లియో ఫస్ట్‌లుక్ రిలీజ్, జబర్దస్త్ నుంచి మరో డైరెక్టర్ - నేటి టాప్ సినీ విశేషాలివే!
ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.
‘లియో’ ఫస్ట్ లుక్ - సుత్తితో పళ్లు రాలగొట్టేంత కసి, డెవిల్‌ను తలపిస్తున్న విజయ్!
తమిళ హీరో విజయ్ నటిస్తోన్న ‘లియో’ ఫస్ట్ లుక్ రిలీజైంది. ఇందులో విజయ్ లుక్ చాలా క్రూయెల్‌గా ఉంది. ఆగ్రహంతో సుత్తితో విలన్ పళ్లు రాళ్లగొడుతున్నట్లుగా.. చాలా క్రూయెల్‌గా ఉంది. ఆ పోస్టర్‌లో ఉన్న దృవపు ఎలుగుబంటి విజయ్ పాత్రను ప్రతిబింబించేలా ఉంది. ఈ నేపథ్యంలో విజయ్ కూడా ‘విక్రమ్’ మూవీలోని రొలెక్స్ తరహాలోనే భయానకంగా ఉండనుందని తెలుస్తోంది. మొత్తానికి ఈ ఫస్ట్ లుక్ విజయ్ అభిమానుల్లో అంచనాలను మరింత పెంచేసింది. అంతేగాక.. ఇందులో విజయ్ డిఫరెంట్ లుక్‌లో కనిపించడంతో పండుగ చేసుకుంటున్నారు. విజయ్ పుట్టిన రోజు సందర్భంగా మూవీ టీమ్ అభిమానులను ఈ పోస్టర్‌తో సర్‌ప్రైజ్ చేయడం విశేషం. (పూర్తి వివరాల కోసం ఇక్కడ క్లిక్ చేయండి.)
రండి బాబు రండి, రూ.150కే ‘ఆదిపురుష్’ 3D షో - ఎక్కడో తెలుసా?
పాన్ ఇండియా స్టార్ ప్రభాస్, కృతి సనన్ జంటగా నటించిన ‘ఆదిపురుష్’ మూవీ.. టీజర్ ఎంత దుమారం లేపిందో తెలిసిందే. ప్రజల నుంచి వచ్చిన వ్యతిరేకత నేపథ్యంలో మూవీలో మార్పులుంటాయని అంతా భావించారు. ట్రైలర్‌ను కూడా అందుకు తగినట్లుగానే వివాదాలకు ఆస్కారం లేకుండా కట్ చేసి రిలీజ్ చేశారు. ఇక మూవీని థియేటర్లలో విడుదల చేసిన తర్వాత అసలు కథ మొదలైంది. దర్శకుడు ఓం రౌత్.. తాను అనుకున్నదే చూపించాడు. మూవీలో ఎలాంటి మార్పులు చేయకుండా రిలీజ్ చేశాడు. మొదట్లో అంతా రావణుడి లుక్ గురించి మాట్లాడుకున్నారు. మూవీ విడుదలైన తర్వాత అందులోని డైలాగ్స్‌ కూడా వివాదాలకు దారితీసింది. హిందూ సంఘాలు ఆగ్రహం వ్యక్తం చేయడంతో.. చిత్రయూనిట్ వెనక్కి తగ్గక తప్పలేదు. ఎట్టకేలకు మూవీలోని డైలాగులను మార్చి వివాదాలకు తెరదించే ప్రయత్నం చేస్తున్నారు. అంతేకాదు.. మరో బంపర్ ఆఫర్ కూడా ప్రకటించారు. (పూర్తి వివరాల కోసం ఇక్కడ క్లిక్ చేయండి.)
'జబర్దస్త్' నుంచి మరో దర్శకుడు - 'బలగం' రేంజ్ సక్సెస్ కొడతారా?
'బలగం' సినిమాకు ముందు వేణు టిల్లును తెలుగు చిత్రసీమ, మెజారిటీ ప్రేక్షక లోకం ఓ హాస్య నటుడిగా చూసింది. 'జబర్దస్త్' కమెడియన్ అనేది ఆయనకు ఉన్న గుర్తింపు. 'బలగం' విడుదల తర్వాత వేణులో దర్శకుడ్ని చూశారంతా! మరి, శాంతి కుమార్ కూడా అదే విధంగా మెప్పిస్తారా? లేదా? కొన్ని రోజులు ఆగితే తెలుస్తుంది. బుల్లితెరపై నవ్వించిన ఆయన... త్వరలో వెండితెరపైకి దర్శకుడిగా రానున్నారు. సాయి కుమార్, శ్రీనివాస్‌ సాయి, ఆదిత్య ఓం, దీపాలి రాజ్‌పుత్, 'జబర్దస్త్' ఐశ్వర్య, రాజీవ్‌ కనకాల ప్రధాన పాత్రల్లో నటించిన సినిమా 'నాతో నేను'. ఈ చిత్రానికి శాంతి కుమార్ తూర్లపాటి (జబర్దస్త్ ఫేమ్) దర్శకత్వం వహిస్తున్నారు. ప్రశాంత్ టంగుటూరి నిర్మిస్తున్నారు. (పూర్తి వివరాల కోసం ఇక్కడ క్లిక్ చేయండి.)
