Parineeti Chopra Wedding: ఆ ఎంపీతో బాలీవుడ్ నటి పరిణితీ చోప్రా పెళ్లి? అసలు విషయం చెప్పేసిన ఆమ్ ఆద్మీ పార్టీ నేత

బాలీవుడ్ బ్యూటీ పరిణీతి చోప్రా త్వరలో పెళ్లి పీటలు ఎక్కబోతోంది. యువ రాజకీయ నాయకుడితో మూడు ముళ్లు వేయించుకోబోతున్నదని వార్తలు వస్తున్నాయి. ఇంతకీ వరుడు ఎవరుో తెలుసా?

Photo@Parineeti Chopra/Instagram

ఆమ్ ఆద్మీ పార్టీ పార్లమెంట్ సభ్యుడు రాఘవ్ చద్దా, బాలీవుడ్ నటి పరిణీతి చోప్రా గత కొంత కాలంగా డేటింగ్ చేస్తున్నట్లు వార్తలు వినిపిస్తున్నాయి. అయితే, ఈ వార్తలపై వారు ఎలాంటి కామెంట్స్ చేయలేదు. పరిణీతి చోప్రా, రాఘవ్ చద్దా వ్యవహారం గురించి ఆప్ అధినేత, ఢిల్లీ సీఎం కేజ్రీవాల్ కు కూడా తెలుసు. ఒకానొక సమయంలో ఆయనను ఈ విషయం గురించి స్పందించాలని మీడియా అడిగినా, తను లైట్ తీసుకున్నారు. తాజా వీరికి సంబంధించిన కీలక విషయం ఒకటి బయటకు వచ్చింది. త్వరలో వీరిద్దరు మూడు ముళ్లు వేసుకోబోతున్నట్లు తెలుస్తోంది. ఈ విషయాన్ని ఆమ్ ఆద్మీ పార్టీకి చెందిన మరో ఎంపీ సంజీవ్ ఆరోరా ధృవీకరించారు. రాఘవ్, పరిణీతి త్వరలో పెళ్లి చేసుకోబోతున్నారని సోషల్ మీడియా వేదికగా వెల్లడించారు.

పరిణీతి చోప్రా, రాఘవ్ చద్దా పెళ్లి గురించి సంజీవ్ ఏమన్నారంటే?

రాఘవ్ చద్దా, పరిణీతి చోప్రాకు సంబంధించి రోకా వేడుక ఇప్పటికే జరిగినట్లు ఆమ్ ఆద్మీ పార్టీ ఎంపీ సంజీవ్ అరోరా తెలిపారు. తన ట్విట్టర్ వేదికగా ఈ విషయాన్ని వెల్లడించారు. “నేను రాఘవ్ చద్దా, పరిణీతి చోప్రాకు హృదయపూర్వక అభినందను తెలియజేస్తున్నాను. వారు ప్రేమ, ఆనందం, సాంగత్యంతో కలిసి మెలిసి ఉండాలని ఆశీర్వదిస్తున్నాను. మరోసారి నా శుభాకాంక్షలు” అంటూ ట్వీట్ చేశారు.   

I extend my heartfelt congratulations to @raghav_chadha and @ParineetiChopra. May their union be blessed with an abundance of love, joy, and companionship. My best wishes!!! pic.twitter.com/3fSWVT4evR

— Sanjeev Arora (@MP_SanjeevArora) March 28, 2023

ప్రస్తుతం సంజీవ్ అరోరా చేసిన ట్వీట్ సోషల్ మీడియాలో వైరల్ అవుతోంది. కాబోయే వధూవరులు  పరిణీతి చోప్రా, రాఘవ్ చద్దాను నెటిజన్లు అభినందిస్తున్నారు. చూడచక్కని జంట అంటూ కామెంట్స్ పెడుతున్నారు. గత కొంత కాలంగా వీరిద్దరు డిన్నర్ డేట్ కు వెళ్తున్న ఫోటోలు సోషల్ మీడియాలో వైరల్ అవుతూనే ఉన్నాయి.   

పెళ్లి పనుల్లో పరిణీతి, రాఘవ్ కుటుంబాలు బిజీ బిజీ   

పరిణీతి చోప్రా,   రాఘవ్ చద్దా పెళ్లికి సంబంధించిన ఏర్పాట్లు జరుగుతున్నట్లు తెలుస్తోంది. "ఇంకా అధికారికంగా వివాహ వేడుక గురించి నిర్ణయం తీసుకోలేదు. ప్రస్తుతం ఇద్దరి కుటుంబాలు ఈ విషయం గురించి చర్చించుకుంటున్నాయి. త్వరలో కొన్ని వేడుకలు జరగనున్నాయి. వీరిద్దరు ఒక్కటి కాబోతున్నందుకు ఇరు కుటుంబాలు సంతోషంగా ఉన్నాయి. ప్రస్తుతం పరిణీత, రాఘవ్ బిజీగా ఉన్న నేపథ్యంలో, కొద్ది రోజుల్లో వారి వివాహ వేడుక గురించి నిర్ణయం తీసుకునే అవకాశం ఉంది. త్వరలో అధికారికంగా ఈ విషయాన్ని వెల్లడిస్తారు” అని ఇరుకుటంబ సభ్యుల సన్నిహితులు వెల్లడిస్తున్నారు.    

కలిసి చదువుకున్న పరిణీతి, రాఘవ్ చద్దా

ఇక  పరిణీతి చోప్రా, రాఘవ్ చద్దా లండన్ స్కూల్ ఆఫ్ ఎకనామిక్స్‌ లో కలిసి చదువుకున్నారు. వారికి చాలా మంది కామన్ ఫ్రెండ్స్ కూడా ఉన్నారు. రాఘవ్ చద్దాతో తనకున్న సంబంధం గురించి పరిణీతి చోప్రా ఇప్పటి వరకు ఎలాంటి విషయం వెల్డించలేదు. తాజాగా ఈ విషయాన్ని ఓ మీడియా ప్రతినిధి తన దగ్గర ప్రస్తావించగా, తను సిగ్గుపడుతూ వెళ్లిపోయింది.