Tollywood: నాగ్ 'ది ఘోస్ట్' కోసం మహేష్ బాబు - మెగాస్టార్ కి ఉపాసన లేట్ విషెస్!
ఈరోజు టాలీవుడ్ కి సంబంధించిన లేటెస్ట్ అప్డేట్స్ మీకోసం..
నాగ్ 'ది ఘోస్ట్' కోసం మహేష్ బాబు:
అక్కినేని నాగార్జున నటిస్తోన్న లేటెస్ట్ సినిమా 'ది ఘోస్ట్'. దీనికి ప్రవీణ్ సత్తారు దర్శకత్వం వహించారు. ఇందులో నాగార్జున మాజీ 'రా' ఏజెంట్ పాత్రను పోషిస్తున్నారు. సిస్టర్ సెంటిమెంట్తో కూడిన అవుట్ అండ్ అవుట్ యాక్షన్ థ్రిల్లర్గా గూస్ బంప్స్ వచ్చే యాక్షన్ సీన్స్తో ఈ చిత్రాన్ని తెరకెక్కించినట్లు చిత్రయూనిట్ చెబుతున్నారు. ఈ మూవీ ఓటీటీలో విడుదల కానుందని అప్పట్లో వార్తలు వచ్చాయి.
అయితే, ఆ ప్రచారంలో నిజం లేదని, థియేటర్లలో సినిమాను విడుదల చేస్తామని ఇటీవలే చిత్ర బృందం క్లారిటీ ఇచ్చారు. అక్టోబర్ 5న ప్రపంచవ్యాప్తంగా ఈ చిత్రాన్ని థియేటర్లలో విడుదల చేయనున్నట్టు వెల్లడించారు. తాజాగా ఈ సినిమా ట్రైలర్ డేట్ను చిత్ర యూనిట్ ప్రకటించింది. గురువారం (ఆగస్ట్ 25) రోజున ది ఘోస్ట్ ట్రైలర్ను విడుదల చేయబోతున్నారు. ఈ సినిమా ట్రైలర్ను సూపర్ స్టార్ మహేష్ బాబు చేతుల మీద రిలీజ్ చేయించబోతోన్నట్టు కాసేపటి క్రితమే ప్రకటించారు. మరి మహేష్ ఆన్లైన్ లో ట్రైలర్ ను రిలీజ్ చేస్తారా..? లేక ఈవెంట్ కి హాజరవుతారా అనేది చూడాలి!
View this post on Instagram
మెగాస్టార్ కి ఉపాసన లేట్ విషెస్:
మెగాస్టార్ చిరంజీవి పుట్టినరోజు సందర్భంగా సోషల్ మీడియాలో అభిమానులు, సెలబ్రిటీలు విషెస్ చెప్పారు. టాలీవుడ్ తో పాటు మిగిలిన ఇండస్ట్రీలకు చెందిన స్టార్లు కూడా చిరుకి విషెస్ చెప్పారు. కాసేపటి క్రితం ఉపాసన.. చిరుకి విషెస్ చెబుతూ పోస్ట్ పెట్టింది. నిన్న పుట్టినరోజు అయితే ఈరోజు ఆమె పోస్ట్ చేసింది. 'ఇలా ఆలస్యంగా విషెస్ చెబుతున్నాను. ఎందులకంటే సెలబ్రేషన్స్ లో మేం బిజీగా ఉన్నాం. ఆ మెమొరీస్ ను ఎప్పటికీ గుర్తుంచుకోవాలనుకుంటున్నాను. హ్యాపీ బర్త్ డే డియరెస్ట్ మావయ్య' అంటూ ఉపాసన రాసుకొచ్చింది.
Also Read : 'లైగర్' ప్రీ రిలీజ్ బిజినెస్ ఎంతో తెలుసా? ఏ ఏరియా రైట్స్ ఎన్ని కోట్లకు అమ్మారో చూడండి
View this post on Instagram
Also Read : ఎవరు ఆపుతారో చూద్దాం - విజయ్ దేవరకొండ
టాప్ హెడ్ లైన్స్
ట్రెండింగ్ వార్తలు
