Dil Raju: ‘బలగం’ బూస్టింగ్తో కీలక నిర్ణయం, త్వరలో కొత్త న్యూస్ చెప్పబోతున్నట్లు దిల్ రాజు వెల్లడి
ప్రముఖ నిర్మాత దిల్ రాజు త్వరలో కొత్త న్యూస్ చెప్పబోతున్నట్లు వెల్లడించారు. ఆ న్యూస్ విని అందరూ తనను అభినందిస్తారని భావిస్తున్నట్లు తెలిపారు. ఇంతకీ ఆయన చెప్పబోయే న్యూస్ ఏంటా? అని ఆలోచిస్తున్నారు.
Dil Raju About Janaka Aithe Ganaka Movie : టాలీవుడ్ స్టార్ ప్రొడ్యూసర్ దిల్ రాజు త్వరలో ఓ కొత్త విషయాన్ని చెప్పబోతున్నట్లు తెలిపారు. ఆ విషయం బయటకు తెలిశాక అందరూ తనని అభినందిస్తారని భావిస్తున్నట్లు వెల్లడించారు. ‘జనక అయితే గనక’ మూవీ ప్రమోషన్ లో పాల్గొన్న ఆయన ఈ విషయాన్ని వెల్లడించారు. వెర్సటైల్ యాక్టర్ సుహాస్, సంగీర్తన హీరో హీరోయిన్లుగా ఈ సినిమా తెరకెక్కుతోంది. శిరీష్ సమర్పణలో దిల్రాజు ప్రొడక్షన్స్ పతాకంపై హర్షిత్ రెడ్డి, హన్షిత రెడ్డి ఈ సినిమాను నిర్మించారు. సందీప్ రెడ్డి బండ్ల తెరకెక్కించిన ఈ సినిమా దసరా కానుకగా అక్టోబర్ 12న విడుదల కానుంది. ఇప్పటి విడుదలైన ప్రమోషనల్ కంటెంట్ ప్రేక్షకులను ఎంతగానో ఆకట్టుకుంది. పోస్టర్లు, పాటలు, టీజర్ సినిమాపై అంచనాలను పెంచాయి.
‘బలగం’ బూస్టింగ్ తో కొత్త సినిమాలను ప్రోత్సహిస్తున్నా- దిల్ రాజు
‘బలగం’ సినిమా తర్వాత కొత్త సినిమాలను ప్రోత్సహించాలని నిర్ణయం తీసుకున్నట్లు దిల్ రాజు తెలిపారు. “నేను నిర్మాతగా ఎదగాలి అనుకున్నప్పుడు కొత్త కాన్సెప్టులు, కొత్త డైరెక్టర్లను ఎంచుకునేవాడిని . కొత్త సినిమాలను ప్రేక్షకుల ముందుకు తీసుకొచ్చాను. నిర్మాతగా ఎదిగిన తర్వాత పెద్ద స్టార్లు, పెద్ద డైరెక్టర్లతో సినిమాలు చేయాల్సి వచ్చింది. పెద్ద వారితో పాటు నేను పెద్దవాడిగా మారాను. కింది స్థాయి వాళ్లకు అందుబాటులేకుండా పోయాను. ఇప్పుడు దిల్ రాజు ప్రొడక్షన్స్ అనే సంస్థను ప్రారంభించి మళ్లీ చిన్న సినిమాలను ప్రోత్సహిస్తున్నాం. ‘బలగం’ ఇచ్చిన బూస్టింగ్ తో కొత్త డైరెక్టర్లకు, కొత్త యాక్టర్లకు అవకాశం ఇస్తున్నాం. త్వరలో కొత్త న్యూస్ ఇవ్వబోతున్నాను. అప్పుడు మీరు ఇంకా అభినందిస్తారు అనుకుంటున్నాను” అని చెప్పుకొచ్చారు.
‘కొత్త బంగారులోకం’ సక్సెస్ రిపీట్ అవుతుంది- దిల్ రాజు
‘జనక అయితే గనక’ సినిమాను రీసెంట్ గా చిన్న సినిమాలు తెరకెక్కించిన పలువురు దర్శకులు చూసి రివ్యూ ఇచ్చారని దిల్ రాజు వెల్లడించారు. “ఒక్కో డైరెక్టర్ ఆలోచించే విధానం ఒక్కోలా ఉంటుంది. ’35 చిన్నకథ కాదు’, ‘జాతిరత్నాలు’, ‘మ్యాడ్’, ‘కమిటీ కుర్రాళ్లు’ సినిమాల దర్శకులు ఈ సినిమా చూశారు. అందరూ బాగుందని చెప్పారు. కొంత ఫీడ్ బ్యాక్ ఇచ్చినా, ఈ సినిమాలో మార్పులు ఏమీ చేయలేదు. ఈ సినిమా ‘కొత్తబంగారు లోకం’ సినిమాలా సక్సెస్ అవుతుందని భావిస్తున్నాను. ఈ సినిమాను 20 నుంచి 30 ఏండ్ల లోపు వాళ్లు ఎక్కువగా ఇష్టపడుతారు. పెద్దవాళ్లు కూడా ఈ సినిమాను ఇష్టబడుతారు” అని దిల్ రాజు చెప్పుకొచ్చారు.
సెంటిమెంట్ ను కొనసాగిస్తున్నాం- దిల్ రాజు
“ఇప్పటికే మా సినిమాను చాలా మందికి షో వేశాం. త్వరలోనే మీడియాకి కూడా షో వేస్తాను. మీడియా ముందుగా షో వేయాలంటే కాస్త భయంగానే ఉంటుంది. కానీ, మంచి సినిమా కాబట్టి.. మీడియాకు ముందుగానే షో వేస్తాం. ‘హ్యాపీ డేస్’, ‘శతమానం భవతి’ చిత్రాలను ఓవర్సీస్లో ముందుగా రిలీజ్ చేశాను. ఆ సెంటిమెంట్తోనే ఇప్పుడు కూడా ఈ మూవీని అక్టోబర్ 10న ఓవర్సీస్లో రిలీజ్ చేస్తున్నాను. 11న ఇక్కడ ప్రీమియర్లు వేసి.. 12న గ్రాండ్గా రిలీజ్ చేయనున్నాం. నాన్ థియేట్రికల్ బిజినెస్ పూర్తయింది. ఈ సినిమా పూర్తి వినోదాత్మకంగా సాగుతుంది. అందరినీ అలరిస్తుంది” అని చెప్పుకొచ్చారు.
టాప్ హెడ్ లైన్స్
ట్రెండింగ్ వార్తలు
