Poorna: థియేటర్లు దొరక్క... పదిహేను రోజులు వెనక్కి వెళ్లిన పూర్ణ సినిమా

పూర్ణ ప్రధాన పాత్రలో నటించిన సినిమా 'బ్యాక్ డోర్'. తొలుత ఈ నెల 3న విడుదల చేయాలని అనుకున్నారు. కానీ, థియేటర్లు దొరక్క పదిహేను రోజులు వెనక్కి వెళ్లింది.

By: ABP Desam | Updated at : 01 Dec 2021 02:54 PM (IST)

Poorna starrer Back Door movie release postponed from December 3rd to 18th

'బ్యాక్ డోర్'లో పూర్ణ

హీరోయిన్ పూర్ణ ప్రధాన పాత్రలో నటించిన సినిమా 'బ్యాక్ డోర్'. కర్రి బాలాజీ దర్శకత్వం వహించారు. బి. శ్రీనివాస్ రెడ్డి నిర్మించిన ఈ ఇసినిమాలో తేజ త్రిపురాన హీరో. ఈ సినిమాను తొలుత 3న విడుదల చేయాలని అనుకున్నారు. కానీ, అనుకున్న సంఖ్యలో థియేటర్లు లభ్యం కానందున సినిమాను ఈ నెల 18కి వాయిదా వేస్తున్నట్టు వెల్లడించారు. ఈ సినిమా వరల్డ్ వైడ్ థియేట్రికల్ హక్కులను కె.ఆర్.ఫిల్మ్ ఇంటర్నేషనల్ అధినేత, ప్రముఖ డిస్ట్రిబ్యూటర్ కందల కృష్ణారెడ్డి సొంతం చేసుకున్నారు. ఆయన మాట్లాడుతూ "సినిమాకు మంచి క్రేజ్ వచ్చింది. అందుకు తగ్గ సంఖ్యలో థియేటర్లు లభించలేదు. అందుకని, వాయిదా వేశాం. ఈ నెల 15న ప్రీ రిలీజ్ ఈవెంట్ నిర్వహించడానికి ప్లాన్ చేస్తున్నాం" అని అన్నారు.
ఓ సినిమా వాయిదా పడినా... మరో సినిమాతో ఈ వారం పూర్ణ ప్రేక్షకుల ముందుకు వస్తున్నారు. నట సింహం నందమూరి బాలకృష్ణ హీరోగా దర్శకుడు బోయపాటి శ్రీను తెరకెక్కించిన హ్యాట్రిక్ సినిమా 'అఖండ'లో ఆమె కీలక పాత్రలో నటించారు. ప్రగ్యా జైస్వాల్ నటించిన ఐఏఎస్ శ్రావణి పాత్రకు మార్గనిర్దేశం చేసే పాత్రలో తాను నటించినట్టు పూర్ణ తెలిపారు.
Also Read: బాలకృష్ణ ముందు డైలాగులు చెప్పడానికి భయపడ్డా! కానీ...
డిసెంబర్ 2న 'అఖండ' విడుదల అవుతుండగా... 3న మలయాళ స్టార్ హీరో మోహన్ లాల్ నటించిన హిస్టారికల్ ఫిల్మ్ 'మరక్కార్' ప్రేక్షకుల ముందుకు వస్తోంది. ఆ తర్వాత రోజున, డిసెంబర్ 4న సత్యదేవ్, నిత్యా మీనన్, రాహుల్ రామకృష్ణ ప్రధాన పాత్రల్లో నటించిన 'స్కైలాబ్' విడుదల అవుతోంది. వరుసగా భారీ సినిమాలు విడుదలకు రెడీగా ఉన్నాయి. అందువల్ల, చిన్న సినిమాలకు థియేటర్లు లభించడం కష్టమవుతోందని ఇండస్ట్రీ వర్గాల సమాచారం.