అన్వేషించండి

Tabu: బన్నీ సినిమా రీమేక్.. హీరోకి వార్నింగ్ ఇచ్చిన నటి..

'అల వైకుంఠపురములో' సినిమాలో టబు కీలకపాత్ర పోషించిన సంగతి తెలిసిందే. హీరో మదర్ గా కనిపించిందామె.

By : ABP Desam | Updated at : 21 Dec 2021 04:04 PM (IST)

హీరోకి వార్నింగ్ ఇచ్చిన నటి..

ఈ మధ్యకాలంలో సౌత్ లో హిట్ అయిన చాలా సినిమాలను హిందీలో రీమేక్ చేస్తున్నారు. తెలుగులో అల్లు అర్జున్ నటించిన 'అల.. వైకుంఠపురములో' సినిమాను హిందీలో రీమేక్ చేస్తున్నారు అల్లు అరవింద్. ఆయనతో పాటు భూషణ్ కుమార్, అమన్ గిల్ కలిసి ఈ సినిమాను నిర్మిస్తున్నారు. ప్రముఖ దర్శకుడు రోహిత్ ధావన్ ఈ సినిమాను డైరెక్ట్ చేస్తున్నారు. ఇందులో కార్తిక్ ఆర్యన్, కృతిశెట్టిలను హీరో, హీరోయిన్లుగా తీసుకున్నారు. గతంలో వీరిద్దరూ కలిసి నటించిన 'లూకా చుప్పి' సినిమా మంచి సక్సెస్ అందుకుంది. ఇప్పుడు మరోసారి ఈ కాంబో రిపీట్ కాబోతుంది.

బాలీవుడ్ లో ఈ రీమేక్ పై భారీ అంచనాలు నెలకొన్నాయి. దానికి తగ్గట్లుగానే సినిమాను ఎక్కడా రాజీపడకుండా తెరకెక్కిస్తున్నారు. ఇదిలా ఉండగా.. తాజాగా షూటింగ్ లొకేషన్ లో హీరో కార్తిక్ ఆర్యన్.. దర్శకుడు రోహిత్ తో కలిసి ఓ సెల్ఫీ తీసుకున్నాడు. దాన్ని సోషల్ మీడియాలో షేర్ చేశాడు. అది చూసిన సీనియర్ నటి టబు.. కార్తిక్ కి స్వీట్ వార్నింగ్ ఇచ్చింది.

'అది నా సినిమా రీమేక్.. జాగ్రత్తగా చేయండి' అని కామెంట్ పెట్టింది. ఈ కామెంట్ చూసిన కార్తిక్ ఆర్యన్ 'మీ సినిమా కాబట్టే ఇంకా ప్రేమతో చేస్తున్నాం మేడం' అంటూ బదులిచ్చాడు. 'అల వైకుంఠపురములో' సినిమాలో టబు కీలకపాత్ర పోషించిన సంగతి తెలిసిందే. హీరో మదర్ గా కనిపించిందామె. కానీ హిందీ వెర్షన్ కి మాత్రం ఆమెని తీసుకున్నట్లు లేరు. ఈ సినిమాకి 'షెహ్ జాదా' అనే టైటిల్ ను ఫిక్స్ చేశారు. వచ్చే ఏడాదిలో ఈ సినిమాను రిలీజ్ చేయనున్నారు.