అన్వేషించండి

Acharya: రెజీనాతో చిరు స్టెప్పులు.. 'సానా కష్టం' ప్రోమో చూశారా..?

మెగాస్టార్ చిరంజీవి నటిస్తోన్న 'ఆచార్య' సినిమాలో ఐటెం సాంగ్ ను విడుదల చేయబోతున్నారు.

By : ABP Desam | Updated at : 02 Jan 2022 12:50 PM (IST)

'సానా కష్టం' ప్రోమో

మెగాస్టార్ చిరంజీవి ప్రధాన పాత్ర‌లో మెగా ప‌వ‌ర్‌స్టార్ రామ్‌చ‌ర‌ణ్ కీల‌క పాత్ర‌లో తెరకెక్కుస్తోన్న చిత్రం 'ఆచార్య'. కొణిదెల ప్రొడ‌క్ష‌న్ కంపెనీ సమర్పణలో, మ్యాట్నీ ఎంట‌ర్‌టైన్‌మెంట్స్ ప‌తాకాల‌పై స్టార్ డైరెక్ట‌ర్ కొర‌టాల శివ ద‌ర్శ‌క‌త్వంలో నిరంజ‌న్ రెడ్డి ఈ సినిమాను నిర్మిస్తున్నారు. ప్రస్తుతం ఈ సినిమా పోస్ట్ ప్రొడక్షన్ కార్యక్రమాలు జరుపుకుంటుంది. ఫిబ్రవరి 4న ఈ సినిమా ప్రేక్షకుల ముందుకు రానుంది. ఇప్పటికే ఈ సినిమా నుంచి కొన్ని పాటలను, టీజర్లను విడుదల చేశారు.

తాజాగా ఈ సినిమా నుంచి 'సానా కష్టం' అనే మరో సాంగ్ ను విడుదల చేయబోతున్నట్లు ప్రకటించారు. తాజాగా ఈ సాంగ్ కి సంబంధించిన ప్రోమోను విడుదల చేశారు. ఇదొక ఐటెం సాంగ్ అని తెలుస్తోంది. ఈ సాంగ్ లో నటి రెజీనాతో కలిసి స్టెప్పులేస్తూ కనిపించారు చిరంజీవి. మణిశర్మ మాస్ బీట్ కి చిరు స్టెప్పులు అదిరిపోయాయి. రేపు సాయంత్రం(జనవరి 3) 4:05 గంటలకు పూర్తి పాటను విడుదల చేయనున్నారు.

ఇక ఈ సినిమాలో చిరంజీవికి జోడీగా కాజ‌ల్ అగ‌ర్వాల్‌.. రామ్ చ‌ర‌ణ్ జోడీగా పూజా హెగ్డే న‌టిస్తున్నారు. దేవాదాయ భూములు అన్యాక్రాంతం కావ‌డం అనే అంశంపై ఈ సినిమాను తెరకెక్కిస్తున్నారు. మెసేజ్‌తో పాటు క‌మ‌ర్షియ‌ల్ అంశాల‌ను మిక్స్ చేసి సినిమాల‌ను తీయ‌డంలో కొరటాలకు మంచి పేరుంది. మరి ఈ సినిమాతో ఆయన ఎలాంటి హిట్ అందుకుంటారో చూడాలి!

Boss-uu nee grace-uu 🤩🤩

Here's #SaanaKastam Song Promo 💥💥

▶️ https://t.co/o9DR7oeX5S

Full song out tomorrow at 4:05 PM 🤘#Acharya #AcharyaOnFeb4th

Megastar @KChiruTweets #SivaKoratala @ReginaCassandra #ManiSharma @bhaskarabhatla @MatineeEnt @KonidelaPro @adityamusic pic.twitter.com/coPobmOtFa
— Matinee Entertainment (@MatineeEnt) January 2, 2022