Ranbir Kapoor-Alia Bhatt wedding: రణబీర్-అలియా పెళ్లి వేడుక షురూ 

అలియా, రణబీర్ పెళ్లికి సంబంధించిన వేడుక మొదలైంది.

రణబీర్-అలియా పెళ్లి వేడుక షురూ 

బాలీవుడ్ లవ్ బర్డ్స్ రణబీర్ కపూర్, అలియాభట్ పెళ్లి బంధంతో ఒక్కటి కాబోతున్నారు. వీరి పెళ్లి తంతు మొదలైంది. ఈరోజు ఉదయం నుంచి రణబీర్-అలియా పెళ్లికి సంబంధించిన పూజలు మొదలయ్యాయి. ముందుగా పితృ పూజ చేశారు. ఆ తరువాత మెహందీ ఫంక్షన్ ను మొదలుపెట్టారు. ముంబైలోని బాంద్రాలో ఉన్న రణబీర్ ఇంట్లోనే ఈ పెళ్లి వేదిక జరగనుంది. 

ఈ మేరకు అన్ని ఏర్పాట్లను పూర్తి చేశారు. రేపు మధ్యాహ్నం 3 గంటలకు పెళ్లి జరగనుంది. ఆ తరువాత మూడు రోజులకు బాలీవుడ్ ప్రముఖులకు తాజ్ హోటల్ లో పార్టీ ఇవ్వబోతుంది ఈ జంట. కేవలం కుటుంబ సభ్యులు, అత్యంత సన్నిహితుల సమక్షంలో వీరి వివాహం జరగనుంది. ముందుగా రిషీ కపూర్ నివసించిన కృష్ణరాజ్ బంగ్లాలో పెళ్లి చేయాలనుకున్నారు. 

కానీ అక్కడ వర్క్ జరుగుతుండడంతో వద్దనుకున్నారు. ఆ తరువాత ఆర్కే స్టుడియోస్ లో పెళ్లి చేయాలని అనుకున్నారు. కానీ సెక్యూరిటీ సమస్యల వలన బాంద్రాలోని సొంతింట్లోనే పెళ్లి పెట్టుకున్నారు. అలియా కోసం రణబీర్ స్పెషల్ గిఫ్ట్ ను డిజైన్ చేయించాడు. 8 వజ్రాలు పొదిగిన వెడ్డింగ్ బ్యాండ్ ను ఆమెకి గిఫ్ట్ గా ఇవ్వనున్నారు. పెళ్లి అలియా ఈ బ్యాండ్ ను ధరించనుంది. సబ్యసాచి రూపొందించిన పెళ్లి దుస్తులను ఈ జంట ధరించనుంది. 

ఈరోజు రాత్రికి సంగీత్ ఫంక్షన్ ఉంటుంది. ఇప్పటికే రణబీర్, అలియా ఫ్యామిలీలకు చెందిన కీలకమైన సభ్యులంతా రణబీర్ ఇంటికి చేరుకున్నారు. పెళ్లి ఫొటోలు లీక్ అవ్వకుండా జాగ్రత్తలు తీసుకుంటున్నారు. మరి ఫొటోలు బయటకొస్తాయో లేదో చూడాలి! 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranbir kapoor 🔵 (@ranbir_kapoooor)