Radhe Shyam First Single: 'రాధేశ్యామ్' ఫస్ట్ సాంగ్ వచ్చేసిందోచ్.. ఈసారి కూడా కొత్తగా ట్రై చేస్తూ..

రీసెంట్ గా 'రాధేశ్యామ్' టీజర్ ని విడుదల చేయగా... అది బాగా ట్రెండ్ అయింది. తాజాగా సినిమాలో ఫస్ట్ సాంగ్ ను విడుదల చేశారు.

'రాధేశ్యామ్' ఫస్ట్ సాంగ్ వచ్చేసింది..

పాన్ ఇండియా స్టార్ ప్రభాస్ నటిస్తోన్న 'రాధేశ్యామ్' సినిమాను జనవరి 14న విడుదల చేయబోతున్నారు. ఈ విషయాన్ని అధికారికంగా ప్రకటించారు. దీనికి తగ్గట్లుగా సినిమా ప్రమోషన్స్ ను మొదలుపెట్టారు. రీసెంట్ గా 'రాధేశ్యామ్' టీజర్ ని విడుదల చేయగా... అది బాగా ట్రెండ్ అయింది. తాజాగా సినిమాలో ఫస్ట్ సాంగ్ ను విడుదల చేశారు. 

జ‌స్టిన్ ప్ర‌భాక‌ర్ సంగీతం అందించిన ఈ చిత్రంలో 'ఈ రాతలే..' అంటూ సాగే లిరిక‌ల్ వీడియో సాంగ్‌ను ఈరోజు సాయంత్రం విడుద‌ల చేశారు. తెలుగులో ఈ పాటను కృష్ణకాంత్ రాశారు. యువన్ శంకర్ రాజా ఆలపించారు. టీజర్ ని డిఫరెంట్ గా కట్ చేసినట్లే.. ఈ సాంగ్ మొత్తాన్ని చాలా డిఫరెంట్ గా చూపించారు. యానిమేషన్ క్యారెక్టర్స్ తో పాటను డిజైన్ చేశారు. ట్రైన్ లో వెళ్లిపోతున్న హీరోయిన్ ని హీరో కార్ లో ఛేజ్ చేసి పట్టుకోవడం.. వెంటనే ట్రైన్ యాక్సిడెంట్ అవ్వడం వంటి సన్నివేశాలను చూపించారు. స్టెతోస్కోప్, భూతద్దం, హస్తముద్రిక వంటి వాటిని చూపిస్తూ.. సినిమా థీమ్ ను పాటలో చెప్పే ప్రయత్నం చేశారు. 

రెబ‌ల్‌స్టార్ కృష్ణంరాజు స‌మ‌ర్ప‌ణ‌లో గోపీకృష్ణా మూవీస్‌, యువీ క్రియేష‌న్స్ ప‌తాకాల‌పై ప్ర‌మోద్‌, వంశీ, ప్ర‌శీద ఈ చిత్రాన్ని నిర్మిస్తున్నారు. ప్ర‌స్తుతం ఈ సినిమా పోస్ట్ ప్రొడక్షన్ కార్య‌క్ర‌మాలు జ‌రుగుతున్నాయి. యూర‌ప్ నేప‌థ్యంలో జ‌రిగే పీరియాడిక‌ల్ ల‌వ్‌స్టోరిగా ఈ సినిమాను రూపొందించారు. 'జిల్‌' ఫేమ్ రాధాకృష్ణ కుమార్ ఈ సినిమాను తెర‌కెక్కిస్తున్నారు. దాదాపు మూడు వంద‌ల కోట్ల‌ భారీ బడ్జెట్ తో ఈ సినిమాను నిర్మించారు. 

The song that you all have been waiting for, #RadheShyamFirstSingle Lyrical Video is out now!

▶️ https://t.co/4LaOMbRhGo#EeRaathale from #RadheShyam #Prabhas @hegdepooja @director_radhaa pic.twitter.com/gnorwl20mq

— UV Creations (@UV_Creations) November 15, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి