Ready Movie Re-Release: రీ రిలీజ్ కు రెడీ అవుతున్న రామ్ పోతినేని బ్లాక్ బస్టర్ మూవీ, ప్రేక్షకుల ముందుకు వచ్చేది ఎప్పుడో తెలుసా?
టాలీవుడ్ ఎనర్జిటిక్ హీరో రామ్ పోతినేని బ్లాక్ బస్టర్ మూవీ ‘రెడీ’. ఈ చిత్రం ఆయన బర్త్ డే సందర్భంగా రీ రిలీజ్ కాబోతోంది.
టాలీవుడ్ యువ హీరోలలో తనకంటూ ప్రత్యేక గుర్తింపు తెచ్చుకున్న నటుడు ఎనర్జిటిక్ స్టార్ రామ్ పోతినేని. క్లాస్ సినిమాలతో పాటు ‘ఇస్మార్ట్ శంకర్’ లాంటి ఊర మాస్ చిత్రాల్లో నటించి మెప్పించాడు. ప్రస్తుతం ఈ హీరో ఊర మాస్ చిత్రాల దర్శకుడు బోయపాటి శ్రీను దర్శకత్వంలో ఓ సినిమా చేస్తున్నారు. ప్రస్తుతం ఈ సినిమా షూటింగ్ శరవేగంగా కొనసాగుతోంది.
రామ్ బర్త్ డే సందర్భంగా ‘రెడీ’ రీ రిలీజ్!
ఇక రామ్ పోతినేని కెరీర్ లో బ్లాక్ బస్టర్ గా నిలిచిన చిత్రం ‘రెడీ’ ఈ సినిమా రీరిలీజ్ కు రెడీ అవుతోంది. మే 15న రామ్ పుట్టిన రోజు జరపుకోబోతున్నారు. ఈ సందర్భంగా ఆయన నటించిన ఈ హిట్ సినిమాను విడుల చేసేందుకు మేకర్స్ ప్లాన్ చేస్తున్నారట. 4K క్వాలిటీలో ఆయన అభిమానులు ఈ సినిమాను చూడనున్నారు. దీనిపై అధికారిక ప్రకటన రావాల్సి ఉంది. ఈ చిత్రానికి శ్రీను వైట్ల దర్శకత్వం వహించారు. శ్రీ స్రవంతి మూవీస్ బ్యానర్ పై స్రవంతి రవికిషోర్ నిర్మించారు. రాక్ స్టార్ డిఎస్పీ సంగీతం అందించారు. ఈ చిత్రం లో రామ్ సరసన హీరోయిన్ గా జెనీలియా నటించింది. ఎమ్ఎస్ నారాయణ, నాజర్, బ్రహ్మానందం, షఫీ సహా పలువురు ముఖ్య పాత్రలు పోషించారు. 2008లో విడుదలైన ఈ సినిమా అప్పట్లో సంచలన విజయాన్ని అందుకుంది. అంతేకాదు, ఈ చిత్రానికి మూడు నంది అవార్డులు దక్కాయి. 2009లో కన్నడంలో ‘రామ్’ అనే పేరుతో, 2010లో తమిళంలో ‘ఉత్తమ పుదిరన్’ అనే పేరుతో, 2011లో హిందీలో ‘రెడీ’ అనే పేరుతో రీమేక్ అయ్యాయి. అక్కడ కూడా ఈ సినిమా మంచి విజయాన్ని అందుకుంది. ఈ సినిమా మళ్లీ థియేటర్లలోకి రానున్న నేపథ్యంలో ఆయన అభిమానులు సంతోషం వ్యక్తం చేస్తున్నారు.
View this post on Instagram
బోయపాటి దర్శకత్వంలో నటిస్తున్న రామ్
ప్రస్తుతం రామ్ పోతినేని ప్రస్తుతం బోయపాటి శ్రీను డైరెక్షన్లో సినిమా చేస్తున్నాడు. ఈ సినిమా యాక్షన్ ఎంటర్టైనర్గా రూపొందుతోంది. అంతేకాదు, రామ్ సరికొత్త లుక్లో కనిపించబోతున్నాడు. ఇప్పటికే శరవేగంగా షూటింగ్ జరుపుకుంటున్న ఈ సినిమాలో యంగ్ బ్యూటీ శ్రీలీల హీరోయిన్గా నటిస్తోంది. సెకండ్ హీరోయిన్గా బాలీవుడ్ బ్యూటీ సాయీ మంజ్రేకర్ను బోయపాటి తీసుకుంటున్నట్లుగా వార్తలు వినిపిస్తున్నాయి. రామ్ పోతినేని చివరిగా 'ది వారియర్' అనే సినిమాలో నటించారు. లింగుస్వామి డైరెక్ట్ చేసిన ఈ సినిమాలో కృతిశెట్టి హీరోయిన్ గా నటించింది. ఆదిపినిశెట్టి విలన్ గా కనిపించారు. శ్రీనివాసా చిట్టూరి ఈ సినిమాను నిర్మించారు. తెలుగు, తమిళ భాషల్లో ఈ సినిమాను విడుదల చేశారు. ఈ సినిమాలో డాక్టర్గా, పోలీస్ ఆఫీసర్ గా రామ్ రెండు షేడ్స్ ఉన్న పాత్రలో ఎనర్జటిక్ పెర్ఫార్మన్స్ చూపించారు. అయితే, బాక్సాఫీస్ దగ్గర అనుకున్న స్థాయిలో సక్సెస్ అందుకోలేకపోయింది.
View this post on Instagram
Read Also: ‘Miss శెట్టి Mr పొలిశెట్టి’పై రామ్ చరణ్ రివ్యూ - స్వీటీ ఫ్యాన్స్ ఫుల్ఖుష్!
టాప్ హెడ్ లైన్స్
ట్రెండింగ్ వార్తలు
and tablets