Karthika Deepam 2 Serial Today February 4th: కార్తీకదీపం 2 సీరియల్: కావేరికి రెండు చేతులెత్తి మొక్కిన దీప.. నిజం తెలిసి జ్యో షాక్.. పెద్దాయన పశ్చాత్తాపం!

Karthika Deepam 2 Serial Today Episode శౌర్య ఆపరేషన్‌కి కావేరి డబ్బు కట్టడం.. దీప కృతజ్ఞతలు చెప్పడం జ్యోత్స్నకి విషయం తెలిసి షాక్ అయిపోవడంతో ఇవాళ్టి ఎపిసోడ్ ఆసక్తికరంగా మారింది.

కార్తీకదీపం 2 సీరియల్ టుడే ఎపిసోడ్

Source : disney+hotstar

Karthika Deepam Idi Nava Vasantham Serial Today Episode కార్తీక్, దీప ఇద్దరూ రిసెప్షన్‌కి వెళ్లి పాప ఆపరేషన్‌కి డబ్బు ఎవరు కట్టారా అని అడుగుతారు. కార్తీకే కట్టారని చెప్పడంతో ఇద్దరూ షాక్ అవుతారు. నా పేరు మీద ఎవరు కట్టారు అని కార్తీక్ దీపతో అంటాడు. మన వాళ్లు ఎవరైనా వచ్చారా అని దీపని అడుగుతాడు. దీప కావేరిని గుర్తు చేసుకొని పక్కకి చూసేసరికి కావేరి అక్కడ ఉంటుంది. దాంతో దీపకి కావేరినే డబ్బు కట్టిందని అర్థమైపోతుంది. తాను హాస్పిటల్‌కి వచ్చినట్లు కార్తీక్‌తో చెప్పొద్దు అని కావేరి అన్న మాటలు దీప గుర్తు చేసుకొని మన  వాళ్లు ఎవరూ రాలేదని కార్తీక్‌తో చెప్తుంది. ఇక కార్తీక్ ముందు ఆపరేషన్ దగ్గరకు వెళ్దాం తర్వాత ఎవరు డబ్బు కట్టారో తెలుసుకుందామని వెళ్తాడు. దీప కావేరితో మాట్లాడాలి అని బయటకు వస్తుంది. మరోవైపు కావేరి ఎక్కడికి వెళ్లింది కనీసం ఫోన్ కూడా తీయడం లేదని శ్రీధర్ అనుకొని స్వప్నకి కాల్ చేస్తాడు. ఇద్దరూ ఫోన్‌లోనే చిన్న పిల్లల్లా గిల్లిగజ్జాలు ఆడుకుంటారు.  

స్వప్న: నేను మా మామయ్య కాళ్లకు ఆయిల్ రాస్తున్న మేటర్ ఏంటో త్వరగా చెప్పండి.
శ్రీధర్: ఆ దాసు గాడి కాళ్లకి ఉండే విలువ నా ఫోన్‌ కాల్‌కి లేదా. సరేలే నా పెళ్లాం అక్కడికి వచ్చిందా.
స్వప్న: క్లారిటీ మిస్ అయింది.
శ్రీధర్: ఛీ.. ఛీ.. నా బతుకు.. నా రెండో పెళ్లాం నీ తల్లి ఇది చాలా ఇంకా మ్యారేజ్ సర్టిఫికేట్ ఏమైనా కావాలా.
స్వప్న: అమ్మ ఇక్కడ లేదు. అయినా ఇలా చెప్పకుండా వెళ్లింది అంటే మీరే ఏదో అనుంటారు. 2 గంటల్లో అమ్మ తిరిగి వచ్చిందని నాకు కాల్ రాకపోతే మీ మీద పోలీస్ కంప్లైంట్ ఇస్తా. మనసులో డాడీకి చెప్పకుండా ఇక్కడికి రాకుండా ఎక్కడికి వెళ్లినట్లు.
దీప: కార్తీక్ బాబు గారి పేరుతో డబ్బు కట్టింది మీరే కదా.
కావేరి: ఎవరు కడితే ఏంటి దీప ఆపరేషన్ జరుగుతుంది కదా నువ్వు లోపలికి వెళ్లు. 
దీప: ఇంత పెద్ద సాయం ఎందుకు చేశారు.
కావేరి: అక్క వాళ్లు పుట్టింటికి వెళ్లి సాయం అడిగారు ఇచ్చారా. వాళ్లు ఏ మనిషి తెలివితో డబ్బు సంపాదించారో ఈ రోజు ఆ మనిషి కష్టంలో ఉంటే ఒక్కరు కూడా సాయానికి రాలేదు. కార్తీక్ మీద శివనారాయణగారికి కోపం ఉంది అనుకోవచ్చు. కానీ కాంచన అక్క ఆ ఇంటి ఆడపడుచే కదా ఆవిడ కోసం అయిన సాయం చేయాలి కదా. ఏంటో ఈ పెద్దలు మరీ ఇంత స్వార్థంగా, కఠినంగా ఎలా ఉంటారు.
దీప: కానీ మీరు డబ్బు కట్టారని తెలిస్తే..
కావేరి: కార్తీక్ ఒప్పుకోడు. ఎందుకంటే ఇవి వాళ్ల నాన్న డబ్బులు అనుకుంటాడు. కానీ ఇవి వాళ్ల నాన్న డబ్బు కాదు నా డబ్బులు. చిన్న వయసులో మా అమ్మ ఇస్తే బ్యాంక్‌లో ఫిక్స్‌డ్ డిపాజిట్ చేసిన డబ్బులు దీనికి మా ఆయనకు ఏం సంబంధంలేదు.
దీప: ఆపరేషన్ ఆగిపోతుంది అనుకున్న చివరి నిమిషంలో సాయం చేశారు కానీ ఇదంతా మీరు ఎందుకు చేయాలి. 
కావేరి: ప్రాయశ్చిత్తం చేశాను దీప. చాలా పెద్ద తప్పు చేశాను దీప. శ్రీధర్ గారికి ముందే పెళ్లి అయింది అని తెలిసే మళ్లీ పెళ్లి చేసుకోవడం వల్లే కదా కాంచన గారికి భర్తని, కార్తీక్‌కి తండ్రిని దూరం చేశాను. అసలు పెద్దాయన కుటుంబాన్ని దూరం చేయడానికి అసలు కారణం అదే. అక్క భర్తని వదిలేసి ఐదో తనం ఉన్న విధవరాలిగా బతుకుతుంది. అక్క ఎంత బాధ పడుతుందో నాకు తెలుసు. అసలు నా పెళ్లి వల్లే మీరు విడిపోయారు. పెళ్లి కాకపోయి ఉంటే కార్తీక్‌ తండ్రి అతనితోనే ఉండేవాడు. వీటికి కారణం నేనే కదా. అందుకే  ఆ పసిదాని ప్రాణాలు కాపాడి కొంచెం అయిన పాపం కడుగుకోవాలని అనుకున్నా. పంతాలు ప్రాణాలు తీయకూడదు దీప. మీ అందరి మంచితనం చూసి నేను మారాను దీప. నేను నా మనవరాలికి ఒక నానమ్మలా ఇది చేస్తున్నా అంతే. దీప దండం పెట్టడంతో వద్దు దీప నీతో దండం పెట్టించుకునే అంత గొప్పదాన్ని కాదమ్మా. ఈ విషయం ఇంకా ఎవరికీ చెప్పకు.
దీప: అలాగే అమ్మ. తీర్చుకోలేని సాయం చేసి జీవితాంతం రుణపడిపోయేలా చేసుకున్నారు. మీ మేలు ఎప్పటికీ మర్చిపోలేనమ్మా. దేవుడే మీ రూపంలో వచ్చి సాయం చేశాడని అనుకుంటా.