ప్రీ రిలీజ్ ఫంక్షన్‌కు రమ్మంటే 2 లక్షలు అడుగుతావా? సుమన్‌పై శివనాగు ఫైర్
సీనియర్ కథానాయకుడు, నటుడు సుమన్ మీద దర్శకుడు శివ నాగు మండిపడ్డారు. తాను తీసిన తాజా సినిమా 'నట రత్నాలు' ప్రీ రిలీజ్ వేడుకకు ఆహ్వానిస్తే రెండు లక్షల రూపాయలు అడిగారంటూ సంచలన ఆరోపణలు చేశారు. అసలు వివరాల్లోకి వెళితే... సుదర్శన్‌, రంగస్థలం మహేశ్‌, అర్జున్‌ తేజ్‌ ప్రధాన తారలుగా రూపొందిన సినిమా 'నట రత్నాలు'. నర్రా శివ నాగు దర్శకత్వం వహించారు. ఇందులో ఇనయా సుల్తాన నాయికగా నటించారు. ఎవరెస్ట్‌ ఎంటర్‌టైన్‌మెంట్స్‌ పతాకంపై డా. దివ్య ఈ చిత్రాన్ని నిర్మిస్తున్నారు. బుధవారం హైదరాబాద్ నగరంలో సినిమా ప్రీ రిలీజ్ వేడుక జరిగింది. తెలుగుదేశం పార్టీకి చెందిన మాజీ ఎమ్మెల్యే ఎరపతినేని శ్రీనివాస రావు ముఖ్య అథితిగా హాజరై ఆడియో సీడీలను ఆవిష్కరించారు. దివ్యవాణి, డా. పద్మ, చికోటి ప్రవీణ్‌ తదితరలులు హాజరయ్యారు. ఈ వేడుకలోనే సుమన్ మీద శివ నాగు సంచనల ఆరోపణలు చేశారు. (పూర్తి వివరాల కోసం ఇక్కడ క్లిక్ చేయండి.)
ఏడాదిగా ఖాళీగా ఉన్న ‘కేజీఎఫ్’ స్టార్ యష్ - త్వరలోనే గుడ్ న్యూస్ చెబుతాడట!
కన్నడ స్టార్ హీరో యష్ కు ఎలాంటి క్రేజ్ ఉందో తెలిసిందే. ప్రశాంత్ నీల్ దర్శకత్వంలో వచ్చిన ‘కేజీఎఫ్’ ఫ్రాంచైజీ సినిమాలతో యష్ పేరు మారుమోగిపోయింది. ఒక్క కన్నడలోనే కాదు దేశవ్యాప్తంగా ఆయనకు క్రేజ్ పెరిగింది. ఈ సినిమాలతో కోట్లాది మంది అభిమానుల్ని సొంతం చేసుకున్నారాయన. ‘కేజీఎఫ్’ సిరీస్ లలో మూడో పార్ట్ కూడా ఉంటుందనే ప్రచారం జరుగుతోంది. ఈ నేపథ్యంలో యష్ నుంచి వచ్చే తర్వాత ప్రాజెక్టు గురించి ఎంతగానో ఎదురు చూస్తున్నారు ఫ్యాన్స్. అయితే ‘కేజీఎఫ్ 2’ మూవీ తర్వాత ఇప్పటి వరకూ తన నెక్స్ట్ ప్రాజెక్టు ఏంటి అనేది యష్ ప్రకటించలేదు. ఇటీవల ఆయన కుటుంబంతో సొంతూరు వెళ్లారు. ఈ సందర్భంగా మీడియాతో తన భవిష్యత్ ప్రాజెక్టుల గురించి పలు ఆసక్తికర వ్యాఖ్యలు చేశారు యష్. (పూర్తి వివరాల కోసం ఇక్కడ క్లిక్ చేయండి.)
టాప్ హెడ్ లైన్స్
ట్రెండింగ్ వార్తలు
