Suma Kanakala: జిమ్ లో సుమ కష్టాలు.. వైరలవుతోన్న వీడియో..

సుమ తన ఫిట్నెస్ పై దృష్టి పెట్టింది. అందులో భాగంగా జిమ్ లో వర్కవుట్ చేస్తోంది.

Written By : ABP Desam | Updated at : 12 Nov 2021 10:11 PM (IST)

జిమ్ లో సుమ కష్టాలు..

బుల్లితెర మహారాణిగా గుర్తింపు తెచ్చుకున్న సుమ కనకాల.. గతంలో ఒకట్రెండు సినిమాల్లో నటించింది. కానీ ఆ తరువాత టీవీకే పరిమితమైంది. పలు షోలు, సినిమా ఈవెంట్స్ తో బిజీగా గడుపుతోంది. అయితే సడెన్ గా సినిమాల్లోకి ఎంట్రీ ఇస్తున్నట్లు చెప్పి ప్రేక్షకులను సర్ప్రైజ్ చేసింది. సుమ ప్రధాన పాత్రలో 'జయమ్మ పంచాయితీ' అనే సినిమా తెరకెక్కుతోంది. ఇటీవల ఈ సినిమాకి సంబంధించిన ఫస్ట్ లుక్ ను మెగా పవర్ స్టార్ రామ్ చరణ్ విడుదల చేసిన సంగతి తెలిసిందే. విజయ్ కుమార్ దర్శకత్వంలో తెరకెక్కుతోన్న ఈ సినిమాకి కీరవాణి సంగీతం అందిస్తున్నారు. త్వరలోనే ఈ సినిమాతో వెండితెరపై రీఎంట్రీ ఇవ్వబోతుంది సుమ.

Also Read: 'ఒక్క గేమ్ అయినా.. నిజాయితీగా ఆడావా..?' కాజల్ పై యానీ మాస్టర్ ఫైర్..

ఈ సినిమా కోసం సుమ తన ఫిట్నెస్ పై దృష్టి పెట్టింది. అందులో భాగంగా జిమ్ లో వర్కవుట్ చేస్తోంది. స్పెషల్ గా ట్రైనర్ ను కూడా నియమించుకుంది. తాజాగా జిమ్ లో తీసుకున్న వీడియోను తన ఇన్స్టాగ్రామ్ లో షేర్ చేసింది సుమ. ''సెకండ్ సెట్ డంబెల్స్ ఎత్తిన తరువాత నా చేతుల నొప్పి దారుణంగా ఉంది. ఇప్పుడైనా ఆపమంటాడేమో అని నా ట్రైనర్ రాహుల్ వైపు చూస్తూ ఉంటా కానీ అతను మాత్రం చెప్పడు'' అంటూ క్యాప్షన్ ఇచ్చింది.

సుమ ఇప్పటివరకు తన షోలకు సంబంధించిన వీడియోలు, మేకప్ వీడియోలనే షేర్ చేస్తూ ఉంటుంది. కొత్తగా జిమ్ వీడియో షేర్ చేయడంతో ఇది సోషల్ మీడియాలో వైరల్ అవుతోంది. నెటిజన్లు కూడా ఫన్నీగా రియాక్ట్ అవుతూ.. కామెంట్స్ పెడుతున్నారు. 'మనకెందుకు అక్కా.. ఇవన్నీ' అని కొందరు.. 'అక్కా.. నువ్ జిమ్ కూడా చేస్తావా..?' అంటూ మరికొందరు కామెంట్స్ చేస్తున్నారు.