Suriya: సూర్య ఫ్లాప్ సినిమాకు సీన్లు, ఫైట్లు యాడ్ చేస్తే చూస్తారా? 'రెట్రో'ని వదలని కార్తీక్ సుబ్బరాజ్

Retro OTT: 'రెట్రో' విడుదలకు ముందు భారీ అంచనాలు ఉండేవి. అయితే సూర్య ఫ్యాన్స్‌నూ పూర్తిస్థాయిలో‌ మెప్పించలేదు. ఇప్పుడీ సినిమాకు ఎక్స్‌టెండెడ్ వెర్షన్ రిలీజ్ చేస్తానంటున్నారు కార్తీక్ సుబ్బరాజు.

రెట్రో ఓటీటీ: సూర్య ఫ్లాప్ సినిమాకు కొత్త సీన్స్, ఫైట్స్‌... కార్తీక్ సుబ్బరాజు ప్లాన్!

Source : https://x.com/Netflix_INSouth

సినిమా విడుదలైన కొన్ని రోజులకు ప్రేక్షకులను మళ్లీ థియేటర్లకు రప్పించడం కోసం దర్శక నిర్మాతలు ఫాలో అయ్యే ఒక టెక్నిక్... సీన్స్ లేదా సాంగ్స్ యాడ్ చేయడం! తెలుగులో 'శంకర్ దాదా ఎంబీబీఎస్' సహా చాలా సినిమాలకు అలా చేశారు. ఓటీటీ వచ్చిన తర్వాత కొత్త ట్రెండ్ మొదలు అయింది. డైరెక్టర్స్ కట్ పేరుతో థియేటర్లలో ఆల్రెడీ ప్రేక్షకులు చూసిన సినిమాకు యాక్షన్ సీక్వెన్సులు లేదా‌ సన్నివేశాలు‌ యాడ్ చేసి రిలీజ్ చేస్తున్నారు. షారుఖ్ ఖాన్ 'జవాన్'లో ఒక ఫైట్ యాడ్ చేస్తే... సూరి - విజయ్ సేతుపతిల 'విడుదలై' సినిమాను డైరెక్టర్స్ కట్ పేరుతో విడుదల చేశారు వెట్రిమారన్. సూర్య 'రెట్రో' సినిమాకు అదే రూటులో వెళుతున్నారు దర్శకుడు కార్తీక్ సుబ్బరాజు. 

ఫ్లాప్ సినిమాకు సీన్స్ యాడ్ చేస్తే చూస్తారా?
'రెట్రో' విడుదలకు ముందు సూర్య అభిమానులతో పాటు ప్రేక్షకులలో కూడా భారీ అంచనాలు ఉండేవి. అయితే మొదటి ఆటకు తమిళ ప్రేక్షకుల నుంచి బిలో యావరేజ్ టాక్ వచ్చింది. తెలుగు ఆడియన్స్ అయితే ఫ్లాప్ అని తేల్చేశారు. బాక్స్ ఆఫీస్ దగ్గర ఏ సినిమాకు పెద్ద  కలెక్షన్లు ఏమీ రాలేదు. నంబర్స్ పరంగా డిజాస్టర్ రిజల్ట్ నమోదు చేసిందని ట్రేడ్ వర్గాలు చెబితే... 235 కోట్లు కలెక్ట్ చేసిందని నిర్మాతలు పోస్టర్ విడుదల చేయడం విమర్శలకు దారి తీసింది. అవన్నీ పక్కన పెడితే... ఇప్పుడు ఈ సినిమాకు ఎక్స్‌టెండెడ్ వెర్షన్ రిలీజ్ చేయడానికి దర్శకుడు కార్తీక్ సుబ్బరాజు సన్నాహాలు చేస్తున్నారు.

''ఓటీటీ ప్రతినిధులతో డిస్కషన్స్ చేస్తున్నాను. మూడు లేదా నాలుగు నెలల తరువాత 'రెట్రో' ఎక్స్‌టెండెడ్ వెర్షన్ విడుదల చేయాలనేది ప్లాన్. సినిమాలో నాలుగు ఐదు ఎపిసోడ్స్ ఉన్నాయి. వాటి నిడివి సుమారు 40 నిమిషాల ఉంటుంది.  లోతైన భావోద్వేగాలతో పాటు యాక్షన్ ఎపిసోడ్స్ మరింత డీటెయిల్డ్‌గా ఉంటాయి. భక్తితో పాటు కల్ట్ ఆటకు సంబంధించి మరింత వివరంగా చెప్పాను. హీరో నవ్వు వెనుక కూడా మంచి సన్నివేశాలు ఉన్నాయి. వీటన్నిటితో కలిపి రిలీజ్ చేయాలనేది ప్లాన్'' అని ఓ తమిళ మీడియా సంస్థకు ఇచ్చిన ఇంటర్వ్యూలో కార్తీక్ సుబ్బరాజు తెలిపారు.

"I am in talks with OTT people to release #RETRO EXTENDED VERSION after 3-4 months📺. It has deeper emotion & detailed action scenes. Retro has 4-5 episodes, which will be about 40 mins🤞. There are more details in Spiritual, Cult, Laughter Angle🤝"
- KSpic.twitter.com/wZXeJfFfzj

— AmuthaBharathi (@CinemaWithAB) June 17, 2025

'రెట్రో' విడుదలైన తర్వాత ప్రేక్షకుల నుంచి భారీ ఎత్తున విమర్శలు వచ్చాయి. సూర్య వంద శాతం కష్టపడ్డారని, అయితే దర్శకుడు కార్తీక్ సుబ్బరాజు అతని కష్టాన్ని వృథా చేశారని అభిమానులు బాధ పడ్డారు. కారణాలు ఏమిటనేది పక్కన పెడితే సినిమాకు ఫ్లాప్ టాక్ వచ్చింది. ఇప్పుడు ఇందులో కొన్ని సీన్స్ యాడ్ చేయడం వల్ల ఆడియన్స్ మళ్ళీ చూస్తారా? ఓటీటీలో చూసిన నిర్మాతకు లాభం వస్తుందా? అనేది డిస్కషన్ పాయింట్. 

'రెట్రో' రిజల్ట్ పక్కన పెడితే... సూర్య తన తదుపరి సినిమా చిత్రీకరణలో బీజీ అయ్యారు. తెలుగు దర్శకుడు వెంకీ అట్లూరి - నిర్మాత సూర్యదేవర నాగ వంశీతో ఆయన ఒక సినిమా చేస్తున్న సంగతి తెలిసిందే. ప్రస్తుతం హైదరాబాద్ సిటీలో ఆ సినిమా షూటింగ్ జరుగుతోంది. అఖిల్ అక్కినేని రిసెప్షన్ వేడుకకు కూడా దర్శకుడు వెంకీ అట్లూరితో కలిసి వచ్చారు సూర్య.