Tamannaah Interview : 'గుర్తుందా శీతాకాలం' ఇంటర్వ్యూలో పెళ్లి గురించి ఓపెన్ అయిన తమన్నా
సత్యదేవ్ (Satyadev) కు జోడీగా తమన్నా నటించిన సినిమా 'గుర్తుందా శీతాకాలం' (Gurthunda Seethakalam). శుక్రవారం సినిమా విడుదలవుతోంది. ఈ సందర్భంగా తమన్నా చెప్పిన సంగతులు...
''రీమేక్ సినిమాలో నటించడం నాకు కొత్త కాదు. కానీ, ఒరిజినల్ సినిమాలో సోల్ మిస్ కాకూడదని ఛాలెంజ్‌గా తీసుకుని నటిస్తా. 'గుర్తుందా శీతాకాలం' విషయంలోనూ నాకు ఆ సవాల్ ఎదురైంది. ఆల్రెడీ ప్రేక్షకుల్లో కొందరు ఒరిజినల్ సినిమా చూసి ఉంటారు. వాళ్ళకు బోర్ కొట్టకుండా చేయడం చేయాలని నాకు నేను సవాల్ విసురుకున్నా'' అని పాన్ ఇండియా స్టార్ తమన్నా (Tamannaah) చెప్పారు.
సత్యదేవ్ (Satyadev) కు జోడీగా తమన్నా నటించిన సినిమా 'గుర్తుందా శీతాకాలం' (Gurthunda Seethakalam). నాగ శేఖర్ దర్శకత్వం వహించారు. చినబాబు, ఎంఎస్ రెడ్డి సమర్పణలో చింతపల్లి రామారావు, భావన రవి, నాగ శేఖర్ సంయుక్తంగా నిర్మించారు. ఇందులో మేఘా ఆకాష్, కావ్యా శెట్టి ఇతర కథానాయికలు. ఈ శుక్రవారం విడుదలవుతోంది. ఈ సందర్భంగా తమన్నా చెప్పిన సంగతులు...
'గీతాంజలి'తో పోల్చడం సంతోషమే!
''మిగతా సినిమాలతో చూస్తే ప్రేమకథల్లో నటించి ప్రేక్షకులను మెప్పించడం కొంచెం కష్టమే. 'గుర్తుందా శీతాకాలం'లో క్యారెక్టర్, ఆ భావోద్వేగాలు అందరినీ ఆకట్టుకుంటాయి. సినిమాల మధ్య పోలికలు రావడం సహజమే. ప్రేమకథలో చాలా పోలికలు ఉంటాయి. అయితే... ప్రతి దాంట్లో ఏదో కొత్త పాయింట్ ఉంటుంది. ఈ సినిమాలో కూడా కొత్త ఎమోషన్స్, కొత్త పాయింట్ చెబుతున్నాం. సత్యదేవ్‌తో నటించడం సంతోషంగా ఉంది. 'ఉమా మహేశ్వర ఉగ్ర రూపస్య'లో అతడి నటన సహజంగా అనిపించింది. అతడితో సినిమా చేయాలనే ఆసక్తి కలిగింది. ఆ తర్వాత ఈ సినిమా అవకాశం రావడంతో ఓకే చెప్పేశా. నా ఆశ తీరింది. మేం ఇద్దరం కలసి మంచి ఎమోషనల్ ఫిల్మ్ చేసే అవకాశం దొరికింది. దర్శకుడు నాగ శేఖర్ నటులు కావడంతో ప్రతి సన్నివేశాన్ని బాగా వివరించారు. అందువల్ల, మా పని ఈజీ అయ్యింది. తొలిసారి నేను యాక్టర్ అండ్ డైరెక్టర్‌తో వర్క్ చేశా. '' అని తమన్నా చెప్పారు. తమ సినిమాను 'గీతాంజలి'తో పోల్చడం సంతోషంగా ఉందని, ఆ అంచనాలను తాము ఆదుకుంటామని తమన్నా ధీమా వ్యక్తం చేశారు.
