Radhe Shyam: ఎవరీ విక్రమాదిత్య? తెలుసుకోవాలంటే మూడు రోజులు ఆగాల్సిందే

ప్రభాస్ మోస్ట్ ఎవైటింగ్ మూవీ రాధేశ్యామ్ నుంచి తాజా అప్ డేట్ వచ్చింది.

(Image credit: Instagram)

రెబల్ స్టార్ ప్రభాస్ నటిస్తున్న మరో పాన్ ఇండియా మూవీ ‘రాధే శ్యామ్’. ‘జిల్’ ఫేమ్ రాధాకృష్ణ దర్శకత్వంలో ఈ సినిమా తెరకెక్కుతోంది. సినిమా షూటింగ్ ఎప్పుడో పూర్తవ్వాల్సి ఉండగా, కరోనా కారణంగా వాయిదా పడుతూ వచ్చింది. ప్రస్తుతం పోస్ట్ ప్రొడక్షన్ పనులు జరుగుతున్న ఈ సినిమాను వచ్చే ఏడాది సంక్రాంతికి విడుదల చేయబోతున్నట్టు ప్రకటించింది చిత్రయూనిట్. ఇప్పుడు ఆ సినిమాకు సంబంధించి మరో క్రేజీ అప్ డేట్ వచ్చింది. అక్టోబర్ 23న ప్రభాస్ జన్మదినం సందర్భంగా ఆ రోజున రాథేశ్యామ్ టీజర్ ను విడుదలచేయబోతున్నట్టు ప్రకటించింది చిత్రయూనిట్. ఆ రోజున 11 గంటల 16 నిమిషాలకు రాధేశ్యామ్ టీజర్ రాబోతోందని చెప్పారు నిర్మాతలు. ఆ రోజునే ‘విక్రమాదిత్య’ ఎవరో రివీల్ చేయబోతున్నారు. 

ఈ సినిమా మొత్తం ఇటలీ నేపథ్యంలో జరిగే పీరియాడికల్ లవ్ స్టోరీ అని తెలిసిందే. ఇందులో ప్రభాస్ పాత్ర పేరు విక్రమాదిత్య కాగా, పూజా హెగ్డే  ప్రేరణగా నటిస్తోంది. అలాగే అలనాటి నటుడు కృష్ణంరాజు ఓ ప్రధాన పాత్రలో కనిపించబోతున్నారట. ఈ సినిమాపై ప్రభాష్ అభిమానులు చాలా ఆశలు పెట్టుకున్నారు. బాహుబలి రేంజ్ లో హిట్ కొట్టడం ఖాయమని భావిస్తున్నారు. 

బాహుబలిలో వీరుడిగా, సాహోలో యాక్షన్ హీరోగా కనిపించిన ప్రభాస్, రాధేశ్యామ్ లో మాత్రం ప్రేమికుడిగా కనిపించబోతున్నాడు. ఇప్పటివరకు విడుదలైన పోస్టర్లు చూస్తే ఈ విషయం ఇట్టే అర్థమై పోతుంది. ఈ సినిమాలోని కొన్ని సన్నివేశాలు కడప జిల్లాల్లోని గండికోటలో కూడా చిత్రీకరించారు. బాహుబలిలో కట్టప్పగా నటించిన సత్యరాజ్ ఈ చిత్రంలోనూ కనిపించనున్నారు. ఇందులో ఈయనది కాషాయ వస్త్రాలు ధరించిన గురువు పాత్రగా గతంలోని విడుదలైన కొన్ని ఫోటోల ద్వారా తెలుస్తోంది.

Who is Vikramaditya? 🤔 Stay tuned to find out in the #RadheShyam teaser, out on 23rd October! ☺️💕 Enjoy the teaser in English with subtitles in multiple languages! #GlobalPrabhasDay

Starring #Prabhas & @hegdepooja pic.twitter.com/g6mSxpraaG

— Radhe Shyam (@RadheShyamFilm) October 20, 2021

">