Trikala OTT : ఆ ఊరిలో అమ్మవారికి ముడుపు కడితే? - ఓటీటీలోకి వచ్చేసిన లేటెస్ట్ హారర్ థ్రిల్లర్ త్రికాల
Trikala OTT Platform : లేటెస్ట్ సైకలాజికల్ హారర్ థ్రిల్లర్ త్రికాల ఓటీటీలోకి వచ్చేసింది. దాదాపు 2 నెలల తర్వాత ఎలాంటి అనౌన్స్మెంట్ లేకుండా సడన్గా ఎంట్రీ ఇచ్చింది.
Shraddha Das's Horror Thriller Trikala OTT Streaming : మరో సైకలాజికల్ హారర్ థ్రిల్లర్ ఓటీటీలో సూపర్ థ్రిల్ పంచేందుకు రెడీ అయిపోయింది. దేవి ఫేం చైల్డ్ ఆర్టిస్ట్ మాస్టర్ మహేంద్రన్, హీరోయిన్ శ్రద్ధాదాస్ ప్రధాన పాత్రల్లో నటించిన లేటెస్ట్ థ్రిల్లర్ 'త్రికాల : స్క్రిప్ట్ ఆఫ్ గాడ్'. మే 28న ప్రేక్షకుల ముందుకు వచ్చిన మూవీ మిక్స్డ్ టాక్ సొంతం చేసుకుంది. దాదాపు 2 నెలల తర్వాత ఓటీటీలో స్ట్రీమింగ్ అవుతోంది.
ఎందులో స్ట్రీమింగ్ అంటే?
'త్రికాల' మూవీ డిజిటల్ రైట్స్ ప్రముఖ ఓటీటీ 'సన్ నెక్స్ట్' (SunNXT)లో గురువారం నుంచి తెలుగుతో పాటు తమిళ భాషల్లో అందుబాటులోకి వచ్చింది. ఈ మూవీకి మణి తెల్లగూటి దర్శకత్వం వహించగా... మాస్టర్ మహేంద్రన్, శ్రద్ధాదాస్, ఆమని, అజయ్, సాహితి అవంచ, ప్రభాకర్, రవి వర్మ, రోహిణి తదితరులు కీలకపాత్రలు పోషించారు. హర్షవర్ధన్ రామేశ్వర్ మ్యూజిక్ అందించగా... చాగంటి ప్రొడక్షన్స్ బ్యానర్పై రాధిక శ్రీనివాస్ నిర్మించారు.
స్టోరీ ఏంటంటే?
రాజ వంశీకుల కుటుంబాన్ని తరతరాలుగా శాపం వెంటాడుతుంది. దీని వల్ల చీకటిలో జీవనం తప్ప సూర్యుడి వెలుగుని చూడలేని వైతరణ్ (అజయ్) జన్మిస్తాడు. చిన్నప్పుడే తల్లి చనిపోవడంతో అతని సవతి తల్లి (ఆమని) కంటికి రెప్పలా చూసుకుంటుంది. అయినా, అతని జీవితంలో ఎన్నో అనూహ్యమైన సంఘటనలు జరుగుతాయి. సైకలాజికల్ బైపోలార్ డిజార్డర్తో బాధ పడుతున్న వైతరణ్కు వైద్యం అందించడం కోసం సైకియాట్రిస్ట్ మాయ (శ్రద్ధాదాస్) రంగంలోకి దిగుతుంది.
అసలు వైతరణ్ జీవితంలో ఏం జరుగుతుంది? అతని జీవితానికి సంబంధించి మాయకు ఎలాంటి విషయాలు తెలుస్తాయి? శంకరపల్లి ఊరిలో కాటేరమ్మ ఆలయంలో ముడుపు కట్టి కోరుకుంటే జరిగేది ఏంటి? వైతరణ్ కుటుంబాన్ని వెంటాడుతున్న శాపం వెనుక కథ ఏంటి? శివ (మాస్టర్ మహేంద్రన్), నిధి (సాహితీ అవంచ) జంటకు వైతరణ్కు సంబంధం ఏంటి? అనేది తెలియాలంటే మూవీ చూడాల్సిందే.
Also Read : Ekasekalu Series OTT : ఓటీటీలోకి క్రేజీ మినీ సిరీస్ - ఎప్పుడు, ఎందులో స్ట్రీమింగ్ అంటే?
టాప్ హెడ్ లైన్స్
ట్రెండింగ్ వార్తలు
