోజు అందరికీ ఆ నిజం తెలియాల్సిందే కదా అనిం అంటుంది.

 

శ్రీలక్ష్మీకి ఎన్ని చెప్పినా నన్ను వదలడంలేదని...కాబట్టి ఆమె మనసుపై దెబ్బ కొట్టాలని మ్యాడీ అనుకుంటాడు. నీకు ఎన్నిసార్లు చెప్పినా అర్థం కావడం లేదా....నేను నిన్ను వద్దనుకుంటున్నానంటే నా మనసులో ఇంకొకరు ఉన్నారని తెలియడం లేదా అని అంటాడు. అందుకే నిన్ను పెళ్లిచేసుకున్నా కనీసం ముట్టుకోలేదని అంటాడు. నీకు ఎన్నిసార్లు చెప్పినా నన్ను విడిచి పోవడం లేదని మండిపడతాడు. మ్యాడీ మాటలను లక్ష్మీ కొట్టిపారేస్తుంది.ఆ అమ్మాయి ఎవరో చెప్పమని నిలదీస్తుంది. దీంతో చేసేదేమీ లేక మ్యాడీ త్రిష పేరు చెబుతాడు. నేను త్రిషను ఎంతో ప్రేమిస్తున్నానని...ఆమెనే పెళ్లిచేసుకోవాలనుకున్నానని చెప్పడంతో ఆ మాటలు విన్న త్రిష ఆనందంతో పొంగిపోతుంది. మ్యాడీ మాటలకు  శ్రీలక్ష్మీ చాలా బాధపడుతుంది.