Ranveer Singh New House: ఒక్క అపార్ట్మెంట్ కోసం రూ.119 కోట్లు ఖర్చు పెట్టిన దీపికా, రణవీర్!

దీపికా పదుకోన్, రణవీర్ సింగ్ తాజాగా ఓ అపార్ట్మెంట్ కొన్నారు.

ఒక్క అపార్ట్మెంట్ కోసం రూ.119 కోట్లు ఖర్చు పెట్టిన దీపికా, రణవీర్!

బాలీవుడ్ స్టార్ కపుల్ దీపికా పదుకోన్, రణవీర్ సింగ్ తాజాగా ఓ అపార్ట్మెంట్ కొన్నారు. దాని రేటు ఎంతో తెలుసా..? అక్షరాల రూ.119 కోట్లు. ఈ సంగతి తెలుసుకున్న ఫ్యాన్స్ షాక్ అవుతున్నారు. ఒక్క అపార్ట్మెంట్ కోసం అంత ఖర్చు పెట్టడం ఏంటి అనుకుంటున్నారా..? పేరుకి అపార్ట్మెంట్ అయినప్పటికీ.. ఈ ఫ్లాట్ నాలుగు ఫ్లోర్స్ లో విస్తరించి ఉంటుంది. డబుల్ డ్యూప్లెక్స్ తరహాలో దీన్ని నిర్మించారు. 

దీన్ని క్వాడ్రప్లెక్స్ అంటారు. 11 వేల 266 చదరపు అడుగుల్లో ఈ అపార్ట్మెంట్ ఉంది. ప్రత్యేకంగా 1300 చదరపు అడుగుల్లో టెర్రస్ ఉంటుందట. ఈ అపార్ట్మెంట్ లో 19 కార్లు పార్క్ చేసుకునే సదుపాయం కల్పించారు. ఈ అపార్ట్మెంట్ ఒక్క చదరపు అడుగు సుమారు లక్షపైనే ఉంటుందని సమాచారం. స్టాంప్ డ్యూటీ కోసమే రూ.7 కోట్ల 13 లక్షలు కట్టినట్లు తెలుస్తోంది. 

ఈ అపార్ట్మెంట్ పేరు సాగర్ రేశం.ముంబైలోని అత్యంత ఖరీదైన ప్రాంతంగా పేరున్న బాంద్రాలో ఈ అపార్ట్మెంట్ ఉంది. షారుఖ్ ఖాన్, సల్మాన్ ఖాన్ లు నివసించే విల్లాల మధ్య రణవీర్-దీపికా కొత్త ఇల్లు ఉన్నట్లు తెలుస్తోంది. మొత్తానికి రూ.119 కోట్లతో అపార్ట్మెంట్ కొని వార్తల్లో నిలిచారు దీపికా, రణవీర్. ఇక సినిమాల విషయానికొస్తే.. రణవీర్ 'సర్కస్'. 'రాకీ ఔర్ రాణికి ప్రేమ్ కహానీ' వంటి సినిమాల్లో నటిస్తున్నారు. ఇక దీపికా 'ప్రాజెక్ట్ K'తో బిజీగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)