Also Read : తెలుగులో ఈ ఏడాది రీమేక్ రాజాలు వీళ్ళే - హిట్టా? ఫట్టా?
''సినిమా చేసేటప్పుడు చిన్న హీరోనా? పెద్ద హీరోనా? అని తేడాలు చూడను. నాకు సినిమాను సినిమాగా చూడటం అలవాటు. కథ బాగుండాలని, ప్రేక్షకులకు సినిమా నచ్చాలని కోరుకుంటా. క్యారెక్టర్‌కు ఎంత వరకు న్యాయం చేయగలనో ఆలోచిస్తా. ఈ సినిమాలో నేను స్టార్, మిగతా వాళ్ళు కొత్త అని ఎప్పుడూ అనుకోలేదు'' అని తమన్నా వివరించారు.
ఓటీటీలు ఉన్నా... ప్రేక్షకులు థియేటర్లకు వస్తారు!
కథానాయికగా కెరీర్ స్టార్ట్ చేసి 17 ఏళ్ళు అవుతోందని, తొలినాళ్ళలో సినిమాపై తనకు ఎంత ఫ్యాషన్ ఉందో? ఇప్పుడు కూడా అదే ఫ్యాషన్ ఉందని తమన్నా తెలిపారు. ఓటీటీల గురించి కూడా ఆమె మాట్లాడారు. ''ఓటీటీలు వచ్చిన తర్వాత రీమేక్ సినిమాల ప్రభావం తగ్గినా... మంచి సినిమా ఎప్పుడు వచ్చినా ప్రేక్షకులు చూడటానికి సిద్ధంగా ఉన్నారు'' అని తమన్నా చెప్పారు. '12త్ అవర్' అని 'ఆహా' కోసం వెబ్ సిరీస్, డిస్నీ ప్లస్ హాట్‌స్టార్‌లో విడుదలైన 'బబ్లీ బౌన్సర్' సినిమాల్లో తమన్నా నటించారు. ఇప్పుడు ఓటీటీకి మూడు ప్రాజెక్టులు చేస్తున్నారు.
ఇంట్లో పెళ్లి గురించి అడుగుతున్నారు!
ముంబైకు చెందిన వ్యాపారవేత్తను తమన్నా పెళ్లి చేసుకోనున్నారని ఆ మధ్య వార్తలు వచ్చాయి. వాటిని ఆమె ఖండించారు. సోషల్ మీడియాలో వచ్చే కామెంట్స్, అటువంటి రూమర్స్ గురించి ఆలోచించనని ఆమె చెప్పారు. ఇంట్లో పెళ్లి ఒత్తిడి గురించి తమన్నా మాట్లాడుతూ ''సాధారణంగా ప్రతి ఇంట్లో అమ్మాయిలను పెళ్లి చేసుకోమని ఒత్తిడి చేసినట్టు... మా ఇంట్లో కూడా పెళ్లి ప్రెజర్ ఉంది. సంబంధాలు చూస్తున్నారు. అయితే... నేను ఏ నిర్ణయం తీసుకోలేదు'' అని చెప్పారు.
Also Read : మహేష్, త్రివిక్రమ్ సినిమాలో ఏం జరుగుతోంది? ఇకనైనా పుకార్లకు ఫుల్ స్టాప్ పడుతుందా?
మెగాస్టార్ చిరంజీవి 'భోళా శంకర్'లో తమన్నా హీరోయిన్. అయితే, ఇంకా ఆ సినిమా షూటింగ్ స్టార్ట్ చేయలేదని... త్వరలో తన పార్ట్ స్టార్ట్ అవుతుందని తెలిపారు. వచ్చే ఏడాది ఆమె మలయాళ పరిశ్రమకు పరిచయం కానున్నారు. అక్కడ 'బాంద్రా' సినిమా చేస్తున్నారు.
టాప్ హెడ్ లైన్స్
ట్రెండింగ్ వార్తలు