జ్యోత్స్న ఇంకా దీప కాల్ చేయలేదని ఫోన్ పట్టుకొని తెగ టెన్షన్ పడుతుంది. దీపకి కాల్ చేస్తుంది. నీ కూతుర్ని నేను తప్ప ఇంకెవరూ కాపాడలేరు అని అంటే నా కూతురికి ఆపరేషన్ జరుగుతుందని దీప అంటుంది. జ్యోత్స్న బిత్తర పోతుంది. ఆపరేషన్‌కి కార్తీక్ బాబు డబ్బు కట్టారని చెప్తుంది. ఎదుటి వారి బలహీనతతో ఆడుకోవడం ఇప్పటికైనా మాను అని చెప్పి ఫోన్ కట్ చేస్తుంది. శౌర్యకి ఆపరేషన్ జరుగుతుందని జ్యోత్స్న పారుతో  చెప్పడంతో అందరూ అక్కడికి వచ్చి ఆపరేషన్ జరుగుతుందా అని అడుగుతారు. అవును అని జ్యోత్స్న అంటే దానికి పెద్దాయన శౌర్యకి ఏం కాలేదు అన్నారు ఇప్పుడు ఆపరేషన్ ఏంటి అని అంటాడు. పెద్దాయన జ్యోత్స్నని ప్రశ్నిస్తాడు.

దాంతో జ్యోత్స్న తెలివిగా దీపకి నిజం తెలియకపోవడంతో శౌర్యకి ఏ సమస్యా లేదు అనుకున్నా ఇప్పుడు దీపకి కాల్ చేస్తే నిజం తెలిసిందని దీప అమ్మ ప్రాణాలు కాపాడింది కాబట్టి ఏమైనా సాయం చేద్దామని ఫోన్ చేశానని అంటుంది. జ్యోత్స్న అద్బుతంగా నటిస్తుందని పారు అనుకుంటుంది. ఇక దశరథ్ మనసులో నిన్ను నమ్మలేను జ్యోత్స్న అని అనుకుంటాడు. మంచి వాళ్లకి సొంత వాళ్లు సాయం చేయకపోయినా దేవుడు చేస్తాడని సుమిత్ర అంటుంది. పెద్దాయన బాధపడుతూ ఉంటే ఇప్పుడు బాధగా ఉందా నాన్న సాయం చేసుంటే బాగున్ను అనిపిస్తుందా అని ప్రశ్నిస్తాడు. శివనారాయణ ఏం మాట్లాడకుండా వెళ్లిపోతాడు. నేను దాసుని కొట్టినప్పుడు నుంచి డాడీ వింతగా మాట్లాడుతున్నాడని జ్యోత్స్న అనుకుంటుంది. కాశీ హాస్పిటల్‌కి రావడంతో డబ్బు కట్టావా అని కార్తీక్ అడుగుతాడు. దాంతో కాదు అని కాశీ అంటాడు. మామయ్య కట్టాడా అని అంటే మా నాన్నకి అంత లేదని కార్తీక్ అంటాడు. దీంతో ఇవాళ్టి ఎపిసోడ్ పూర్తయిపోతుంది.